ပြေးလမ်းပေါ်ရောက်ရှိနေသော အရူး

ဝတ္တုဖတ်သလို

ဇာတ်သိမ်းခန်းကိုကျော်ဖတ်လို့ရမယ်ဆိုရင်

ဘယ်နေ့ ခလုတ်တိုက်မလဲ သိချင်တယ်

ကျွန်တော်က အဲဒီလို အတွေးကြမ်းတယ်



လောကဓံကို ရေရောသောက်ဖို့

ဘယ်သူငယ်ချင်းကိုမှ အကြံမပြုဖူးဘူး...။


တဖက်ဆယ့်တစ်ယောက်ကန်တဲ့ဘောလုံးကွင်းထဲ

ကွင်းလယ်ဒိုင်ဝင်လုပ်နေရသလို

ဘ၀က

မသိမသာ အထီးကျန်တယ်


ရာသီဥတု ကြမ်းကြမ်းတွေကိုကာကွယ်ဖို့

ကျွန်တော့မှာရင်ငွေ့နွေးနွေးလေးတွေ မရှိဘူး

အနုမြူခေတ်မှာ ထင်းမီးလှုံရင်း

ညရေးညတာပူလောင်နေတတ်တဲ့ ကောင်

ကိုယ်ပိုင်တံဆိပ်နဲ့ လမ်းဘေးမှာ ရောင်းတယ်


သူလိုငါလို ညည်းတွားတတ်ရုံနဲ့

ကဗျာဆရာမဖြစ်ဘူးဆိုတော့လဲ

အဲဒီစိတ်ကို ခဏမေ့ထားရတယ်...။


ဝင်ရိုးစွန်းဒေသက

လပြည့်လကွယ်တွေမှာမှ

ပွဲတော်လုပ်ချင်တဲ့ ကျွန်တော်

လူတောတိုးအောင် ခေတ်မမှီဘူး


ခေတ်ကလဲ လူပြည့်နေတဲ့ စစ်ကျန်ဘတ်စ်ကားကြီးလို

တအိအိ တရွေ့ရွေ့နဲ့လိမ့်လို့

ကျွန်တော်ကလဲ အပြေးပြိုင်ပွဲထဲက လိပ်လို

တအိအိနဲ့ ရွေ့လို့

ပုံပြင်မဟုတ်တော့လဲ အနိုင်ရဖို့ အခက်သားပါလားကွယ်...။

ပြက္ခဒိန်ပေါ်က လမ်းဆုံ

သတိရခြင်းကို ဖွင့်ဆိုဖို့
ရာသီအလုံအလောက်မရှိတော့ဘူး
ငါတို့က ရိတ်သိမ်းချိန်မတိုင်ခင်
အကြွေစောခဲ့တာပါ....ကောင်မလေးရယ်

ဘ၀ကိုချော်လဲရောထိုင်လုပ်ဖို့
ဘာလို့ မေ့လျော့နေခဲ့တာလဲ
ပုစဉ်းရင်ကွဲတကောင်ရဲ့ နောက်ဆုံးထွက်သက်ကို
တို့နှစ်ယောက် ကာရံမမိလိုက်ဘူး

တတ်နိုင်သလောက် နားလည်ပေးလိုက်ကြတာပေါ့ ကောင်မလေးရေ
ဝင်သက်ထွက်သက်တွေက ကျပ်တည်းလွန်းတယ်
အလွမ်းလို့ခေါင်းစဉ်တပ်ဖို့
တို့နစ်ယောက် ရာဇ၀င်ထဲ ပြန်ဝင်ကြပါစို့ကွယ်....။

အတွင်းဘက်စည်း၌ မိုးမီးလောင်ခြင်း

ခရမ်းလွန်ရောင်မုန်တိုင်း အဆုံးမှာ
ကြိုးတို့ တထောင်းထောင်းပြတ်တောက်
သံသရာကို တရစ်ချင်းမြိုမဲ့စိတ်က
တံခါးခေါက်သံကို ပြန်ကြောက်နေတယ်..။

ငါမဟုတ်တဲ့ငါ
သူ မဟုတ်တဲ့ သူ
အလင်းမဟုတ်တဲ့အလင်းနဲ့အတူ
လမ်းမဟုတ်တဲ့လမ်းတွေနင်း...။

မီးအိမ်ကငြိမ်းနေပြီ
လေကြမ်းက မဆုံးသေးဘူး
မိုးပြိုလေပြိုကမ္ဘာအိုမှာ
လင်းဖန့်ဖန့် သစ်ပင်တို့ ရွက်နုပျိုကြွေစေ..။

ဘုရားသခင်ကို လက်ဝါးထဲထည့်ပြီး
ကိုယ့်ကိုကိုယ်ပြန်သတ်ရတာလောက်
လွတ်မြောက်တာမရှိဘူး...။

အိပ်မက်တစ္ဆေတို့ ခပ်ကြမ်းကြမ်းလာပါ
ညစုန်းတစ်ကောင်ရဲ့ မျက်လုံးကို အမှောင်ဖုံးပါ
ခပ်မှိန်မှိန်ထွက်ပေါက်တွေကိုတောင်မမြင်ရပါစေနဲ့...။

ကျိမ်စာတို့အက်ကြောင်းထပ်ခဲ့ပြီ
ပိုးကိုက်ခံထားရတဲ့ နတ်ဘုရားရုပ်တု
ကိုးကွယ်ယုံကြည်မှု မှိုင်းတွေ ညိုမွဲညစ်ထေးလို့
အင်တိုက်အားတိုက် ရိုင်းတဲ့ ကြမ္မာမှာ
အနိစ္စတရား မရှာနေတော့ဘူး
ကိုယ်ထင်ရာဝါဒနဲ့
ပလ္လင်တော်ထက်မှာ ညီလွယ်ညွတ်လွယ်...။

အဆုံးကို ရောက်ဖို့ အလယ်ကိုဖြတ်လျှောက်ရမယ်
ဤခရီး ဘယ်လောက်နီးနိုင်မလဲ
သတ်ပါ...
ငါ့စိတ်ကို သတ်ပါ
ငါ့အရိပ်ကို သတ်ပါ
ငါ့အတိတ်ကို သတ်ပါ
အဆိပ်ရည်လူးတဲ့ အိပ်မက်ရူးတွေနဲ့
စိတ်လိုလက်ရ သတ်ပါ...။

မီးအိမ်အသေတို့ရဲ့ ဂီတနဲ့
အပျက်လွန်နိယာမအပြင်ဘက်မှာ
ငါနဲ့ ငါ ကြား အာဃာတ ကင်းစေသား..။

(မင်းလုလင်)