ဆံပင်စုတ်ဖွားထဲ အမှန်တရားတွေ တနေ့တွေ့လိမ့်နိုးနိုး

အလင်းရောင်တွေက ဆံပင်စုတ်ဖွားထဲ ထိုးကျ ။ နေတာကို ဆံပင်စုတ်ဖွားနဲ့လူက သဘောကျနေလေရဲ့ ။

ရေချိုးသန့်စင်ပစ်လိုက်ဖို့ ဆံပင်တွေထဲ သံသယတွေက တနိုင်တပိုင်ထက်ပိုလွန်းနေတယ် လို့

ဆံပင်စုတ်ဖွားနဲ့လူ မကြာခဏ ပြောတယ် ။

ပတ်ဝန်းကျင်ထဲ လူသွားလူလာမပြတ်စေဖို့ ကိုယ့်ကိုကိုယ်တံဆိပ်ပြန်တပ်ထားပါတယ် တဲ့

ဆံပင်စုတ်ဖွားနဲ့လူက ကဗျာဆရာအယောင်ဆောင်မှုကို ထဲထဲဝင်ဝင်နှစ်သက်တယ် ။

မကြာမကြာဆိုသလို စကားလုံးအစုအဖွဲ့တွေကို ကဗျာတွေပါလို့ လူတွေကို လိမ်တယ် ။ လူသွားလူလာမပြတ်စေဖို့ ။

ဆံပင်ရှည်ရှည်တွေထဲ စိတ်ကိုတတ်နိုင်သလောက်တိုအောင် ဖွက်ထားတတ်တဲ့ ဆံပင်စုတ်ဖွားနဲ့လူက

အလင်းဆိုင်ရဲ့ ညတွေထဲ တနံတလျားကျယ်တဲ့ စကားတွေကို အိပ်ချင်ယောင်ဆောင်ရင်း ရှာနေတတ်သတဲ့ ။

သူက လူလိမ် ။ ကဗျာဆရာအယောင်ဆောင်မှုကို  လွယ်လင့်တကူကျူးလွန်တတ်သူ ။ ပြီးတော့လဲ ဘာမှမဟုတ်ပြန်ဘူး ။

စိတ်လိုလက်ရ အလင်းရတဲ့နေ့မျိုးဆိုရင် ဆံပင်တွေထဲ မုသားတွေခိုကပ်နေမလားလို့ မွှေနှောက်ရှာဖွေ

တစ်ယောက်ထဲ တိတ်တိတ်လေး ရယ်နေတတ်တယ် ။

ဆံပင်စုတ်ဖွားနဲ့လူလိမ် ။ သူပြုံးတယ် ။ သူရယ်တယ် ။

တခါတခါကျ ၀မ်းနည်းစရာကောင်းလှတဲ့ ပြက်လုံးတစ်ခုကို ဟက်ဟက်ပက်ပက် ငိုကြွေးနေတတ်တယ် ။

တလောက သဲကန္တာရ တစ်ခုဆီ အလည်သွားရင်း အိုအေစစ်တွေချည်းတွေ့ခဲ့ရတာကို ဒေါသဖြစ်နေလေရဲ့

ဆံပင်စုတ်ဖွားနဲ့လူပေါ့ ..။

မနက်ခင်းဆိုတာ သူဖွင့်မကြည့်ဘူးတဲ့ အပြာရောင်ဇာတ်ကားတစ်ခုသာဖြစ်ကြောင်း ။

အဲဒီ ဆံပင်စုတ်ဖွားနဲ့ လူပေါ့ ။ လိင်မှုကိစ္စ အ၀၀ကို ၀ဖီးဖီးမိန်းမကြီးတစ်ယောက်ဆီမှာ ကိုယ်ထိလက်ရောက်စုံစမ်းနေလိုက်သေးတယ်။

သူကိုယ်တိုင် ပြန်ချုပ်ထားတဲ့ ချုပ်ရိုးတွေကို ငြီးငွေ့နေပြီ တဲ့ ။

သူဟာ တတိယလူဖြစ်ကြောင်း ၊ လူရွှင်တော်ဖြစ်ကြောင်း ၊ ဆံပင်စုတ်ဖွားနဲ့ လူလိမ်တစ်ယောက်ဖြစ်ကြောင်း ။

အာလေးလျှာလေး နဲ့ အသံက ဆံပင်စုတ်ဖွားနဲ့လူဆီမှာနေ့ရောညပါ ခိုလှုံနေ ။

သူ့ဆံပင်စုတ်ဖွားတွေထဲ အသံတွေဝင်သွားမှာကို သွေးရူးသွေးတန်းကြောက်လန့်နေတတ်သေးတယ် ။

အညှီအဟောက်တွေလား ။ အဟောင်းအမြေ့တွေလား ။ ဘောင်တွေထဲ ။ အသစ်တွေထဲ ။

သူဟာ ပန်းချီကားတချပ်မဟုတ်ပါဘူးတဲ့ ။ နားရည်ဝနေကျစကားလုံးတွေနဲ့ ခါးခါးသီးသီး ငြင်းနေတဲ့ ဆံပင်စုတ်ဖွားနဲ့လူ

အလင်းရောင်တွေက ဆံပင်စုတ်ဖွားထဲ ထိုးကျနေတာကို သဘောကျနေလေရဲ့ ။