နေ့ရောညပါလွမ်းနေကြောင်း တံခါးတွေက ပြောနေတယ် ။ မနှင်းဝေ ။
ကျန်းခန့်သာလို့ မာပါစ ။ လို့ နှုတ်ဆက်လိုက်ဖို့ ။ မျက်နှာချင်းဆိုင်ဆုံတွေချိန်မရှိ ။
တော့ဘူးဆိုရင် ကျွန်တော်တို့နှစ်ယောက် ။ တကယ်ဝေးသွားကြပြီဆိုတာ ။
အိပ်မက်မက်နေတာ မဟုတ်ဘူး ။ မနှင်းဝေ ။ တနင်္ဂနွေနေ့များ ။
အားလုံးကို မြေမြုပ်ပစ်ဖို့ ဘယ်သူကူညီနိင်မလဲ ။ဆိုတာ ဘယ်သူ သိနိုင်မလဲ ။ လို့ ရင်ဘတ်ဖွင့်ပြီး ။
ထက်ခြမ်းပြဲ လေယာဉ်လက်မှတ်ပေါ်က နေ့စွဲ ။ တယ်လီဖုန်းနံပါတ် တစ်ခု ။ နှင့် အတူ အပြာရောင်မိန်းမပတ်နာရီတစ်လုံး ။ အိပ်မက်မဟုတ်ကြောင်း သေချာသည်ထက်
ပိုသေချာအောင် ကျွန်တော် အိပ်ပျော်ကြည့်လိုက်တယ် ။ မနှင်းဝေ ။
က အိပ်မက်ထဲ သိပ်လှလွန်းနေရဲ့ ။ အရမ်းဝမ်းနည်းစရာကောင်းတဲ့ ပြက်လုံး ။
စကားလုံး မိုင်းဗုံး ။ ဒီနူးညံ့မှုက ခရစ်နှစ် တခြမ်းသာသာပဲ ခမ်းနားခဲ့တယ် ။ ဆိုတာ ။
အသည်းကွဲရာသီ အခင်းအကျင်းထဲ လက်လွတ်စပယ် ပြုတ်ကျသွားတယ် ။
မနက်တိုင်း နင်နှိုးမဲ့ ဖုန်းသံလေးကို လွမ်းနေမယ် ။ ဆိုတာ မနှင်းဝေရဲ့ ကျိန်စာ ။
တွေ ကျွန်တော့မှာ တယုတယပွေ့ပိုက်လို့ ။ နင်ပြန်လာမဲ့ တနေ့ကျရင် ။ ထက်ခြမ်းပြဲ လေယာဉ်လက်မှတ်ပေါ်က နေ့စွဲထဲမှာ အရိပ်တွေရှိလေလိမ့်မလား ။
လို့ ကျွန်တော် သွေးရူးသွေးတန်း လိုက်ရှာမိတယ် ။ ဆိုတာ မနှင်းဝေ သိမှသိပါလေစ ။
အိပ်ယာဝင် တယ်လီဖုန်းသံများ ။ ပြက္ခဒိန်ပေါ်က မင်နီကြက်ခြေခတ်များ ။
အားလုံးကို မြေမြုပ်ပစ်လိုက်ဖို့ ။ ဘယ်သူကူညီနိုင်မလဲ ။
ကျွန်တော်က မေးခွန်းတွေထဲ ထဲထဲဝင်ဝင်နေထိုင်ရတာ ပျော်တယ် ။ ဆိုတာ မနှင်းဝေ သိမှသိပါလေစ ။
လို့ ကျွန်တော့ကိုယ်ကျွန်တော် ပြန်မေးမိတယ် ။မနှင်းဝေ သိမှသိပါလေစ ။
တနင်္ဂနွေ မပါတဲ့ ပြက္ခဒိန်ကို ခုထိ ရှာမတွေ့သေးတာ ကျွန်တော်သိပ်ညံ့နေပုံပဲ ။ လို့ ညနက်နက်တွေထဲ တွေးမိတယ် ။ မနက်ဖြန်တွေတိုင်းဟာ
ရောက်မလာခင်ကတည်းက ခြောက်သွေ့ ။ နေပြီဆိုတာကို
ကျွန်တော်တိုးတိုးလေးပြောကြည့်မယ် ။ မနှင်းဝေ ။ အရင်လို
ဟက်ဟက်ပက်ပက် ရယ်ပါ ။ ဒါ ၀မ်းနည်းစရာ ပြက်လုံးတစ်ခု ။ ဆိုတာ
ကျွန်တော် ၀န်ခံပါတယ် ။ တနင်္ဂနွေနေ့များ ။ အားလုံးကို မြေမြုပ်ပစ်ဖို့
ဘယ်သူကူညီနိင်မလဲ ။ဆိုတာ ဘယ်သူ သိနိုင်မလဲ ။ လို့ ရင်ဘတ်ဖွင့်ပြီး ။
ကျွန်တော် တိတ်တိတ်ကလေး ငိုနေတာကို ။ မနှင်းဝေ သိမှသိပါလေစ ။
- မင်းလုလင် -
1 comments:
ဒီကဗျာလေးကတော့ အရမ်းကြိုက်တဲ့ကဗျာထပ်ဖတ်သွားပါတယ်ခင်ဗျာ
Post a Comment