ရွှေရည်စိမ် ကျွန်

အချိန်တန်တော့လဲ အိမ်ပြန်ကြရမှာပေါ့
တနေ့ ပြီး တနေ့ ပြီး နောက်တစ်နေ့
အချိန်တန်လို့ အိမ်ပြန်သွားကြသူတွေ
အချိန်တန်လို့မှ ပြန်သွားစရာအိမ်မရှိသူတွေ
အကျည်းတန်ညနေခင်းတွေထဲ
နီယွန်မီးထဲ မျက်ရည်တွေ သွန်သွန်ချ ။

အာရှလား ဥရောပလား
ကျားလား နွားလား
သွားကြားလား  -ီး ကြားလားသိစရာမလို
ကျုပ်တို့ဟာ လွယ်လင့်တကူ ညပ်ခဲ့ကြ
ကိုယ့်အတောင်ပံကိုယ် ညှပ်ပစ်ခဲ့ကြ ။

ကမ္ဘာမှာ ငွေဝယ်ကျွန်စနစ် ပပျောက်ခဲ့ပြီ တဲ့
ဆောင်ပုဒ်တွေကို မစားရ၀ခမန်း ရွတ်နေတတ်တဲ့
ကျုပ်တို့က ..... ငွေပေးကျွန်
ကိုယ့်အိတ်ထဲကငွေ နဲ့ ကိုယ် ကျွန်လာခံကြ
( တချို့က )
သူများအိတ်ထဲကငွေနဲ့ ကျွန်လာခံကြ
ရယ်စရာကောင်းလိုက်တာလေ ။

ဟိုမှာ
ဝတ်ကောင်းစားလှတွေနဲ့ ကျွန်
ဟိုမှာ
ဘောလုံးပွဲ ကြိုက်တဲ့ ကျွန်
ဟိုမှာ
ဖုန်းအကောင်းစားနဲ့ ကျွန်
ဟိုမှာ
ရည်းစားထည်လဲတွဲတဲ့ ကျွန်
ဟိုမှာ
ဘီယာသောက်နေတဲ့ ကျွန်
ဟိုမှာ
အိမ်လွမ်းနေတဲ့ ကျွန်
ကျွန်တော်လား
သောက်ကြီးသောက်ကျယ် ကျွန် ။


" နှစ်ဆယ့်လေးနာရီ မီးမပြတ်ဘူး အမေ "
" ရေကလဲ ဘယ်ချိန်ဖွင့်ဖွင့် လာတယ် အမေ "
ရေမီးအစုံ နဲ့ ဘ၀ဟာ
ခွေးတောင်မလျက်တဲ့ ထန်းလျက်လို ထူပေတာပေခံခဲ့ရ
မာကျောခဲ့ရ  ပျော့ညံ့ခဲ့ရ
အားတင်းခဲ့ရ အားပြတ်ခဲ့ရ ။

ဖရီးကောလင်း ၊ စားသောက်ဆိုင်ကောလင်း
စက်ရုံကောလင်း ၊ ဘာညာသာရကာကောလင်း
( တချို့က )
ထောင်နံရံ မှီအိပ်နေတဲ့ သံဗုဒ္ဓေကောလင်း
အလန်းဆုံးဝတ်ပြီး မိသားစုကို လက်ပြနှုတ်ဆက်ခဲ့ကြ
အမှတ်တရ ဓါတ်ပုံပေါင်းများစွာ ချန်ထားခဲ့ကြ
ကိုယ့်ကိုကိုယ် ကျွန်ဇာတ်ထဲ ပျော်ပျော်ကြီး သွတ်သွင်းခဲ့ကြ ။

ဟန်ကိုယ့်ဖို့သာ ရှိစေတော့
ကျွန်မသားလေးက နိုင်ငံခြားမှာလေ တဲ့လား အမေ
ဂုဏ်ယူဝံ့ကြွားစွာ ကျွန်အမည်ကို တမ်းတ
ကျွန်တော် ရှက်ဖို့တောင် မေ့မေ့သွားပါရဲ့ ။

အချိန်တန်တော့လည်း အိမ်ပြန်ကြရမှာပေါ့
အချိန်တန်တော့လည်း အိမ်ပြန်ကြရမှာပေါ့
အချိန်တန်တော့လည်း အိမ်ပြန်ကြရမှာပေါ့
အဲ့ဒါ ဒို့တာဝန်အရေးသုံးပါးပဲ
ဂါထာလို ရွတ်ခဲ့ရ ။

ကျေကျေနပ်နပ် အထိုးခံခဲ့ကြတဲ့  ကျွန် တက်တူး
တချို့က လုပ်အား နဲ့ အောက်ကျနောက်ကျ ပွတ်သပ်ဖျက်ကြ
တချို့က မျက်ရည် နဲ့ ထိတ်လန့်တကြား ပွတ်သပ်ဖျက်ကြ
တချို့က စာရိတ္တ နဲ့ အလောတကြီး ပွတ်သပ်ဖျက်ကြ
သံဗုဒ္ဓေ မှ နပ်မှန်အောင် မရွတ်နိုင်ခဲ့ကြ
ကျုပ်တို့လေ
သေရမှာတောင် မေ့နေကြသလိုလို ။


တနေ့ ပြီး တနေ့ ပြီး နောက်တနေ့ နဲ့ နောက်တနေ့
မိုးမျှော်တိုက်တွေကြားထဲ
နစ်ဝင်သွားတဲ့ စိတ်ဓါတ် နဲ့
သူစိမ်းတစ်ယောက်လို နေသားကျခဲ့ရ ။

နောင်ကြီးတို့ရေ . . . ရွှေတဲ့လား ။
အောက် တန်း စား ရွှေ
ကိုယ့်တိုင်းပြည်မှာ ကိုယ် မနေရခြင်းဟာလဲ
အောက်တန်းကျလွန်းတဲ့ ၀ဋ်နာကံနာ
ကိုယ့်ကိုကိုယ် ပြန်တိုက်ထားတဲ့ ကျိမ်စာ ။

ဟုတ်တယ်
ကျုပ်က
သောက်ကြီးသောက်ကျယ် ကျွန် ။


- မင်းလုလင် -


( စိတ်ထဲ ရှိနေတာလေး ထုတ်ရေးလိုက်ရုံသာ ။ ဘာဆို ဘာမှ မပါ )

ကျုပ်တို့က လူငယ် ( ၂ )

အဲ့ဒီနေ့တုန်းက မိုးတွေရွာလား မရွာလား သေချာမသိသလို
အဲ့ဒီသေချာမသိခြင်းဟာ မြို့မှာလား ရွာမှာလားဆိုတာလဲ တဆင့်စကားတဆင့်နား
ကျုပ်တို့နားထဲကို ဆယ့်ကိုးရာစုကြီး ပစ်ဝင်လာခဲ့တာ
ကျုပ်တို့ပါးစပ်ကနေ လေထုကိုစတင်ညစ်နွမ်းစေခဲ့တာ
အဲ့ဒီသေချာမသိတဲ့ နေရာကနေ ကျုပ်တို့လာခဲ့တယ်
ပုံစံခွက်တွေကို ပုံစံတကျ သွန်မှောက်ပစ်ခဲ့ကြ  စားကြွင်းစားကျန်ဟာ ရောဂါပဲ
နောက်ဆုံးတစက်ထိ အရသာရှိစေမဲ့ ကော်ဖီ နဲ့ ဘ၀ကိုပက်သွင်းထားတာ
သစ်ကိုင်းဖျားလေး တအိအိ လှုပ်ခါကျန်နေခဲ့တဲ့အထိ ကျိုးကျသွားမဲ့အထိ
ခါတော်မီအရောင်အဆင်းနဲ့ ဖြစ်ချင်တိုင်းဖြစ်နေတဲ့ ခေတ် ( ဟာ )
ရင်သားသေးလှီလှတဲ့မိန်းမတစ်ယောက် ဖျားယောင်း
မြူဆွယ်နေသလို ရင်ခုန်စရာမကောင်းတော့ဘူး
ကျုပ်တို့ကလူငယ်
တက်ကျမ်းကိုခါးမှာထိုးရင်း သေနတ်ပစ်တမ်းလဲ ဆော့ချင်ဆော့မယ်
မိုးရေထဲလမ်းလျှောက်တဲ့ ညဟာ တိမ်တွေလိုပေါ့ပါးပစ်လိုက်ကြ
အရေခွံကိုစိတ်နဲ့တသားတည်းဝတ်ဆင်ထားခဲ့တဲ့ အလင်းနဲ့
လွတ်လပ်မှုကို လက်ပတ်နာရီလိုပတ်မယ် ( မကြာခဏ ထုတ်ထုတ်ကြည့်မယ် )
ဂျင်းဘောင်းဘီဝတ်မယ် သူရဲကောင်းတွေကိုအလေးပြုမယ် ဂိမ်းကစားမယ်
နီယွန်မီးရောင်တွေ မော့သောက်တဲ့အခါ လမ်းပြောင်းပြန်လဲ မောင်းချင်မောင်းမယ်
ကျုပ်တို့ကလူငယ်
အရောင်တောက်တောက်ရိုင်းစိုင်းမှုတွေ နဲ့
အသွေးအသားထဲ မေတ္တာတရားကို မိုးလုံလေလုံကိုးကွယ်တယ်
ပုခုံးပေါ်တွန်းတင်ထားတဲ့ မျက်လုံးတွေအတွက်
လက်ဖျံမှာထိုးထားတဲ့တက်တူး
ကိုယ်ပိုင်ရာသီဥတုဟာ ( ဘယ်တော့မှ ) ကွက်ကြားမိုးမရွာဘူး
မိုးနည်းဒေသရဲ့ချွေးတစက်စက် မိုင်နှစ်ဆယ်လို
/ ဒါမှမဟုတ် /
သွေးတစက်စက် အနှစ်နှစ်ဆယ်လို
/ ဒါမှမဟုတ် /
တောက်တခတ်ခတ်ဘ၀နှစ်ဆယ်လို
ပြိုကျနေတဲ့မနက်ဖြန်ထဲက အမှန်တရားဟာ
အပ်ဖျားတထောက်စာအစက်အပြောက်လေးဖြစ်နေရင်တောင်
မှန်ဘီလူးသုံးပြီး မြင်အောင်ကြည့်မဲ့ ( ကြည့်ရမဲ့ )
ကျုပ်တို့ကလူငယ်
ဒီကစားကွက်အခင်းအကျင်းထဲ ဖျက်မြင်း မဖြစ်သွားစေဖို့ပဲ ။

- မင်းလုလင် -


( မိုင်တိုင် ၂၄ မှ ဆက်လက်ထွက်ခွာ - Poetry Ebook - မှ )

ရိုးမြေကျ လို့ ဆိုကြပါစို့ မနှင်းဝေ

ကျောက်ချရပ်နားထားရတဲ့
သင်္ဘောတစီးရဲ့ ကျောက်ဖြုတ်သံပါပဲ
မီးခိုးငွေ့တလူလူ နဲ့ မီးခိုးတွေကြားက အထွက်
မင်းရှင်သန်ကျန်နေခဲ့တာဟာ
ငါ သေဆုံးသွားခြင်းထက် ပိုဆိုးတဲ့ အဓိပ္ပါယ်
ပါးပြင်ပေါ်က အရေပြားတွန့်ခေါက်မှုအပေါ်မှာ
မြစ်တွေ စီးနေမလား
ပူလောင်မှုကို ခွေးပေါက်စလေးလို တယုတယ မွေးမြူနေမလား
ငါ့လက်ကို တင်းတင်းကိုင်ထား
ဒါဟာ ငါ့ရဲ့နောက်ဆုံးနွေးထွေးနိုင်မှု
ငါ စကားတွေ မပြောနိုင်တဲ့အခါ
ငါ့ စကားတွေကို မင်းကြားရမှာ
ငါ မင်းကို စိတ်မချတဲ့အကြောင်းကတော့
နွယ်ပင်လို ရှင်သန်နေဦးမှာ ။

- မင်းလုလင် -

ငှက်

သဘာဝက မိုးပေါ်ပျံတယ်

သူက

ရင်ဘတ်တွေထဲပျံတယ်

အခု

သူပြန်သွားပြီ

ဒါပေမဲ့

သူပျံနေတုန်း  ။   ။

- မင်းလုလင် -

အိမ်ဝေး

ဒီညလဲ ကြယ်တွေမစုံဘူး။
ဘယ်လမ်းခွဲထဲမှာအိမ်ရှိမလဲ
ပလက်ဖောင်းဟာ ကိုယ့်ညကို တစ်ရေးသိပ်တယ်
တိုးတိုးလေး  .... တိတ်တိတ်လေး
အိပ်ပျော်နေတဲ့ ညရဲ့ နံဘေးမှာ ကိုယ်ဟာ
ကြယ်အကြွေတွေကို ငေး
ဟိုး . . . ဝေးဝေးက အိမ် ဆီ အလန့်တကြား ဖက်တွယ်ထားမိ ။

မနှိုးနဲ့
သူနိုးလာရင် မေမေ မရှိဘူး
မနှိုးနဲ့
သူနိုးလာရင် ဖေဖေ မရှိဘူး
သူမရှိတဲ့ အိမ် သူ့ဆီမှာရှိမနေဖို့ ဝေးရတယ်  ။

ကြယ်အကြွေကလေးထဲမှာများ အိမ်ရှိနေမလား
ကြယ်အကြွေလေးနဲ့များ အိမ်ကဆောက်ထားတာလား
စိတ်အလျင်တွေကအစ ကျုံ့ကျုံ့လာတယ်
အိမ်ကိုလက်ဖျံထဲထည့်ချင်တဲ့ ဝေဒနာ
( မဟုတ်ဘူး ) ( မဟုတ်ဘူး )
ဒါဏ်ရာဟာ လက်ဖျံရိုးထဲက ထွက်ကျလာတာ
အိမ်ကလေးထဲ မိုးတွေ ရွာနေမလား
အိမ်ကလေးထဲ နှင်းတွေ ဝေနေမလား
ရာသီဥတုတွေရဲ့အဆုံးအထိ ပြေးကြည့်တော့လဲ
အိမ်ကလေးကို မမြင်ရဘူး
အတွေး နဲ့ အတွေး နဲ့ အတွေး နဲ့
ဝေး ချင် တိုင်း . . . . . ဝေး  ။

ဦးထုပ်တစ်လုံးထဲမှာလား
စားပွဲခုံရဲ့ နောက်ကျောဘက်မှာလား
ကမ္ဘာကျော်မျက်လှည့်ပညာရှင် ရဲ့ လက်ထဲ
အိမ်ကလေး ပါသွားတာမျိုးလား
မျက်ရည်တွေနဲ့ ကွယ်သွားတာမျိုးလား
ယိုယွင်းနေတဲ့ မနက်ဖြန်မနက်
အိပ်ယာဘေးတဖက် ယောင်ယမ်းကြည့်မိတော့
မနက်စာနွေးနွေး ဟာ သွေးဆုတ်ဖြူလျော်လို့  ။

ဖိနပ်မပါလည်း အိမ်ပြန်ချင်တဲ့ စိတ်မျိုးနဲ့
မြေပုံမပါလည်းအိမ်ပြန်ရဲတဲ့စိတ်မျိုးနဲ့
သံလိုက်အိမ်မြှောင်ညွှန်ပြရာအရပ်မှာ
ခပ်စုတ်စုတ် မျှော်လင့်ချက်လေး ရှိမယ်
အရောင်ဟာ ပေရေ ညှို့မှိုင်း
စိုထိုင်းစပြုလာတဲ့ အလင်းတ၀ိုက်မှာ
ဒီညစာ ဘယ်သူ့မျက်နှာကြည့်ပြီးစားမလဲ
ဘယ်အရပ်မျက်နှာမှာကော အိမ်ရှိနေမလဲ
ကန်ထွက်သွားတဲ့ အလျင်ဟာ
ပြန်လည်တူးဖော်ခွင့်မရှိတော့တဲ့ ပြက္ခဒိန်အဟောင်းတွေဆီ
ဦးတည်ရာမဲ့ ကုန်းဆင်းအတိုင်း လိမ့်ဆင်းသွားတဲ့အထိ . . . . . ။

အိမ်ကလေးဟာ ကိုယ့်ဆီ ပြန်မလာဖြစ်သေးဘူး
ကိုယ်ဟာ အိမ်ကလေးဆီ ပြန်မလာဖြစ်သေးဘူး
တနေရာရာမှာ အိမ်ကလေး ရှိနေဦးမယ်
တနေရာရာဆီမှာပဲ ကိုယ်ရှိနေဦးမယ်  ။

မိုးတွေရွာတုန်းကပေါ့
ပုရွက်ဆိတ်လေးတွေဟာ တွင်းဆီ အပြေး
ငှက်ကလေးတွေက အသိုက်ဆီ အပျံ
ကိုယ့်တစ်ယောက်တည်း အထီးကျန်နေရ
မိုးတွေရွာတုန်းကလေ
မိုး နဲ့ ကိုယ် နဲ့ ချော်လဲရောငို ။

မနှိုးပါနဲ့
ညဟာ ကိုယ့်ဘေးမှာ တိတ်တိတ်လေးအိပ်နေ
ကိုယ်မရှိတဲ့ အိမ်လေးထဲ အိမ်မရှိတဲ့ ကိုယ်
ခိုး ခိုးပြီး ငေး  တိုးတိုးလေး ဆွေးတယ်
ဘယ်သူမှ မသိလိုက်ပါဘူးကွယ်

မနေ့ကလေ
အိမ်ကလေးဟာ ကိုယ့်ဆီပြေးလာခဲ့
မနက်ဖြန်ကျရင်ရော
အိမ်ကလေးဆီ ကိုယ်ပြေးသွားနိုင်ပါ့မလား
မေးခွန်းဟာ အလန့်တကြား ကိုယ့်ကို လှုပ်နှိုးလိုက်တယ်
အိပ်မက်ထဲ အိမ်ကလေးဟာ ၀ိုးဝိုးဝါးဝါးသာ ကျန်နေခဲ့ရပေါ့ ။

| နေပိုင် | မင်းလုလင် |

ဤတွင် သတင်းများကို သင်းတို့ ကြေညာခြင်း ပြီးလုပြီးခင်

ကြားဖူးတဲ့အခါ နားဝမှာ မြဲတယ် ဆို အပို အလို မရှိတဲ့ နေရိပ်အညို သစ်ပင်
တိုမှာ နားနေတဲ့ နံငယ်ပိုင်းနဲ့ အကို ချွေးစိုစို လေပြိုတာထက် တောင်ကြီးကို
ဖြို   ငို  ခါးမသန်တော့ဝှီးချဲပေါ်ထိုင်သွားရတဲ့ လူအို  ပျိုချင်နေသလိုလို ဟန်ကိုယ့်ဖို့
အဆို ယိုစုံကို နှုတ်ခမ်းမှာတပ်ပြီး ငေးနေတဲ့ အပျို မှောင်ပြီဆို သူ့တရားကို သူ
ကျစ်ကျစ်ပါအောင်ပိုက် အနှိုက်မလွတ်တဲ့ ကံစမ်းမဲ မရဲတရဲ  ကျွဲပြဲ
ပေါ်က သရဲလက်ထဲ ဝေ့၀ဲသွားပြန်တဲ့အခိုက် Night ခပ်နစ်နစ်စိုက်တဲ့ Knife
မိုးထဲ လေထဲ ဆိုးဆဲ ပေဆဲ သရဲ ပုဆိုးအသာစွဲပြီး ဆေးဆိုးပန်းရိုက် က
ခိုက် ဒုတ်စွဲဓါးစွဲ တိုက်မယ်ဆိုတဲ့သူတွေ အထုတ်ကလေးအသာပိုက် ငိုက်မနေရအောင်
ပိတ်ထားပြန်တဲ့ တိုက်  ငါးထပ် ခြောက်ထပ် ပါတယ်ဆိုတဲ့အပျိုတသိုက် သူ့ထက်သူ
လင်နောက်လိုက် စရိုက် တခါစိုက်ရင် တသက်လုံးခံပါတယ် သွားရမ်းကု ကျင်ဟိုက်
ကြောင် တောင် နှိုက်  နို့မပြတ်သေးတဲ့သားပေါက်ကလေးတွေ တစာစာအော်ငိုခိုက်
ကြက်ဆူပင်တွေ ညွှတ်နေအောင်စိုက်  မယားမရှိတဲ့  နိုက် ကလပ်ပေါ်တင်ထားတဲ့
မုန့်လုံးရေပေါ်တွေ ၀င်ကိုက်သူကိုက် ရိုက်မှုတဲ့ ကြာကြာမနေလိုက် ပဒေသာပင်စိုက်တော့
ရုံးက ပြုံးပြလိုက် အဆုံးမရှိတဲ့ ၀ရုန်းသုန်းကားတွေ သုံးလိုက် ဖြုန်းလိုက် ဆရာကြိုက်
အနေတတ်တော့ လေလာရာလှန်ထားတတ်တဲ့ ဆိုဒ်  အပေါ်တက်လိုက် အောက်ဆင်းလိုက်
ဆန့်ငင် ဆန့်ငင်ဖြစ်ရရှာတဲ့ အရိုက် သူတို့အဆိုမှာ ငမိုက် သားလေးပြန်လာမလား မျှော်
နေလိုက် ထိုင်လိုက် ထလိုက် သွားလိုက် ဒါကိုပဲဗီဒီယိုတွေ ရိုက်  အေဆိုဒ် ဘီဆိုဒ် မရှိတော့တဲ့
Drive ထဲမှာ လုံးချာလိုက် ကွေးလိုက် ဆန့်လိုက် မသိတဲ့ ဂိုက်နဲ့ ဘီယာပုလင်းကို ကိုက်
ဝေလိုက် ၀ါးလိုက် Night သန်ချဆေးမတိုက်နိုင်လို့ နာနေတဲ့ ကလေးရဲ့ဗိုက်
ငိုလိုက် အဆိုကြိုက်တဲ့ အစ်ကိုကြီးက ဆင်ဖြူတသိုက် ဝေဖြာသွားခိုက်
ဒီစရိုက် အမှိုက်တွေ နဲ့ မှောင်မိုက် နေတိတ်တာတောင် ပူစပ်ပူလောင်ဖြစ်နေသလိုလို  နီးလာလိုက်
နီသွားလိုက် နွမ်းနေတဲ့ အနမ်းတွေ ချွေးတပြိုက်ပြိုက်  ဆို  နေညိုတိုင်း ခိုးခိုး ငို
ဒီလိုနဲ့ အို  . . . မိဘမဲ့ဂေဟာက အပျို  သားသမီးမဲ့ဂေဟာထဲမှာ  မန်းတောင်ရိပ်ကို မခိုမိလို့
အသက်ကလေးရယ် တို  . . . . . . ဤတွင် သတင်းများကို ကြေငြာလို့ ပြီးပစ်လိုက်ပါပြီ ။

- မင်းလုလင် -

ခင်ဗျားနာမည်နောက်က ကွင်းစကွင်းပိတ်ထဲမှာ ကွယ်လွန်ရှိတယ် ကိုဘခက်

ခင်ဗျားကိုခင်ဗျားပြန်ရလိုက်တဲ့နေ့က ပြက္ခဒိန်မှာဘာသင်္ကေတနဲ့လဲ ကိုဘခက်
- လည်ချောင်းထဲကဖြတ်ဆင်းသွားတဲ့အောက်ဆီဂျင်ကို မီးခိုးငွေ့တွေနဲ့
  မျောချပစ်လိုက်တာပဲလား ခင်ဗျားပြောတဲ့ လူငယ်ပန်းချီကားတချပ်ပဲလား
  မနေ့ကညနေဆီကိုရောက်ခဲ့သေးလား မိုးကိုမျှော်တုန်းပဲလား ရမ်ကော်ဖီ
  သောက်တုန်းပဲလား ( ခင်ဗျားပြောနေကျ ) စောက်သုံးမကျတဲ့ငတုံးတွေချည်း ကြီး
  စိုးနေတုန်းပဲလား သွေးကြီးကြီးနဲ့ပဲလား ဖြတ်လမ်းကကြမ်းတုန်းပဲလား မနက်ဖြန်ဆီ
  ဖုန်းခေါ်နေတုန်းပဲလား မျက်ရည်တွေစိုနေတုန်းပဲလား လေတွေပြိုနေတုန်းပဲလား
  နေ့ နဲ့ ည ရဲ့ အလယ်ခေါင်မှာရပ်နေတုန်းပဲလား မှတ်တိုင်ကျော်နေတုန်းပဲလား
  ဝေးသွားတဲ့အခါသီချင်းကို ရေနွေးကြမ်းနဲ့မြည်းနေတုန်းပဲလား မီးခြစ်မေ့နေခဲ့ပြန်ပြီလား
  အသံတိတ်ရုပ်ရှင်တွေကြည့်ဖြစ်သေးလား ငါးမျှားခြင်းဟာတက်ကြွမှုကိုဆိုးရွားစွာထိ
  ခိုက်နေတုန်းပဲလား အိပ်မက်နဲ့အဆက်အသွယ်ရသေးလား နီယွန်မီးရောင်ထဲ
  စီးကရက်အစီခံတွေထိုးစိုက်နေတုန်းပဲလား ပင်လယ်ဆီရောက်ဖြစ်သေးလား
  ခံစားမှုဝါဒီပဲလား ခင်ဗျား သွေးအေးသတ္တ၀ါ ဖြစ်နေပြီလား . . . လား . . . လား
  လား . . . လား . . . လား . . . လား . . . လား . . . လား . . . လား . . . လား -

အဲ့ဒါပဲ ကိုဘခက်
အညိုရောင် ညနေအနာ
သွေးမထွက်ဘူးဆိုပေမဲ့ သတိရတိုင်းနာတယ် ။
ကွင်းဖွင့်ပွဲမှာလဲ ခင်ဗျားတစ်ယောက်ထဲ ။
ကွင်းပိတ်ပွဲမှာလဲ ခင်ဗျားတစ်ယောက်ထဲ ။

မနက်ဖြန်ကျရင်စောစောရောက်နေဖို့ ဒီနေ့ကတည်းကမပြန်တဲ့စိတ်ဟာ သွေးတိုး
နေ့ဖို့ညစာချန်ထားခဲ့ပြီးရင် အလျှင်လိုတဲ့သူတွေလဲ လမ်းအိုထဲဝင်သွားကြပေဦးမှာပေါ့
အဲ့ဒါကို ဖြတ်လမ်းလို့ ခေါ်လေမလား ကိုဘခက် ဖန်ခွက်ချင်းတိုက်တဲ့အနုပညာမှာ
ခင်ဗျားကမွေးရာပါအနာ အဲ့ဒီညနေတ၀ိုက်ထဲ အရောင်တွေပစ်ထည့်ထားခဲ့ဦးဗျာ
အဖြူဖြစ်ဖြစ် အမည်းဖြစ်ဖြစ် ဒါမှမဟုတ် ခရမ်းရောင်ကျောပိုးအိတ်လေးတစ်လုံးဖြစ်ဖြစ်
ခင်ဗျားနာမည်အနောက်က ကွင်းစကွင်းပိတ်လေးပဲ ဖြစ်ဖြစ် ။

- မင်းလုလင် -

ရာမ

ဗိုလ်လုပ်ချင်တဲ့သူက
လက်ညိုးလေးကွေးတတ်ရုံပဲလား ။
ကိုယ့်မှာ
အိပ်မက်တွေ ကွေးညွှတ်တာတောင်
မိသားစုမှာ အရံကစားသမား ။
လေးတော်တင်ခန်းထဲဝင်ခွင့်မရတဲ့
လူကြမ်းမင်းသား
စတီးဇွန်းပါးပါးပေါ်က အပူငွေ့တွေထဲ

ဘဝတွေပြုတ်ကျသွားတာ မြင်ရတယ် ။ 

- မင်းလုလင် -

စကားစမြည် စိုက်ခင်း

မနက်က ကျန်တဲ့ ၀တ္တရားတွေ ရေခဲသေတ္တာထဲထည့်ဗျာ ဘ၀ဆိုတာ မကြာခဏ
ထုတ်ပိုးသိမ်းဆည်းနေရတာပဲမဟုတ်လား စကားမစပ် ခင်ဗျားအမာရွတ်တွေ
အတော်ပျောက်ကုန်ရောပေါ့ ခေတ်ကြီးက တွန်းတွန်းတိုက်တိုက် ကစားသဗျ
အားရလိုက်တာ ကျုပ်လက်နှစ်ဖက်စလုံး လွတ်လပ်လို့ တနေ့လည်ခင်းလုံး
ပူလိုက်တဲ့နေ ကျုပ်မှာလောကဓံကိုတောင်မေ့ပစ်ရ အရေခွံကိုတောင် မေ့ပစ်ရ
ခင်ဗျား မြင်လား ဟိုမှာ ဟိုမှာ အရေခွံလဲတဲ့မြွေကလဲဗျာ ဦးနှောက်က ငါးမူးသားကိုမရှိ
ဘူး ကွယ်ရာသွားပါ့လား ဘူးတစ်လုံးဆောင်ထားပါလား ကြေငြာကကောင်းတုန်း
ဒီဇာတ်လမ်းအတိုအစတွေက ၀င်ဝင်ရှုပ်နေတယ် ဘယ်နေ့သေမလဲမသိတဲ့ လူဘ၀ထဲ
အခန်းဆက်ဇာတ်လမ်းတွေက ရွဲ့နေသလိုပါပဲ လိုချင်ပြီဆိုရှာမရပြန်ဘူး ဒီ မေတ္တာတရား
ခင်ဗျား တွေ့မိသေးလား နေ့ပူညချမ်းကြီးပါဗျာ ဒါနဲ့ ခင်ဗျား အိပ်မက်နဲ့အဆက်အသွယ်ရသေးလား
ဆောင့်ဆောင့်တိုးနေတဲ့လေကလဲ ကြမ်းပါ့ ဒီဘက်ကို နည်းနည်းတိုးဗျ စကားကျယ်ကျယ်ပြောလဲ
ငရဲမကြီးပါဘူး နေရထိုင်ရတာ တစ်ခုခုလိုနေသလိုလို ခုလိုအပ်နေတာကဘာလဲ မေးခွန်းတော့
မဟုတ်လောက်ပါဘူး ခင်ဗျားဖြေချင်ဖြေ မဖြေချင်လဲ နေ စာမေးပွဲတစ်ခုထဲ
အရွယ်မကြီးသေးတဲ့ကလေးတွေကို စိတ်ဓါတ်အကျဉ်းချသလို မဖြေမနေရ မှ မဟုတ်တာပဲ
ခင်ဗျား မဖြေလဲ ခင်ဗျား နေလို့ရပါတယ် ရောဂါပဲ သိတဲ့အခါကျတော့လဲ ဆေးဖိုးကြီးနေပြန်သတဲ့
ခင်ဗျားတို့ လူ့ဘ၀ကြီးကလဲဗျာ နှစ်ဆယ့်လေးနာရီတိတိ သွေးသိပ်ပူတာပဲ ငိုရ ရယ်ရ
မနက်ဖြန်ကျရင်တော့ စောစောလာဗျ ရာသီဥတုကနည်းနည်းပြောင်းနေတယ် ကျုပ်ကလဲ
အရေခွံပါးတယ် နာရီက တအားလည်သကိုး တရိပ်ရိပ် ညရေးညတာဆိုတော့လဲ မှောင်ထဲမည်းထဲ
မိုးရွာမယ်ထင်တယ် ထင်ချင်တာတွေ လျှောက်ထင်နေရပြန်တော့လဲ ပျော်စရာပဲ
ကျန်းမာရေးဂရုစိုက်ဗျာ အချိန်တန်ရင်တော့ သေသွားကြရမှာပါ ကဲ . . . နောက်မှဆုံမယ်ဗျာ
ဆုံချင်မှလဲ ဆုံမယ် ဂွတ်နိုက်ဗျာ ကိုယ့်လူ ကျုပ်အိပ်ပြီ ။

- မင်းလုလင် -

သားတို့ ရွှံ့နဲ့ပစ်တမ်း မကစားတော့ပါဘူး မေမေ

အမှားမှာ အမှန်ကိုရှာတော့ အမှာစာအမှားတွေ မှားပို့မိမှာစိုးတဲ့ အမှာကို နံရံကပ်
စာစောင်တွေပေါ်မှာ လက်ဗွေရာမကင်းတဲ့ရုပ်သေးခြေထောက်တွေ ဘယ်သူ
ကြိုးဆွဲလိုက်သလဲ ခေါင်းလောင်းဟာအသံမမြည်ပဲတုန်ခါ မျက်ရည်တွေကျလာတယ်
ဒီနေ့ပြီးရင်တော့ နောက်တနေ့အစီအစဉ်ဟာအသက်ဝင်လာမယ်
ဒီတနပ်ပြီးရင်တော့ နောက်တနပ်ဟာဘူတာမှားရပ် အသက်ကိုထုတ်ထားတဲ့ ဖက်ဟာ
နေလောင်ဒါဏ်ကြောင့် အသားတွေမဲကုန်မှာပေါ့ လက်ဖ၀ါးမှာ လမ်းကြောင်းတွေ တိုဝင်
နေသလား ဆရာကြီးရယ် ဆရာလေးရယ် ဆရာရယ် သားတို့သေမှာလား မေမေ
ငယ်ငယ်က ရွှံ့နဲ့ပေါက်တမ်းကစားရင်တောင် ဟိုဘက်မြောင်းခံတပ် ဒီဘက်မြောင်းခံတပ်
လမ်းပေါ်မှာတော့ရွှံ့တွေနဲ့ ပေရေညစ်ပတ် ပန်းကလေးများပွင့်တော့မည် မိုးမည်းရေထဲ
အကျိုးနည်းနေတဲ့ ခဲတံလေးတွေက တံတွေးဆွတ်နေကျ လျှာအဖျားလေးတွေကို
ဖုန်သိပ်နေတဲ့ ဘောလုံးကွင်းလေးက ဖုန်တထောင်းထောင်းနေ့ရက်တွေဆီကို
သွားကြပေါ့ တနိုင်တပိုင်အိပ်မက်လေးတွေ သားလေးကြီးရင် ဘာလုပ်မယ် စစ်ဗိုလ်ကြီး
လုပ်ပါမယ် ယတြာကောင်းကောင်းလေးသာပေးပါ တကယ်သာဂြိုဟ်ဆိုးပြီဆို
တောခိုနေလဲမလွတ်ဘူး ငှက်ဖျားပိုးဦးနှောက်ထဲဝင်  သွားတာတွေ့လိုက်တယ်
ဘယ်တော့မှပြန်လာနိုင်မယ် အေးမြအရိပ်မှာလဲမနေရပါဘူး အခက်ကလေးလဲမချိုးရပါဘူး

" ဒါတို့ပြည် ဒါတို့မြေ တို့ပိုင်နက်မြေ "
နိုင်ငံတော်သီချင်းကို ဘယ်သူရေးလဲ မေမေ ။ ဘယ်တော့မှမှန်မှာလဲ မေမေ ။
သားမေးတာ မှားသွားပြီလား မေမေ ။ အိပ်နေတာလား မေမေ ။
လူကြီးတွေပြောသလို မေမေ ဆုံးပြီ ဆိုတာလား မေမေ ။
အဲ့လိုဆိုရင် သားဘာမှဆက်မေးလို့မရတော့ဘူးလား မေမေ ။

တောင်းနေကျဆုတောင်းတွေဟာ ကြယ်တွေသာကုန်သွားတယ် ကမ္ဘာကြီးမှာ ကျည်ဆံတွေ
ဘယ်တော့မှကုန်သွားမဲ့ ကမ္ဘာကြီးမှာ ကြယ်တွေသာကုန်သွားတယ်
တောင်းနေကျဆုတောင်းတွေဟာ ကျည်ဆံတွေ ကုန်နေတုန်း ။

သားတို့ ရွှံ့နဲ့ပစ်တမ်း မကစားတော့ပါဘူး မေမေ ။


- မင်းလုလင် -