မနှင်းဝေလက်ထဲ ခွေခေါက်နေချင်တဲ့ ဂျိုကာ ( ကျွန်တော် ) ဆိုပါစို့

အမှတ်မထင် ၀င်တိုက်မိခဲ့တဲ့ ပုံပြင်သေးသေးလေးပါပဲ မနှင်းဝေ
ကျွန်တော့မှာလေ
ရယ်သံတိုတိုလေးတွေထဲ ပြုတ်ကျခဲ့ရ
မျက်စောင်းစူးစူးလေးတွေကို ဖက်တွယ်ခဲ့ရ
ကျွန်တော့ဆောင်းရာသီမှာ
နှင်းတွေ ဝေခဲ့ပေါ့ ။

မနှင်းဝေ ရယ်လေ
ကျွန်တော့ဝင်သက်ထွက်သက်ကို ဆေးဆိုးထား ။

ဖန်ကြိုးမျှင် ဆက်သွယ်မှုထဲ
ကျွန်တော် နဲ့ မနှင်းဝေ မရောင့်ရဲနိုင်ခဲ့ကြ
ကမ္ဘာဟာ ဘာလို့ ပိုင်းခြားထားခြင်းခံရတာလဲ
ကျွန်တော်ရှိနေတဲ့နေရာမှာ
မနှင်းဝေ ရှိမနေခြင်းဟာလဲ ၀ဋ်နာကံနာပဲ ။

ကျွန်တော်က
သာမန်လူငယ်တစ်ယောက်ဆိုတော့လဲ
သာမန် ချစ်ခြင်းမေတ္တာနဲ့ပဲပေါ့ မနှင်းဝေ
ဒိထက် မပိုနိုင်တော့သလို
ဒိထက်လဲ မလျော့နိုင်တော့ပါဘူး
( တစ်ခါတစ်လေကျ )
ကျွန်တော်က
ကမ္ဘာသုံးငွေစက္ကူမှာတောင်
မနှင်းဝေပုံ ရိုက်နှိပ်ထားချင်တဲ့ကောင်
( တစ်ခါတစ်လေကျ )
မောင်မိုးမြင့်ရဲ့ ကဗျာထဲကလို
မနှင်းဝေအလှကို ဆိုင်ကယ်ပေါ်တင်ပြီး
လျှောက်သွားချင်မိတာပါပဲ
ရယ်စရာမကောင်းဘူးလား မနှင်းဝေ ။

သူလိုကိုယ်လိုပါပဲ
ကျွန်တော့မှာလဲ နှစ်ဆယ့်လေးနာရီပဲ ရှိတယ်
သူလိုကိုယ်လို မဟုတ်တာက
ကျွန်တော့နှစ်ဆယ့်လေးနာရီမှာ မနှင်းဝေ ရှိတယ် ။

နှင်းတွေ ခေါင်လိုက်တာ ဆောင်းရယ်  တဲ့
ကျွန်တော့ဂစ်တာအိုကြီး တိုးတိုးငြီးတယ်
ကျွန်တော်ရယ်တယ်
မနှင်းဝေ ရယ်တယ်
ခွင့်လွှတ်လိုက်ပါ မနှင်းဝေ
ကျွန်တော့ဆောင်းရာသီမှာ နှင်းတွေ ဝေနေကြောင်း
မနှင်းဝေလက်ကို ရဲရဲတွဲ
ဂစ်တာကြီးသိအောင် စာလုံးပေါင်းပြချင်ပါသေးရဲ့
ရယ်စရာမကောင်းပြန်ဘူးလား မနှင်းဝေ ။

စကားမစပ်
မနှင်းဝေ ရေ . . .
ကျွန်တော့ကို နမ်းပါ
သံသရာကို စိန်ခေါ်ပစ်ချင်လို့ ။

- မင်းလုလင် -

( ဟိုတစ ဒီတစနဲ့ လျှောက်တင်နေတဲ့ Facebook Status တွေကို ကဗျာအဖြစ်စုစည်းထားလိုက်ရုံပါ )

အိမ်သာသုံးစက္ကူအကောင်းစားဟာ မစ်ကီမောက်စ်အရုပ်လေးနဲ့

နာရီကိုဆွဲဆန့်လိုက်တော့ အချိန်ဟာ တစ်ပေနဲ့ 

နှစ်လက်မ လက်ထိပ်သေးသေးလေးနဲ့ဆွဲခတ်ခေါ်သွားတယ်

ရိပ်ကနဲ ရိတ်သိမ်းခံလိုက်ရ သက်တန့်ကွေးကွေးပေါ်မှာ 

မနက်ဖြန်ကို သီချင်းထဲထည့်ပြီး အမြင့်ဆုံးကီးနဲ့ သော့ခတ်ထားလိုက်တော့မယ် 

မြင်ကွင်းတွေက အပ်ကြောင်းထပ်လာ ကမ္ဘာကအက်ကြောင်းထလာ

အဆင့်မြင့်နေမှုထိုင်မှုသွားမှုလာမှုသေမှု မောလို့တိုက်စရာ ရေမရှိဘူး Sick / စစ် ပဲရှိတယ် 

တစ်ရှူးစက္ကူ ဟာ မလိုင်ဖြစ်လာတဲ့အခါ အားတွေရှိလာ ( စေ ) တယ်

ဆီ ဟာ ရေငုတ်နိုင်ကြောင်း နည်းပညာရှာဖွေတွေ့ရှိခဲ့ပြီးနောက် ရောယောင် 

အရောင်တူပစ်ဖို့ ဓါတ်တိုင်ဘေးသေးပန်းဖို့ မှောင်ရိပ်ခိုမှု

အမှောင်ကျ / ချ ခံရ  ဗီလိန်အကယ်ဒမီရတာ ဘာဆန်းလို့လဲလို့ဆို

အတုန်းအရုန်း ကုန်းထလိုက် လက်ညိုးလေးနဲ့တောက်ချလိုက်

ဒါ သံသရာပဲ ဇာတ်အနာပဲ လက်ဖက်ရည်ခွက်ထဲကျသေတဲ့ ယင်ကောင် ( လို )

ဆာလောင်မှုဟာ တင်ပါးမှာအထိုးခံထားရတဲ့တက်တူး  ဒီည 

အိမ်မပြန်ဖြစ်တော့လဲ နောက်တစ်ညပေါ့ နောက်တစ်ညပေါ့ 

" မနောက်ပါနဲ့ အကိုကြီးရယ် ညီမကဒါလေးနဲ့ လုပ်စားနေရတာပါ

  ဒါ ညီမအမေ အမွေပေးခဲ့တဲ့ လယ်ကွက်ကလေးပါ "

သိမ်း / သိမ်း / သိမ်း

သိမ်းထုတ်သေချာတဲ့ 

အိမ်ထောင်ဦးစီး | ကြီး | တို့ ခင်ဗျား 

ခေါ်စရာအဖေတွေအပိုရှိရင်ပြောပါ ခင်ဗျား

ခေါ်စရာအဖေမရှိတဲ့ကလေးတွေပိုနေပါတယ် ခင်ဗျား

ခင်ဗျားတို့ ခေတ် ဟာ ဟာကွက်တွေနဲ့ ဟာသပြက်လုံး မိုးလုံးမှိုင်းလဲ မိုးမရွာဘူး

ပုခုံးတဖက်မှာ စပါးနှံရှိတယ်  ညရှိတယ် အဲ့ဒီညဟာ ဆင်ဆာဖြတ်ခံထားရတဲ့ လ နဲ့ ။

/ ဒါမှမဟုတ် / 

ပုခုံးတဖက်မှာ မိုင်နှစ်ဆယ်ကျော်ကြာအောင်ဖိထားမဲ့ထမ်းပိုးရှိတယ် အဲ့ဒီထမ်းပိုးဟာချွေးနဲ့သွေးနဲ့ ။

တစ်ကိုက်စာကို တ၀က်ဝက်လိုက်ရင် နှစ်ယောက်စာဖြစ်ရမှာပေါ့ ဥာဏ်ဆိုတာ

လွှာသုံးရင် ပြားချပ်ချပ် ပြားချပ်ချပ် သင်္ကြန်အမြောက်ကြီးလက်ချက်နဲ့ လှန့်သေရရှာ

သူ့ခမျာ နှစ်ပိုင်းတပိုင်း x ( တစ်ကိုက်စာ ) ကို ငေးရုံသာငေးခဲ့ရ  ။

တချို့ကြယ်တွေရဲ့ ဖွံ့ဖြိုးမှုနှုန်းဟာ 

သောက်ပြီးသားဘီယာဘူးခွံတွေနဲ့ တိုက်ရိုက်အချိုးကျတယ်

တချို့ကြယ်တွေကျတော့

ပစ်ပြီးသား ကျည်ဆံအခွံတွေနဲ့ တိုက်ရိုက်အချိုးကျတယ်  

တချို့ကျတော့

ကျပြီးသားသွေးတွေ နဲ့

တချို့ကျတော့ 

ကျပြီးသားစိတ်ဓါတ် နဲ့  

နဲ့ နဲ့ လာတဲ့ ခပ်ယဲ့ယဲ့ ဖိနောင့်ပါးဖိနပ်စုတ် ( ကလေး ) 

မတော်တရော်ဟာ မျက်စိထဲဝင်နေပြီး နေသားတကျ ခြေကုတ်ယူလိုက်တယ်  \ အသင့်အနေအထား \ 

                        ( ၁ ... ၂ ... ၃ ... ဒိုင်းးးးးးးးး )

         သံပုရာသီး ၊ ဘလက်လေဘယ် နဲ့ မာကျူရီ ၊ ပြိုင်ကားအကောင်းစား  

                                        ||| VS |||

                                   

                                         မျက်ရည်

လွှတ်လှဗျို့ . . . . . ဒိုင်ဟာ ပွဲမပြီးခင် ပွဲသိမ်းဗြောက်ကိုဖောက်လိုက်တယ် . . . DIeeeeeeeeeeeeee !

- မင်းလုလင် -

နာနာကျင်ကျင် > ကြင်ကြင်နာနာ

နာကျင်မှုဟာ ဆွတ်ဆွတ်ဖြူ အခန်းလွတ်တစ်ခုထဲ ကျနော်ဟာ ဘယ်တစ်ယောက်လဲ 

ကိုယ့်ခန္ဓာ ကို ပြတိုက်တစ်ခုထဲ မောင်းသွင်း လွတ်ထွက်သွား/လွှတ်ချထားချင်ပြီ

မျက်လုံးတွေကို လိုက်ဖမ်းရင်း စိတ်က နံရံပေါ်မှာ ပန်းချီကားတစ်ချပ်ပေါ်မှာ တအံ့တသြ 

နာကျင်/ဆွတ်ရှ တဖြည်းဖြည်း ပါးလျလာ အနားရချင်တဲ့အခါ ကိုယ့်မျက်လုံးကိုယ်

ပန်းချီထဲမှာပြန်တွေ့လိုက်ရသလို အရိပ် / အရောင်တွေ ရိပ်ကနဲ ယောင်ယမ်းအော်မိ 

စိတ် ဟာ အထစ်အငေါ့သေးသေးလေး အိပ်မက်တွေကို အိပ်ယာဘေးမှာ

ပစ်စလက်ခတ်ပစ်တင်လို့ အနားမှာ ကောက်သိမ်းခွင့်ရတဲ့ အလျားလိုက် မနက်ဖြန်တွေ ဟိုတစ်စ 

သည်တစ်စပါပဲ နောက်ထပ် နောက်ထပ် ကုတ်ခြစ်/ကိုယ့်စိတ်ကိုယ် ကုတ်ခြစ် 

အရောင်တွေစုံလို့ အရာတွေမထင်ခဲ့ဘူး ခုတ်ထစ်ဖဲ့ကြွေပစ်လိုက်ပါပြီ 

ပြက္ခဒိန်ပေါ်က နေ့စွဲတွေမှာ တအီအီနဲ့ညည်းညူ လို့ ဒါဟာ အမာရွတ်တစ်ခု 

ဒါဟာ သံယောဇဉ်တစ်ခု ဒါမှမဟုတ် ဒါဟာ တစ်ခုခု နာကျင်မှုဟာ 

ဆေးပြယ်စပန်းချီကားလေး ကိုယ့်ရှေ့မှာ မီးလောင်ဒါဏ်ရာနဲ့  နာ...နာ..

နာကျင် / နာကျင်မှုဟာ အရေပြားတစ်လျှောက် ထိုးဖောက်လွင့်ဝါး/ အသံများ ညံဆူ 

တိတ်ဆိတ်ဖောက်ကွဲပစ်ရ / နာ...နာ ..ကျင်...ကျင် ကျဉ်စက်နဲ့ တို့လိုက်သလို 

ဖျင်းကနဲခံစားမှုဟာ ပြက္ခဒိန်ပေါ်မှာ ယိမ်းထိုးလို့ လွတ်ထွက်သွားတဲ့ စိတ်အစွန်းအစဟာ 

ချည်တိုင်ဆီပြန် ပြန်ရောက်မလာတော့ဘူး အိပ်မက်အဖြစ်နဲ့ အိပ်မက်နေခဲ့ရ လွင့်လွင့်ဝဲ၀ဲ 

အိပ်မက်ပစ်လိုက်ရ   ဒါ ခြေဖမိုးဖြူဖြူလေးပဲ ဒါ သွေးကြောစိမ်းစိမ်းလေးပဲ 

 ဒါ နာကျင်ကဗျာတစ်ပုဒ် ဒါ သွေးစက်လက်နဲ့ဘောင်မဲ့ပန်းချီကားတစ်ချပ် လို

ပါးချိုင့်နက်နက်ကလေး မပါတဲ့အခါ မျက်ဝန်းနက်နက်ကလေးမပါတဲ့အခါ

သီချင်းဟာ မျက်ရည်ဝဲနေရ သီချင်းဟာ တိုးတိုးလေးငိုနေခဲ့ရ ခိုးခိုးငိုနေခဲ့ရ

သူမ / ဒါမှမဟုတ် / သူ့ဆီမှာ မရှိတော့တဲ့ သူမ ... မနေ့ကအကြောင်းတွေးမိတော့

ငှက်ကလေးတစ်ကောင်ဟာ ရုတ်တရက် လန့်ပျံပြေးသွားတာ ဟိုး .... အဝေးကြီးထိ ။

- မောင်ရေချမ်း - မင်းလုလင် -

ရွှေရည်စိမ် ကျွန်

အချိန်တန်တော့လဲ အိမ်ပြန်ကြရမှာပေါ့
တနေ့ ပြီး တနေ့ ပြီး နောက်တစ်နေ့
အချိန်တန်လို့ အိမ်ပြန်သွားကြသူတွေ
အချိန်တန်လို့မှ ပြန်သွားစရာအိမ်မရှိသူတွေ
အကျည်းတန်ညနေခင်းတွေထဲ
နီယွန်မီးထဲ မျက်ရည်တွေ သွန်သွန်ချ ။

အာရှလား ဥရောပလား
ကျားလား နွားလား
သွားကြားလား  -ီး ကြားလားသိစရာမလို
ကျုပ်တို့ဟာ လွယ်လင့်တကူ ညပ်ခဲ့ကြ
ကိုယ့်အတောင်ပံကိုယ် ညှပ်ပစ်ခဲ့ကြ ။

ကမ္ဘာမှာ ငွေဝယ်ကျွန်စနစ် ပပျောက်ခဲ့ပြီ တဲ့
ဆောင်ပုဒ်တွေကို မစားရ၀ခမန်း ရွတ်နေတတ်တဲ့
ကျုပ်တို့က ..... ငွေပေးကျွန်
ကိုယ့်အိတ်ထဲကငွေ နဲ့ ကိုယ် ကျွန်လာခံကြ
( တချို့က )
သူများအိတ်ထဲကငွေနဲ့ ကျွန်လာခံကြ
ရယ်စရာကောင်းလိုက်တာလေ ။

ဟိုမှာ
ဝတ်ကောင်းစားလှတွေနဲ့ ကျွန်
ဟိုမှာ
ဘောလုံးပွဲ ကြိုက်တဲ့ ကျွန်
ဟိုမှာ
ဖုန်းအကောင်းစားနဲ့ ကျွန်
ဟိုမှာ
ရည်းစားထည်လဲတွဲတဲ့ ကျွန်
ဟိုမှာ
ဘီယာသောက်နေတဲ့ ကျွန်
ဟိုမှာ
အိမ်လွမ်းနေတဲ့ ကျွန်
ကျွန်တော်လား
သောက်ကြီးသောက်ကျယ် ကျွန် ။


" နှစ်ဆယ့်လေးနာရီ မီးမပြတ်ဘူး အမေ "
" ရေကလဲ ဘယ်ချိန်ဖွင့်ဖွင့် လာတယ် အမေ "
ရေမီးအစုံ နဲ့ ဘ၀ဟာ
ခွေးတောင်မလျက်တဲ့ ထန်းလျက်လို ထူပေတာပေခံခဲ့ရ
မာကျောခဲ့ရ  ပျော့ညံ့ခဲ့ရ
အားတင်းခဲ့ရ အားပြတ်ခဲ့ရ ။

ဖရီးကောလင်း ၊ စားသောက်ဆိုင်ကောလင်း
စက်ရုံကောလင်း ၊ ဘာညာသာရကာကောလင်း
( တချို့က )
ထောင်နံရံ မှီအိပ်နေတဲ့ သံဗုဒ္ဓေကောလင်း
အလန်းဆုံးဝတ်ပြီး မိသားစုကို လက်ပြနှုတ်ဆက်ခဲ့ကြ
အမှတ်တရ ဓါတ်ပုံပေါင်းများစွာ ချန်ထားခဲ့ကြ
ကိုယ့်ကိုကိုယ် ကျွန်ဇာတ်ထဲ ပျော်ပျော်ကြီး သွတ်သွင်းခဲ့ကြ ။

ဟန်ကိုယ့်ဖို့သာ ရှိစေတော့
ကျွန်မသားလေးက နိုင်ငံခြားမှာလေ တဲ့လား အမေ
ဂုဏ်ယူဝံ့ကြွားစွာ ကျွန်အမည်ကို တမ်းတ
ကျွန်တော် ရှက်ဖို့တောင် မေ့မေ့သွားပါရဲ့ ။

အချိန်တန်တော့လည်း အိမ်ပြန်ကြရမှာပေါ့
အချိန်တန်တော့လည်း အိမ်ပြန်ကြရမှာပေါ့
အချိန်တန်တော့လည်း အိမ်ပြန်ကြရမှာပေါ့
အဲ့ဒါ ဒို့တာဝန်အရေးသုံးပါးပဲ
ဂါထာလို ရွတ်ခဲ့ရ ။

ကျေကျေနပ်နပ် အထိုးခံခဲ့ကြတဲ့  ကျွန် တက်တူး
တချို့က လုပ်အား နဲ့ အောက်ကျနောက်ကျ ပွတ်သပ်ဖျက်ကြ
တချို့က မျက်ရည် နဲ့ ထိတ်လန့်တကြား ပွတ်သပ်ဖျက်ကြ
တချို့က စာရိတ္တ နဲ့ အလောတကြီး ပွတ်သပ်ဖျက်ကြ
သံဗုဒ္ဓေ မှ နပ်မှန်အောင် မရွတ်နိုင်ခဲ့ကြ
ကျုပ်တို့လေ
သေရမှာတောင် မေ့နေကြသလိုလို ။


တနေ့ ပြီး တနေ့ ပြီး နောက်တနေ့ နဲ့ နောက်တနေ့
မိုးမျှော်တိုက်တွေကြားထဲ
နစ်ဝင်သွားတဲ့ စိတ်ဓါတ် နဲ့
သူစိမ်းတစ်ယောက်လို နေသားကျခဲ့ရ ။

နောင်ကြီးတို့ရေ . . . ရွှေတဲ့လား ။
အောက် တန်း စား ရွှေ
ကိုယ့်တိုင်းပြည်မှာ ကိုယ် မနေရခြင်းဟာလဲ
အောက်တန်းကျလွန်းတဲ့ ၀ဋ်နာကံနာ
ကိုယ့်ကိုကိုယ် ပြန်တိုက်ထားတဲ့ ကျိမ်စာ ။

ဟုတ်တယ်
ကျုပ်က
သောက်ကြီးသောက်ကျယ် ကျွန် ။


- မင်းလုလင် -


( စိတ်ထဲ ရှိနေတာလေး ထုတ်ရေးလိုက်ရုံသာ ။ ဘာဆို ဘာမှ မပါ )

ကျုပ်တို့က လူငယ် ( ၂ )

အဲ့ဒီနေ့တုန်းက မိုးတွေရွာလား မရွာလား သေချာမသိသလို
အဲ့ဒီသေချာမသိခြင်းဟာ မြို့မှာလား ရွာမှာလားဆိုတာလဲ တဆင့်စကားတဆင့်နား
ကျုပ်တို့နားထဲကို ဆယ့်ကိုးရာစုကြီး ပစ်ဝင်လာခဲ့တာ
ကျုပ်တို့ပါးစပ်ကနေ လေထုကိုစတင်ညစ်နွမ်းစေခဲ့တာ
အဲ့ဒီသေချာမသိတဲ့ နေရာကနေ ကျုပ်တို့လာခဲ့တယ်
ပုံစံခွက်တွေကို ပုံစံတကျ သွန်မှောက်ပစ်ခဲ့ကြ  စားကြွင်းစားကျန်ဟာ ရောဂါပဲ
နောက်ဆုံးတစက်ထိ အရသာရှိစေမဲ့ ကော်ဖီ နဲ့ ဘ၀ကိုပက်သွင်းထားတာ
သစ်ကိုင်းဖျားလေး တအိအိ လှုပ်ခါကျန်နေခဲ့တဲ့အထိ ကျိုးကျသွားမဲ့အထိ
ခါတော်မီအရောင်အဆင်းနဲ့ ဖြစ်ချင်တိုင်းဖြစ်နေတဲ့ ခေတ် ( ဟာ )
ရင်သားသေးလှီလှတဲ့မိန်းမတစ်ယောက် ဖျားယောင်း
မြူဆွယ်နေသလို ရင်ခုန်စရာမကောင်းတော့ဘူး
ကျုပ်တို့ကလူငယ်
တက်ကျမ်းကိုခါးမှာထိုးရင်း သေနတ်ပစ်တမ်းလဲ ဆော့ချင်ဆော့မယ်
မိုးရေထဲလမ်းလျှောက်တဲ့ ညဟာ တိမ်တွေလိုပေါ့ပါးပစ်လိုက်ကြ
အရေခွံကိုစိတ်နဲ့တသားတည်းဝတ်ဆင်ထားခဲ့တဲ့ အလင်းနဲ့
လွတ်လပ်မှုကို လက်ပတ်နာရီလိုပတ်မယ် ( မကြာခဏ ထုတ်ထုတ်ကြည့်မယ် )
ဂျင်းဘောင်းဘီဝတ်မယ် သူရဲကောင်းတွေကိုအလေးပြုမယ် ဂိမ်းကစားမယ်
နီယွန်မီးရောင်တွေ မော့သောက်တဲ့အခါ လမ်းပြောင်းပြန်လဲ မောင်းချင်မောင်းမယ်
ကျုပ်တို့ကလူငယ်
အရောင်တောက်တောက်ရိုင်းစိုင်းမှုတွေ နဲ့
အသွေးအသားထဲ မေတ္တာတရားကို မိုးလုံလေလုံကိုးကွယ်တယ်
ပုခုံးပေါ်တွန်းတင်ထားတဲ့ မျက်လုံးတွေအတွက်
လက်ဖျံမှာထိုးထားတဲ့တက်တူး
ကိုယ်ပိုင်ရာသီဥတုဟာ ( ဘယ်တော့မှ ) ကွက်ကြားမိုးမရွာဘူး
မိုးနည်းဒေသရဲ့ချွေးတစက်စက် မိုင်နှစ်ဆယ်လို
/ ဒါမှမဟုတ် /
သွေးတစက်စက် အနှစ်နှစ်ဆယ်လို
/ ဒါမှမဟုတ် /
တောက်တခတ်ခတ်ဘ၀နှစ်ဆယ်လို
ပြိုကျနေတဲ့မနက်ဖြန်ထဲက အမှန်တရားဟာ
အပ်ဖျားတထောက်စာအစက်အပြောက်လေးဖြစ်နေရင်တောင်
မှန်ဘီလူးသုံးပြီး မြင်အောင်ကြည့်မဲ့ ( ကြည့်ရမဲ့ )
ကျုပ်တို့ကလူငယ်
ဒီကစားကွက်အခင်းအကျင်းထဲ ဖျက်မြင်း မဖြစ်သွားစေဖို့ပဲ ။

- မင်းလုလင် -


( မိုင်တိုင် ၂၄ မှ ဆက်လက်ထွက်ခွာ - Poetry Ebook - မှ )

ရိုးမြေကျ လို့ ဆိုကြပါစို့ မနှင်းဝေ

ကျောက်ချရပ်နားထားရတဲ့
သင်္ဘောတစီးရဲ့ ကျောက်ဖြုတ်သံပါပဲ
မီးခိုးငွေ့တလူလူ နဲ့ မီးခိုးတွေကြားက အထွက်
မင်းရှင်သန်ကျန်နေခဲ့တာဟာ
ငါ သေဆုံးသွားခြင်းထက် ပိုဆိုးတဲ့ အဓိပ္ပါယ်
ပါးပြင်ပေါ်က အရေပြားတွန့်ခေါက်မှုအပေါ်မှာ
မြစ်တွေ စီးနေမလား
ပူလောင်မှုကို ခွေးပေါက်စလေးလို တယုတယ မွေးမြူနေမလား
ငါ့လက်ကို တင်းတင်းကိုင်ထား
ဒါဟာ ငါ့ရဲ့နောက်ဆုံးနွေးထွေးနိုင်မှု
ငါ စကားတွေ မပြောနိုင်တဲ့အခါ
ငါ့ စကားတွေကို မင်းကြားရမှာ
ငါ မင်းကို စိတ်မချတဲ့အကြောင်းကတော့
နွယ်ပင်လို ရှင်သန်နေဦးမှာ ။

- မင်းလုလင် -

ငှက်

သဘာဝက မိုးပေါ်ပျံတယ်

သူက

ရင်ဘတ်တွေထဲပျံတယ်

အခု

သူပြန်သွားပြီ

ဒါပေမဲ့

သူပျံနေတုန်း  ။   ။

- မင်းလုလင် -

အိမ်ဝေး

ဒီညလဲ ကြယ်တွေမစုံဘူး။
ဘယ်လမ်းခွဲထဲမှာအိမ်ရှိမလဲ
ပလက်ဖောင်းဟာ ကိုယ့်ညကို တစ်ရေးသိပ်တယ်
တိုးတိုးလေး  .... တိတ်တိတ်လေး
အိပ်ပျော်နေတဲ့ ညရဲ့ နံဘေးမှာ ကိုယ်ဟာ
ကြယ်အကြွေတွေကို ငေး
ဟိုး . . . ဝေးဝေးက အိမ် ဆီ အလန့်တကြား ဖက်တွယ်ထားမိ ။

မနှိုးနဲ့
သူနိုးလာရင် မေမေ မရှိဘူး
မနှိုးနဲ့
သူနိုးလာရင် ဖေဖေ မရှိဘူး
သူမရှိတဲ့ အိမ် သူ့ဆီမှာရှိမနေဖို့ ဝေးရတယ်  ။

ကြယ်အကြွေကလေးထဲမှာများ အိမ်ရှိနေမလား
ကြယ်အကြွေလေးနဲ့များ အိမ်ကဆောက်ထားတာလား
စိတ်အလျင်တွေကအစ ကျုံ့ကျုံ့လာတယ်
အိမ်ကိုလက်ဖျံထဲထည့်ချင်တဲ့ ဝေဒနာ
( မဟုတ်ဘူး ) ( မဟုတ်ဘူး )
ဒါဏ်ရာဟာ လက်ဖျံရိုးထဲက ထွက်ကျလာတာ
အိမ်ကလေးထဲ မိုးတွေ ရွာနေမလား
အိမ်ကလေးထဲ နှင်းတွေ ဝေနေမလား
ရာသီဥတုတွေရဲ့အဆုံးအထိ ပြေးကြည့်တော့လဲ
အိမ်ကလေးကို မမြင်ရဘူး
အတွေး နဲ့ အတွေး နဲ့ အတွေး နဲ့
ဝေး ချင် တိုင်း . . . . . ဝေး  ။

ဦးထုပ်တစ်လုံးထဲမှာလား
စားပွဲခုံရဲ့ နောက်ကျောဘက်မှာလား
ကမ္ဘာကျော်မျက်လှည့်ပညာရှင် ရဲ့ လက်ထဲ
အိမ်ကလေး ပါသွားတာမျိုးလား
မျက်ရည်တွေနဲ့ ကွယ်သွားတာမျိုးလား
ယိုယွင်းနေတဲ့ မနက်ဖြန်မနက်
အိပ်ယာဘေးတဖက် ယောင်ယမ်းကြည့်မိတော့
မနက်စာနွေးနွေး ဟာ သွေးဆုတ်ဖြူလျော်လို့  ။

ဖိနပ်မပါလည်း အိမ်ပြန်ချင်တဲ့ စိတ်မျိုးနဲ့
မြေပုံမပါလည်းအိမ်ပြန်ရဲတဲ့စိတ်မျိုးနဲ့
သံလိုက်အိမ်မြှောင်ညွှန်ပြရာအရပ်မှာ
ခပ်စုတ်စုတ် မျှော်လင့်ချက်လေး ရှိမယ်
အရောင်ဟာ ပေရေ ညှို့မှိုင်း
စိုထိုင်းစပြုလာတဲ့ အလင်းတ၀ိုက်မှာ
ဒီညစာ ဘယ်သူ့မျက်နှာကြည့်ပြီးစားမလဲ
ဘယ်အရပ်မျက်နှာမှာကော အိမ်ရှိနေမလဲ
ကန်ထွက်သွားတဲ့ အလျင်ဟာ
ပြန်လည်တူးဖော်ခွင့်မရှိတော့တဲ့ ပြက္ခဒိန်အဟောင်းတွေဆီ
ဦးတည်ရာမဲ့ ကုန်းဆင်းအတိုင်း လိမ့်ဆင်းသွားတဲ့အထိ . . . . . ။

အိမ်ကလေးဟာ ကိုယ့်ဆီ ပြန်မလာဖြစ်သေးဘူး
ကိုယ်ဟာ အိမ်ကလေးဆီ ပြန်မလာဖြစ်သေးဘူး
တနေရာရာမှာ အိမ်ကလေး ရှိနေဦးမယ်
တနေရာရာဆီမှာပဲ ကိုယ်ရှိနေဦးမယ်  ။

မိုးတွေရွာတုန်းကပေါ့
ပုရွက်ဆိတ်လေးတွေဟာ တွင်းဆီ အပြေး
ငှက်ကလေးတွေက အသိုက်ဆီ အပျံ
ကိုယ့်တစ်ယောက်တည်း အထီးကျန်နေရ
မိုးတွေရွာတုန်းကလေ
မိုး နဲ့ ကိုယ် နဲ့ ချော်လဲရောငို ။

မနှိုးပါနဲ့
ညဟာ ကိုယ့်ဘေးမှာ တိတ်တိတ်လေးအိပ်နေ
ကိုယ်မရှိတဲ့ အိမ်လေးထဲ အိမ်မရှိတဲ့ ကိုယ်
ခိုး ခိုးပြီး ငေး  တိုးတိုးလေး ဆွေးတယ်
ဘယ်သူမှ မသိလိုက်ပါဘူးကွယ်

မနေ့ကလေ
အိမ်ကလေးဟာ ကိုယ့်ဆီပြေးလာခဲ့
မနက်ဖြန်ကျရင်ရော
အိမ်ကလေးဆီ ကိုယ်ပြေးသွားနိုင်ပါ့မလား
မေးခွန်းဟာ အလန့်တကြား ကိုယ့်ကို လှုပ်နှိုးလိုက်တယ်
အိပ်မက်ထဲ အိမ်ကလေးဟာ ၀ိုးဝိုးဝါးဝါးသာ ကျန်နေခဲ့ရပေါ့ ။

| နေပိုင် | မင်းလုလင် |

ဤတွင် သတင်းများကို သင်းတို့ ကြေညာခြင်း ပြီးလုပြီးခင်

ကြားဖူးတဲ့အခါ နားဝမှာ မြဲတယ် ဆို အပို အလို မရှိတဲ့ နေရိပ်အညို သစ်ပင်
တိုမှာ နားနေတဲ့ နံငယ်ပိုင်းနဲ့ အကို ချွေးစိုစို လေပြိုတာထက် တောင်ကြီးကို
ဖြို   ငို  ခါးမသန်တော့ဝှီးချဲပေါ်ထိုင်သွားရတဲ့ လူအို  ပျိုချင်နေသလိုလို ဟန်ကိုယ့်ဖို့
အဆို ယိုစုံကို နှုတ်ခမ်းမှာတပ်ပြီး ငေးနေတဲ့ အပျို မှောင်ပြီဆို သူ့တရားကို သူ
ကျစ်ကျစ်ပါအောင်ပိုက် အနှိုက်မလွတ်တဲ့ ကံစမ်းမဲ မရဲတရဲ  ကျွဲပြဲ
ပေါ်က သရဲလက်ထဲ ဝေ့၀ဲသွားပြန်တဲ့အခိုက် Night ခပ်နစ်နစ်စိုက်တဲ့ Knife
မိုးထဲ လေထဲ ဆိုးဆဲ ပေဆဲ သရဲ ပုဆိုးအသာစွဲပြီး ဆေးဆိုးပန်းရိုက် က
ခိုက် ဒုတ်စွဲဓါးစွဲ တိုက်မယ်ဆိုတဲ့သူတွေ အထုတ်ကလေးအသာပိုက် ငိုက်မနေရအောင်
ပိတ်ထားပြန်တဲ့ တိုက်  ငါးထပ် ခြောက်ထပ် ပါတယ်ဆိုတဲ့အပျိုတသိုက် သူ့ထက်သူ
လင်နောက်လိုက် စရိုက် တခါစိုက်ရင် တသက်လုံးခံပါတယ် သွားရမ်းကု ကျင်ဟိုက်
ကြောင် တောင် နှိုက်  နို့မပြတ်သေးတဲ့သားပေါက်ကလေးတွေ တစာစာအော်ငိုခိုက်
ကြက်ဆူပင်တွေ ညွှတ်နေအောင်စိုက်  မယားမရှိတဲ့  နိုက် ကလပ်ပေါ်တင်ထားတဲ့
မုန့်လုံးရေပေါ်တွေ ၀င်ကိုက်သူကိုက် ရိုက်မှုတဲ့ ကြာကြာမနေလိုက် ပဒေသာပင်စိုက်တော့
ရုံးက ပြုံးပြလိုက် အဆုံးမရှိတဲ့ ၀ရုန်းသုန်းကားတွေ သုံးလိုက် ဖြုန်းလိုက် ဆရာကြိုက်
အနေတတ်တော့ လေလာရာလှန်ထားတတ်တဲ့ ဆိုဒ်  အပေါ်တက်လိုက် အောက်ဆင်းလိုက်
ဆန့်ငင် ဆန့်ငင်ဖြစ်ရရှာတဲ့ အရိုက် သူတို့အဆိုမှာ ငမိုက် သားလေးပြန်လာမလား မျှော်
နေလိုက် ထိုင်လိုက် ထလိုက် သွားလိုက် ဒါကိုပဲဗီဒီယိုတွေ ရိုက်  အေဆိုဒ် ဘီဆိုဒ် မရှိတော့တဲ့
Drive ထဲမှာ လုံးချာလိုက် ကွေးလိုက် ဆန့်လိုက် မသိတဲ့ ဂိုက်နဲ့ ဘီယာပုလင်းကို ကိုက်
ဝေလိုက် ၀ါးလိုက် Night သန်ချဆေးမတိုက်နိုင်လို့ နာနေတဲ့ ကလေးရဲ့ဗိုက်
ငိုလိုက် အဆိုကြိုက်တဲ့ အစ်ကိုကြီးက ဆင်ဖြူတသိုက် ဝေဖြာသွားခိုက်
ဒီစရိုက် အမှိုက်တွေ နဲ့ မှောင်မိုက် နေတိတ်တာတောင် ပူစပ်ပူလောင်ဖြစ်နေသလိုလို  နီးလာလိုက်
နီသွားလိုက် နွမ်းနေတဲ့ အနမ်းတွေ ချွေးတပြိုက်ပြိုက်  ဆို  နေညိုတိုင်း ခိုးခိုး ငို
ဒီလိုနဲ့ အို  . . . မိဘမဲ့ဂေဟာက အပျို  သားသမီးမဲ့ဂေဟာထဲမှာ  မန်းတောင်ရိပ်ကို မခိုမိလို့
အသက်ကလေးရယ် တို  . . . . . . ဤတွင် သတင်းများကို ကြေငြာလို့ ပြီးပစ်လိုက်ပါပြီ ။

- မင်းလုလင် -

ခင်ဗျားနာမည်နောက်က ကွင်းစကွင်းပိတ်ထဲမှာ ကွယ်လွန်ရှိတယ် ကိုဘခက်

ခင်ဗျားကိုခင်ဗျားပြန်ရလိုက်တဲ့နေ့က ပြက္ခဒိန်မှာဘာသင်္ကေတနဲ့လဲ ကိုဘခက်
- လည်ချောင်းထဲကဖြတ်ဆင်းသွားတဲ့အောက်ဆီဂျင်ကို မီးခိုးငွေ့တွေနဲ့
  မျောချပစ်လိုက်တာပဲလား ခင်ဗျားပြောတဲ့ လူငယ်ပန်းချီကားတချပ်ပဲလား
  မနေ့ကညနေဆီကိုရောက်ခဲ့သေးလား မိုးကိုမျှော်တုန်းပဲလား ရမ်ကော်ဖီ
  သောက်တုန်းပဲလား ( ခင်ဗျားပြောနေကျ ) စောက်သုံးမကျတဲ့ငတုံးတွေချည်း ကြီး
  စိုးနေတုန်းပဲလား သွေးကြီးကြီးနဲ့ပဲလား ဖြတ်လမ်းကကြမ်းတုန်းပဲလား မနက်ဖြန်ဆီ
  ဖုန်းခေါ်နေတုန်းပဲလား မျက်ရည်တွေစိုနေတုန်းပဲလား လေတွေပြိုနေတုန်းပဲလား
  နေ့ နဲ့ ည ရဲ့ အလယ်ခေါင်မှာရပ်နေတုန်းပဲလား မှတ်တိုင်ကျော်နေတုန်းပဲလား
  ဝေးသွားတဲ့အခါသီချင်းကို ရေနွေးကြမ်းနဲ့မြည်းနေတုန်းပဲလား မီးခြစ်မေ့နေခဲ့ပြန်ပြီလား
  အသံတိတ်ရုပ်ရှင်တွေကြည့်ဖြစ်သေးလား ငါးမျှားခြင်းဟာတက်ကြွမှုကိုဆိုးရွားစွာထိ
  ခိုက်နေတုန်းပဲလား အိပ်မက်နဲ့အဆက်အသွယ်ရသေးလား နီယွန်မီးရောင်ထဲ
  စီးကရက်အစီခံတွေထိုးစိုက်နေတုန်းပဲလား ပင်လယ်ဆီရောက်ဖြစ်သေးလား
  ခံစားမှုဝါဒီပဲလား ခင်ဗျား သွေးအေးသတ္တ၀ါ ဖြစ်နေပြီလား . . . လား . . . လား
  လား . . . လား . . . လား . . . လား . . . လား . . . လား . . . လား . . . လား -

အဲ့ဒါပဲ ကိုဘခက်
အညိုရောင် ညနေအနာ
သွေးမထွက်ဘူးဆိုပေမဲ့ သတိရတိုင်းနာတယ် ။
ကွင်းဖွင့်ပွဲမှာလဲ ခင်ဗျားတစ်ယောက်ထဲ ။
ကွင်းပိတ်ပွဲမှာလဲ ခင်ဗျားတစ်ယောက်ထဲ ။

မနက်ဖြန်ကျရင်စောစောရောက်နေဖို့ ဒီနေ့ကတည်းကမပြန်တဲ့စိတ်ဟာ သွေးတိုး
နေ့ဖို့ညစာချန်ထားခဲ့ပြီးရင် အလျှင်လိုတဲ့သူတွေလဲ လမ်းအိုထဲဝင်သွားကြပေဦးမှာပေါ့
အဲ့ဒါကို ဖြတ်လမ်းလို့ ခေါ်လေမလား ကိုဘခက် ဖန်ခွက်ချင်းတိုက်တဲ့အနုပညာမှာ
ခင်ဗျားကမွေးရာပါအနာ အဲ့ဒီညနေတ၀ိုက်ထဲ အရောင်တွေပစ်ထည့်ထားခဲ့ဦးဗျာ
အဖြူဖြစ်ဖြစ် အမည်းဖြစ်ဖြစ် ဒါမှမဟုတ် ခရမ်းရောင်ကျောပိုးအိတ်လေးတစ်လုံးဖြစ်ဖြစ်
ခင်ဗျားနာမည်အနောက်က ကွင်းစကွင်းပိတ်လေးပဲ ဖြစ်ဖြစ် ။

- မင်းလုလင် -