Subscribe:

ကျုပ်တို့က လူငယ်




သက္ကရာဇ်ဟာ အတွန်းအတိုက်များတယ် လက်တဆုပ်စာမက
အိုမင်းရင့်ရော်လာမှုတွေနဲ့ ကျုပ်တို့က ကိုးကွယ်ယုံကြည်မှု ပုံမှန်
မရှိတဲ့ လူငယ် ဆိုတော့လဲ မကြာခဏ လဲတယ် အကြေးခွံတွေဟာ
အရောင်တောက်တောက်ဝတ်ဆင်ထားတဲ့ နေ့ ဆိုရင် ညလုံးပေါက်
အလင်းဆိုင်ထိုင်တယ် လမ်းတွေဆီ လျှောက်တယ် ပြေးဝင်လာတဲ့
ညတွေဆီ ပြေးဝင်တယ် ပြီးတော့လဲ ဟင်းလင်းပွင့်ပစ်လိုက်ရ
အလေအလွင့်အဖြစ် လေလွင့်ပစ်လိုက်ရ ကျုပ်တို့က မိုးလေ၀သ
သတင်းမသိတဲ့လူငယ် မိုးမိလွယ်တယ် မျက်ရည်လွယ်တယ် သွေး
ဆူလွယ်တယ် စိတ်ဓါတ်ဟာ ဓါတ်ပုံတစ်ပုံအောက် အလျင်စလို
ရိုက်သွင်းလိုက်တဲ့ မှတ်ချက်စာတစ်ကြောင်းလို ကို့ရို့ကားယား
ဖော်ပြချက်တွေနဲ့ မနေ့က နဲ့ ဒီနေ့ဟာ သိသိသာသာကွဲလွဲလာတယ်
လူ့အဖြစ်ဟာ နိမ့်ကျလာနေသလို ပြီးတော့လဲ လောင်ကျွမ်းပစ်လိုက်ရ
လျော့ကျလာတဲ့အရေခွံကို သေသေသပ်သပ်  ပြန်ဆွဲစေ့နေရ
စေ့ထားတဲ့တံခါးပေါက်တွေကို သက်လုံကောင်းကောင်းနဲ့
တွန်းဖွင့်နေရ ကျုပ်တို့က လူငယ် အမှားတွေနဲ့ ပြကွက်ဟာ
ထပ်နေတယ် တလမ်းပေါ်တလမ်း တခန်းပေါ်တခန်း တယောက်ပေါ်
တယောက် လူလေးယောက်မှာ အနုပညာရှင် တယောက်
ရှိနေပြီလို့ကျုပ်တော့သတ်မှတ်မိတာပဲ ဆိုတဲ့ လူငယ်ဟာ လူငယ်နဲ့
ညကြီးမင်းကြီးမအိပ်ခဲ့ရတဲ့ မောင်ချောနွယ်အကြောင်း မပြောကြဘူး
ခေတ်မှီယဉ်ကျေးမှုအကြောင်း မပြောကြဘူး ကျုပ်တို့က လူငယ်
လိင်စိတ်ကြွစကားလုံးတွေကို နှစ်သက်တယ် ခေတ်မှီ
အိပ်ယာဝင်ပုံပြင်တွေကို လက်လှမ်းမမှီတဲ့နေရာမှာ သိုလှောင်
အနုပညာလက်ကျန်ထဲဝင်ရောက်ပုန်းခိုနေတဲ့ ခင်ဗျားတို့ဟာလဲ
တချိန်က လူငယ် ဂျင်းဘောင်းဘီဝတ်တယ် အပြာရောင်နည်းနည်း
ထည့်ဖျော်ထားတဲ့ စိတ်ကြွဆေးသောက်တယ် ပြီးတော့လဲ လူကြီး
လူကောင်း လုပ်ပစ်လိုက်ရတာပါပဲ ။

- မင်းလုလင် -

ကျောင်းသားမဟုတ်တော့တဲ့အခါ ကျောင်းဟာလွမ်းစရာဖြစ်လာ





အဖြူရောင်ဟာ ဒီနေရာမှာ စခဲ့ကြတယ်ဆိုရင်
ဒီနေရာဟာ အဖြူရောင်နယ်နိမိတ်ပဲ ။
ခဲတံကို စက်တပ်ခလုတ်နှိပ်ပြီး သုံးနိုင်သူတွေရှိသလို
ခဲတံကို တံတွေးစွတ်အားစိုက် ဖိရေးကြသူတွေလဲရှိမယ်
ခမ်းနားတဲ့ အတိတ်တွေ အရိပ်ကျနေတဲ့ ကျောင်းဟာ
ခြံစည်းရိုးအသစ်နဲ့ လှနေတုန်းပဲ ။
ငါတို့တုန်းကလေ .... စသည်ဖြင့်
လွမ်းစရာဟာ ရာစုနှစ်နဲ့အပြည့်အ၀
ကျောင်းဟာ နုပျိုနေတုန်းပဲ ။
ကဲ ... ငိုရတာလဲ ရှိချင်ရှိမယ်
မျက်ရည်ဟာ ကျောင်းကိုရောက်ရင် အရောင်တောက်လာတယ်
နေရတာက ဘေးလူတစ်ယောက်လို
နွေးထွေးမှုဟာ ကိုယ့်အပေါ်ကို တည့်တည့်မကျဘူး
မရှိတော့မှ ပိုတန်ဖိုးကြီးလာတတ်တဲ့အရာတွေထဲ
မုန့်ဈေးတန်းနဲ့ စိန်ပန်းပင်တွေ တလှည့်စီ လွမ်းကြ
တမ်းတမ်းတတဖြစ်လာရင် မျက်လုံးတွေကို အရည်ဖျော်ကြ
ပျော်ကျလာတဲ့ မျက်ရည်တွေထဲမှာ အရိပ်ထင်နေမယ်  ကျောင်း ။

- မင်းလုလင် -

( ပဲခူးမြို့  ။ အ . ထ . က ( ၃ ) ကျောင်းအား သတိရလွမ်းဆွတ်မိစဉ်က )

ပြိုင်ပွဲ



" တကယ့်ပရိယာယ်ဆိုတာ စစ်တုရင်ရုပ်လေးတွေပေါ်မှာရှိတာမဟုတ်ပါဘူး .....

လူတွေရဲ့ အတွင်းစိတ်ထဲမှာ ရှိတယ်ဆိုတာ .... "



အခန်း ( ၁ )


ခန်းမဆောင် တစ်ခုလုံး ငြိမ်သက်တိတ်ဆိတ်နေသည် ။ တချက်တချက် ချောင်းဟန့်သံ တစ်ချို့ ....
သက်ပြင်းချသံတစ်ချို့ မှ အပ တိတ်ဆိတ်ခြင်းကသာ ကြီးစိုးနေသည် ။
ခန်းမ၏အလယ်တည့်တည့်တွင် စစ်တုရင်ကစားခုံတစ်ခု နှင့် လူနှစ်ယောက် ။

ပြိုင်ဘက်၏ ရွှေ့ကွက်အဆုံးတွင် ဟာကွက်ကို သူ မြင်လိုက်ရသည် ။
သူ့ မျက်နှာတွင် အဓိပ္ပါယ်ခန့်မှန်းရခက်သော အပြုံးတစ်ခု ။ ထိုဟာကွက်ထဲသို့ သူ၏
ဘစ်ရှော့က မြှားတစင်းနှယ် ၀င်ရောက်သွားသည် ။ သူ့အပြုံးက လေးနက်သည်ထက်
ပို၍လေးနက်လာလေသည် ။ သူ့ရဲ့တိုက်စစ်အောက်တွင် ပြိုင်ဘက်ကစားသမားရဲ့ ခံစစ်ကြောင်း
အတုံးအရုန်း ပြိုလဲသွားခဲ့ရလေပြီ ။

ပြိုင်ဘက်ကစားသမားက ဘုရင်ရုပ်အား ဘေးသို့ ခပ်ဖြည်းဖြည်း တွန်းလှဲ လိုက်သည် ။
သူသိလိုက်ပါပြီ ။ ဒါက စစ်တုရင် ကစားပွဲတစ်ခုရဲ့ အရှုံးပေးခြင်းသင်္ကေတ ။
လက်ခုပ်သံတို့ သူ့အပေါ် ပြိုကျလာသည် ။ ဘယ်နှစ်ကြိမ်မြောက်မှန်း မမှတ်မိတော့နိုင်သော
သူ၏ နိုင်ပွဲတစ်ခု ။ ထိုသို့သော လက်ခုပ်သံမျိုးက သူ့ဘ၀တွင်
အကြိမ်ပေါင်းမြောက်များစွာ ရရှိခဲ့ဖူးသည် ။ အင်္ကျီလည်ပင်းပေါက်အား
သပ်သပ်ရပ်ရပ်ဖြစ်အောင် ပြုပြင်ပြီး သူ မတ်တပ်ထရပ်လိုက်သည် ။
လက်ခုပ်သံတို့အား တုံ့ပြန်သောအပြုံးတစ်ခုက သူ့မျက်နှာပေါ်တွင် အထင်းသားပေါ်လွင်နေသည် ။
သူက အောင်မြင်မှုကို ဆာလောင်နေသော စစ်တုရင်ကစားသမားတစ်ယောက် ။
သူ့ကစားသမားသက်တမ်းတလျှောက် ရှုံးပွဲဆိုတာ မရှိခဲ့သည်အထိ သူ အောင်မြင်ခဲ့သည် ။
ဒါပေမဲ့ အောင်မြင်မှုတွေကို သူ ဆာလောင်နေဆဲ ။

သူ့ရဲ့ထုံးစံအတိုင်း ပြိုင်ဘက်ကစားသမား၏ ဘုရင်ရုပ်လေးကို ကောက်ယူပြီး
ခန်းမ အတွင်းမှ တလှမ်းချင်း သူ လှမ်းထွက်လာခဲ့သည် ။




အခန်း ( ၂ )




စစ်တုရင်ကစားခုံပေါ် ထိုးကျနေသော အလင်းတန်းတစ်ခုမှအပ အခန်းတစ်ခုလုံး တိတ်ဆိတ်
မဲမှောင်နေသည် ။ စစ်တုရင်ခုံဘေးတွင် သူ ။

အချိန်အတော်ကြာငြိမ်သက်နေပြီးမှ ရွှေ့ကွက်တစ်ခုကို သူ ရွှေ့လိုက်သည် ။
ထို့နောက် စစ်တုရင်ကစားခုံ ၏ တဖက်ခြမ်းသို့ ဖြည်းညှင်းစွာ ကူးပြောင်းလိုက်သည် ။
စစ်တုရင်ကစားပွဲတစ်ခုအား သူ တစ်ယောက်ထဲ ကစားနေခြင်းဖြစ်သည် ။
သူ က သူ၏ ပြိုင်ဘက် ။ သူနှင့် လက်ရည်အတူဆုံးပြိုင်ဘက်နှင့် သူ ကစားနေခြင်းဖြစ်သည် ။

သူ့ဘ၀တစ်လျှောက် ပြိုင်ပွဲပေါင်းမြောက်များစွာ သူ ကစားခဲ့သည် ။ ကစားခဲ့သည့်ပွဲတိုင်း
သူအနိုင်ရခဲ့သည် ။ ဒါပေမဲ့ သူမကျေနပ်နိုင်ပေ ။ ပြိုင်ပွဲတိုင်းကို အနိုင်ရနေသော
သူ့ကိုယ်သူ နိုင်ချင်သည် ။ အဲ့ဒါက သူ့ရဲ့ အကြီးမားဆုံးရည်ရွယ်ချက် ။
ထိုသို့ဖြင့် သူ၏အခန်းကျဉ်းလေးထဲတွင် စစ်တုရင်ကစားပွဲများကို နေ့စဉ်သူဖန်တီးခဲ့သည် ။
သူရဲ့ ပြိုင်ဘက်က သူကိုယ်တိုင်ပင် ။

ရက်ပေါင်းများစွာ သူ ကစားခဲ့သည် ။ ဒါပေမဲ့ တခါမှ သူအနိုင်မရခဲ့ ။ ကစားခဲ့သည့်
ပွဲများအားလုံး သရေပွဲများသာ ဖြစ်ခဲ့သည် ။ သူ့ကိုယ်သူ အနိုင်ရမဲ့ နည်းလမ်းကို
နေ့စဉ်တိုင်း သူရှာဖွေခဲ့သည် ။ အဆန်းကြယ်ဆုံးသော ရွှေ့ကွက်များနှင့်
သူ့ကိုယ်သူ ပြန်ရင်ဆိုင်ခဲ့သည် ။ ဒါပေမဲ့ ဘယ်လိုပဲယှဉ်ပြိုင်ပါစေ ... သူ အနိုင်မရခဲ့ ။

အခုလဲ သူရဲ့ ကြောက်စရာကောင်းလှတဲ့ တိုက်စစ်ကို သူ အသည်းအသန် ကာကွယ်လိုက်နိုင်သည် ။ ဒါ့အပြင် ပြန်၍ပင် ထိုးစစ်ဆင်လိုက်နိုင်သေးသည် ။ ပွဲက ဘက်မျှလွန်းနေသည် ။
သူ့ ရဲ့ အတွေ့အကြုံအရ ဒီတစ်ခါ လဲ သရေပွဲ ပဲ ဖြစ်မည်ဆိုတာကို သူကြိုတွက်မိသည် ။

ဒါကြောင့် စစ်တုရင်ကစားပွဲကို အဆုံးသတ်ပြီး အမှောင်ထဲတွင် သူ ငြိမ်ငြိမ်လေး ထိုင်နေသည် ။
သူ့စိတ်ထဲတွင် အရာရာ ဗလာ ။




အခန်း ( ၃ )


မှောင်မဲနေသော အခန်းကျဉ်းလေးထဲတွင် အလင်းရောင်တို့က ကစင့်ကလျား
ပြန့်လျားသွားသည် ။ မီးလောင်နေသော စစ်တုရင် ကစားခုံတစ်ခု ။ ထိုမီးထဲတွင်
သူ့ရဲ့ဘ၀တစ်လျှောက်ကစားခဲ့သော ကစားပွဲများမှ ပြိုင်ဘက် အရှုံးသမားဘုရင်ရုပ်ကလေးများ ။

သူ့မျက်နှာပေါ်တွင် အပြုံးရိပ်တစ်ခု ဖြတ်ပြေးသွားသည် ။ ထိုအပြုံးက လက်ခုပ်သံများအား
တုံ့ပြန်နေကြအပြုံးမျိုး ။ အဓိပ္ပါယ်လေးနက်လွန်းလှသည် ။

တဖြည်းဖြည်းချင်း စစ်တုရင်ခုံဘေးသို့ သူ လဲကျသွားသည် ။ သူ့လက်ကောက်ဝတ်က
သွေးစက်တွေက ဘုရင်ရုပ်ကလေးတွေဆီ တဖြည်းဖြည်းချင်း စီးဆင်းသွားနေသလိုပင် ။ ။


- မင်းလုလင် -




( HOE Online Magazine မှာ ရိုးဈာန် ဆိုတဲ့ကလောင်နာမည်နဲ့ ကျွန်တော် ရေးသားခဲ့ပါတယ် )

ကျွန်တော် နှင့် ရောက်တတ်ရာရာများ ( ၃ )

ကပေါက်တိကပေါက်ချာ မင်းလုလင် 's စာ



    စာရေးတဲ့အလုပ်က ထင်သလောက်မလွယ်မှန်း ရေးဖူးတဲ့သူတိုင်း သိကြပါလိမ့်မယ် ။
    ကျွန်တော်နှင့်ရောက်တတ်ရာရာများ လို့ခေါင်းစဉ်ပေးထားတာတောင်မှ ရောက်တတ်ရာရာ ရေးဖို့
    အကြောင်းအရာက မရှိဖြစ်နေတယ် ။ ဒါနဲ့ပဲ ယခင် ရယ်စရာ ယခု ပြုံးစရာမဂ္ဂဇင်းရဲ့ အယ်ဒီတာ
    မောင်မောင်စနေရဲ့ ထုံးနှလုံးမူပြီး သူ့ရဲ့ခေါင်းစဉ်ကို ခပ်တည်တည်ပဲ ယူတတ်လိုက်တယ် ။
    ကပေါက်တိကပေါက်ချာ မင်းလုလင်ရဲ့စာ ပေါ့ဗျာ ။ ဆရာမောင်မောင်စနေရဲ့အရင်
    ဘယ်သူတွေက ဒီခေါင်းစဉ်ကိုသုံးခဲ့ဖူးလဲဆိုတာမသိပေမဲ့ ကျွန်တော်ကတော့ ဆရာမောင်မောင်စနေရဲ့
    စာတွေကို ဖတ်ပြီးတော့ သူ့ခေါင်းစဉ်ကို ခပ်တည်တည်ပဲ ပုံတူကူးချလိုက်တာပါ ။
    ပြောမဲ့သာပြောတာ ၊ ဒီခေါင်းစဉ်အောက်မှာ စာရေးရတာ တော်တော်လွတ်လပ်တယ်ဗျ ။
    ကပေါက်တိကပေါက်ချာရေးထားတဲ့စာတွေဆိုတော့ မှန်တာရှိရင်လဲရှိမယ်  မှားတာရှိရင်လဲရှိမယ် ။
    ဆင်ဝှေ့ရန်ရှောင် အပြစ်လွတ်တယ်ပေါ့ဗျာ ။ ခေါင်းစဉ်အောက်မှာ စာရေးတဲ့အကြောင်းပြောရင်းနဲ့
    တလောက မျက်နှာစာအုပ်ကြီးရဲ့ စာမျက်နှာတစ်ခုမှာဖတ်လိုက်ရတဲ့ ကိုလူပအောင်ရဲ့
    ခေါင်းစဉ်အောက်က ကဗျာ ၊ ကဗျာအောက်က ခေါင်းစဉ်ဆိုတဲ့ စာလေးတပုဒ်ကို သွားသတိရမိတယ် ။
    အွန်လိုင်းကဗျာဆရာတစ်ချို့ကို ရည်ညွှန်းတဲ့ စာတပုဒ်ပါ ။ တကယ်တော့ အွန်လိုင်းမီဒီယာဆိုတာက
    လွတ်မြောက်နယ်မြေ တစ်ခုလိုပါပဲ ။ မိမိဖန်တီးချင်တဲ့ အနုပညာကို လွတ်လွတ်လပ်လပ် ဖန်တီးတင်ဆက်လို့ရတယ် ။
    ဒါပေမဲ့ လွတ်လပ်မှုကို အလွဲသုံးစားတော့ မလုပ်သင့်ဘူး ။ ယခုနှစ်ပိုင်းမှာ အွန်လိုင်းကဗျာအသိုင်းအ၀ိုင်းမှာ
     အလှုပ်အရှားတွေ အမြောက်အများတွေရပါတယ် ။အပြောင်းအလဲတွေနဲ့ အသစ်တွေကို
     ကြိုးစားဖန်တီးမှုတွေလဲ တွေ့ရပါတယ် ။ တစ်ချို့တွေကျတော့ တဆိတ်လွန်လွန်းတယ်ဟုပြောရမလိုပင် ။
     အသစ်ဆိုမှ အသစ် ။ အဟောင်းဆို ဖတ်တောင်မဖတ်ချင်ဘူးဆိုတာမျိုးတွေလဲ တွေ့ရပါတယ် ။
     ဒါမျိုးကျတော့ ကဗျာကိုစော်ကားနေသလိုပင် ။ ကျွန်တော် ကဗျာဖတ်ပါတယ် ။
     ကဗျာဖတ်တာမှ ဟိုးငယ်ငယ် ကလေးဘ၀ကတည်းက ဖတ်တာပါ ။
     တို့ကျောင်းတို့ ၊ တို့ဖေဖေတို့ ၊ ဒီလိုကနေ စပြီး သပြေနုချိန် ၊ နွေဦးကာလမြူထသောအခါ စသည်စသည်ဖြင့်
     ကဗျာနဲ့ ရင်းနှီးခဲ့တာပါ ။ အဟောင်းဆို ဖတ်တောင်မဖတ်ချင်ဘူးဆိုတဲ့ပုဂ္ဂိုလ်တွေကတော့
    ဘယ်လိုကဗျာမျိုးတွေ ဖတ်ပြီး ကဗျာနဲ့ ရင်းနှီးခဲ့သလဲတော့ မသိဘူးပေါ့ဗျာ ။
     အဟောင်းတွေဆို ဖတ်ကိုမဖတ်ချင်ဘူးဆိုတာကတော့ ..... စာရွက်တွေဟောင်းနေတော့
    စာလုံးတွေပျက်တဲ့ဟာကပျက်နဲ့ ဖတ်ရတာ အရသာပျက်လို့ထင်ပါရဲ့ ။ တစ်ချို့တွေကပြောကြသေးတယ် ။
     စွန့်လွတ်ရမယ် ။ အသစ်ကိုလိုချင်ရင် စွန့်လွတ်ရမယ် ။ ကျွန်တော်ကလဲ ပြောလိုက်ချင်ပါတယ် ။
     တကယ်စွန့်လွတ်ရဲတယ်ဆိုရင် ကဗျာဆရာဘ၀ကိုပါ စွန့်လွတ်လိုက်ပြီး ဆိုက်ကားနင်းကြပါလားလို့ ။
     အဲ့ဒီထက် စွန့်လွတ်ပြီး အဲ့ဒီထက်သစ်တာတော့ မရှိတော့ဘူးထင်တယ် ။
    ဘ၀တစ်ခုလုံးပါ အသစ်ဖြစ်သွားနိုင်ပါတယ် ။ ရယ်စရာအဖြစ်ပြောတာပါ ။
    တစ်ချို့ကကျတော့လဲ နာမည်ကြီးတွေနဲ့ ခင်မင်မှုရှိကြောင်း သိပ်ကို သိစေချင်ကြတယ်ဗျ ။
     စိန်နားကပ်အရောင်နဲ့ ပါးလေးလဲ နည်းနည်းပြောင်နိုင်ကောင်းရယ်လို့ တွေးတာမျိုးလဲ ဖြစ်ချင်ဖြစ်မှာပေါ့ ။
    နာမည်ကြီးဆိုတာကတော့ ရှင်းပါတယ် ။ ကဗျာဆရာမောင်ချောနွယ်နဲ့ ကဗျာဆရာမင်းလုလင်
     ဘယ်သူ့ကို လူပိုသိသလဲလို့မေးရင် ကလေးတွေခွေးတွေ မမေးပဲနဲ့ကို သိနိုင်ပါတယ် ။
     မင်းလုလင်ဆိုတာက ငချွတ်တာတေပေါက်စလေး ။ ဒီတော့ ဆရာမောင်ချောနွယ်ကို လူပိုသိတာပေါ့ ။
    ဒီတော့ မောင်ချောနွယ်က နာမည်ကြီးပေါ့ ။ အဲ့လိုပုဂ္ဂိုလ်မျိုးတွေကို ကျွန်တော်ကလဲ ပြောချင်ပါတယ် ။
    ကျွန်တော်လဲ နာမည်ကြီးတွေနဲ့ သိပါတယ် ။
    ဥပမာ - ခရစ်စတီယာနို ရော်နယ်ဒို တို့ ၊ အိုဘားမား တို့ ဇာဂနာတို့ စသည်ဖြင့်ပေါ့ ။
    ဘယ်လိုသိသလဲဆိုရင် တီဗီထဲမှာ မြင်ဖူးပါတယ် ။  ဒီတော့ သူတို့ကို လမ်းမှာတွေ့ရင် တွေ့တာနဲ့
   ဘယ်သူတွေလဲဆိုတာ ကျွန်တော်သိပါတယ် ။ နာမည်ကြီးဆိုတာလဲ လူတွေပဲ မဟုတ်ပါလား ။
    ရောက်တတ်ရာရာတွေပြောလာလိုက်တာ ကဗျာတွေ နာမည်ကြီးတွေအထိတောင်ရောက်သွားပြီ ။
    ကျွန်တော်ဆိုတာကလဲ ကဗျာနဲ့ပတ်သတ်ရင် မူလတန်းကလေးအဆင့်တောင်မရှိသေးဘူးဆိုတော့
    ဒါတွေလိုက်ပြောနေတော့လဲ ရယ်စရာဖြစ်တာပေါ့ ။
    အခုမှ ကပေါက်တိကပေါက်ချာဆိုတဲ့ ခေါင်းစဉ်နဲ့ စပ်မိ ဟပ်မိ ဖြစ်လာတယ် ။
    နောက်တစ်ခုက ကျွန်တော်တို့ကမ္ဘာမှာ ကယ်တင်ရှင်ဖြစ်ချင်တဲ့သူတွေလဲ အရမ်းများလာပုံပဲ ။
    Save the seahorse ၊ Save the shark ၊ Save the children ၊Save the ayeyarwady စသည်စသည်ဖြင့်
   Save the တွေ တော်တော်များလာတယ် ။ တကယ်လိုအပ်နေတဲ့ကယ်တင်မှုတွေရှိသလို ပေါ်ပြူလာဖြစ်ချင်လို့
    ကယ်တင်ကြတာတွေလဲ ရှိပါတယ် ။ တကယ့်ကယ်တင်မှုတွေအတွက်တော့
     စိတ်ရောကိုယ်ပါ လက်ခုပ်လက်ဝါးတီးပြီး အားပေးအားမြှောက်ပြုပါတယ် ။
    နောက်ပြီး အဲ့ဒီ ကယ်တင်ရှင်တွေကို အကူအညီတစ်ခုလောက်တောင်းချင်ပါတယ် ။
    ကျွန်တော်တို့ မြန်မာနိုင်ငံအတွက် Save the POET ဆိုတာလေးပါ လုပ်ပေးနိုင်ကြမလားရယ်လို့ပေါ့  ။     ။




- မင်းလုလင် -

ကျွန်တော်နှင့်ရောက်တတ်ရာရာများ ( ၂ )

အာနီ လျှာနီ မြန်မာပြည်


တံတားဦးက ကွမ်းနုဝါ

ငါန်းမြှာ က ဆေး
ကွမ်းသီး တောင်ငူနဲ့
ကိုင်းထုံးဖြူ ပြည်ရှား
သာဝါးလို့ထွေး ။    ။
ဒီစာချိုးလေးက မြန်မာတွေ ဘယ်လောက်တောင် ကြီးကြီးကျယ်ကျယ်
ကွမ်းစားခဲ့သလဲဆိုတာ ပေါ်လွင်စေပါတယ် ။ ကွမ်းရွက်ကို တံတားဦးက ၊
ဆေးကို ငါန်းမြှာ က ၊ ကွမ်းသီးကို တောင်ငူက အစရှိသည်ဖြင့် ကောင်းပေ့ဆိုတဲ့
နေရာတွေက ကွမ်း ကွမ်းသီးတွေစုပေါင်းပြီး ဘုရင်ကိုဆက်သ ။
ဘုရင်က ကွမ်းတော်ကို စားတော်မူတယ်ပေါ့ ။ အဲ့သလိုကြီးကျယ်ခဲ့ကြပါတယ် ။

အခုခေတ်မှာတော့ တစ်ချို့အိမ်တွေမှာ ကွမ်းအစ်နဲ့ ကွမ်း ကွမ်းသီးခြမ်း တည်ပြီး
စားတာကလွဲရင် ကွမ်း ဘယ်က ရ ၊ ကွမ်းယာဆိုင်က ရဆိုသလို ဖြစ်နေပါပြီ ။
ရပ်ကွက်တိုင်းမှာ ဘုန်းကြီးကျောင်းမရှိချင်နေရမယ် ။ ကွမ်းယာဆိုင်တော့ ရှိတယ် ။
ကွမ်းယာရောင်းရင်း တိုက်ဆောက်ကြတယ် ။ ကားစီးကြတယ် ။ ကွမ်းယာရောင်းတဲ့လုပ်ငန်း
တွင်ကျယ်နေတာပြောပါတယ် ။ ဒါက မြန်မာနိုင်ငံမှာ ။ ကွမ်းစားချင်ရင် အလွယ်လေး ၀ယ်စားလို့ရတယ် ။

ကွမ်းကို နှစ်နှစ်ခြိုက်ခြိုက်စားတတ်တဲ့လူတစ်ယောက် နိုင်ငံရပ်ခြားကို ရောက်ပြီဆိုရင်တော့
အခက်တွေ့တော့တာပဲ ။ မြန်မာလူမျိုးတွေ ဖွင့်ထားတဲ့ ဆိုင် ( မြန်မာဆိုင်လို့ပဲ လွယ်လွယ်ဆိုကြပါစို့ ) နဲ့
နီးတယ်ဆိုရင်တော့ သိပ်အခက်မတွေ့လှပါဘူး ။ မြန်မာဆိုင်က မြန်မာပြည်မှာလောက်မကောင်းပေမဲ့
စားလို့ဖြစ်တဲ့ ၀ါးလို့ဖြစ်တဲ့ ကွမ်းယာ ရောင်းတယ် ။ နောက်ပြီး ကွမ်းရွက်တွေ ကွမ်းသီးတွေလည်း
ရောင်းတယ်ပေါ့ ။ ဒီတော့ မြန်မာဆိုင်နဲ့ နီးတဲ့ ကိုရွှေမြန်မာတွေအဖို့တော့ ကွမ်းစားဖို့ ကွမ်းဝါးဖို့
သိပ်အပန်းမကြီးလှပါဘူး ။

မြန်မာဆိုင်နဲ့ ဝေးတဲ့ ကွမ်းသမားတွေအဖို့ကတော့ တော်တော့ကို အခက်တွေ့စေတာပဲ ။
တစ်ပတ်တစ်ခါလောက်ဖြစ်စေ တစ်လတစ်ခါလောက်ဖြစ်စေ မြန်မာဆိုင်ရောက်တဲ့အခါ ကွမ်းရွက်တွေ
ကွမ်းသီးတွေ ၀ယ်လာ ။ အိမ်မှာ ထားပြီး ခြိုးခြိုးခြံခြံ စားရတာ ဆိုတော့ .. တော်တော့်ကို အခက်တွေ့စေပါတယ် ။
ကျွန်တော်ကိုယ်တိုင်ကလည်း နိုင်ငံရပ်ခြားကို ရောက်နေတဲ့ ကွမ်းသမားတစ်ယောက်ပဲ ဆိုပါတော့ ။
ဒီတော့ အထက်မှာပြောခဲ့သလို မြန်မာဆိုင်ရောက်တဲ့အခါ ကွမ်းရွက်တို့ ကွမ်းသီးတို့ ၀ယ်ထား ၊ အိမ်မှာ ရေခဲသေတ္တာထဲထည့်ပြီး
ကွမ်းယာ ရေခဲရိုက်ထား ။ စားချင်တဲ့အခါ အာသာပြေ တစ်ယာ နှစ်ယာလောက် ကောက်ယာပြီး စားလိုက်တယ် ။

ကျွန်တော်လုပ်တဲ့အလုပ်မှာက ကွမ်းယာပေါင်းထုတ်ကလေးတွေငုံတဲ့ နီပေါလူမျိုးတွေ အများကြီးရှိတယ် ။
အဲ့ဒီ နီပေါလူမျိုးတွေထဲက တစ်ယောက်က ကျွန်တော်တို့စားတဲ့ကွမ်းယာမျိုးကို အရမ်းသဘောကျတယ်ဗျ ။
ပါးစပ်ကို နီနီကလေး ဖြစ်သွားစေတယ်ပေါ့ ။ သူပြောပုံပြောပါတယ် ။ နှုတ်ခမ်းနီနီ လျှာနီနီလေးနဲ့ တော်တော်လှတယ် တဲ့ ။
အဲ့သလို ကွမ်းယာမျိုးကိုလည်း သူက သိပ်စားချင်နေရှာတယ် ။ ဒါပေမဲ့ ကျွန်တော့ဆီမှာ တောင်းရမှာလဲ အားနာတဲ့ပုံပဲ ။
ကျွန်တော် ကွမ်းဝါးတဲ့အခါ အားကျတဲ့ မျက်နှာလေးနဲ့ ထိုင်ငေးနေတတ်တော့ ကျွန်တော်လည်း အားနာလာတယ် ။

ဒါနဲ့ တစ်နေ့တော့ ကျွန်တော့်အိမ်ကို လိုက်ခဲ့ ... အိမ်မှာ ခင်ဗျားစားချင်တဲ့ ကွမ်းယာမျိုးရှိတယ်ဆိုပြီး
အိမ်လိုက်ဖို့ ခေါ်တော့ သကောင့်သားက အားတက်သရောကို ချက်ချင်းထလိုက်လာတယ် ။
အိမ်ရောက်တော့ ရေခဲရိုက်ထားတဲ့ ရေခဲစိမ်ကွမ်းရွက်တွေ ကွမ်းသီးတွေကို ထုတ် ။
ထုံး အထုပ်သေးသေးလေးကို ထုတ် ။ သူ့ကို ကွမ်းတစ်ယာ ယာပေးလိုက်တယ် ။
သူက ကျွန်တော်ယာပေးတဲ့ကွမ်းယာကို မယူသေးဘဲ ကျွန်တော့်ကို ကြောင်ငေးငေးနဲ့ကြည့်နေတယ်ဗျ ။
ကျွန်တော်လည်း “ဟေ့လူ .. ဒီမှာ ခင်ဗျားစားချင်တဲ့ ကွမ်းယာလေ”  ဆိုတော့
သူက “ခင်ဗျား တစ်ခုထည့်ဖို့ မေ့နေတယ်ထင်တယ်” တဲ့ ။

ကျွန်တော်လည်း ဘာကျန်သေးပါလိမ့် လို့ တွေးပြီး ပစ္စည်းတွေ သေချာစစ်ကြည့်တော့လည်း အကုန်အပြည့်အစုံပဲ ။
ကွမ်းရွက်စိမ်းစိမ်းလေးပေါ်မှာ ထုံးဖြူဖြူလေး ကွက်လို့ ။ အဲ့ဒီအပေါ်မှာမှ ရေခဲရိုက်ထားတဲ့ကွမ်းသီး ညိုညိုကလေး ။
သူ့ဘေးမှာ မြန်မာဆေးရွက် အပိုင်းသေးသေးလေး ။ အကုန်စုံပါတယ်ပေါ့ ။ ဘာမှမမေ့ပါဘူးလို့ ပြောလိုက်တော့ ....
သကောင့်သားက ခင်ဗျား နီတဲ့ဟာ မေ့နေတယ်လေဗျာ တဲ့ ။ ကျွန်တော့် အတွေးထဲမှာ နီတဲ့ဟာဆိုတော့ ရှားဆေးကို
ပြောတယ်မှတ်တာပေါ့ ။ အဲ့ဒါနဲ့ နီတဲ့ဟာမရှိဘူး ။ အဲ့ဒါက မြန်မာပြည်မှာပဲ ရှိတာ .. လို့ပြောတော့
ခင်ဗျားလိမ်တယ်တဲ့ ။ ဟောဗျာ ... ကျွန်တော်လည်း ကိုယ့်နဖူးကိုယ်ရိုက်ပြီး ဘာလိမ်လို့လဲ ပေါ့ ။
ဒီတော့မှ သကောင့်သားက ခင်ဗျားကွမ်းဝါးလိုက်ရင် နှုတ်ခမ်းတို့ လျှာတို့မှာ နီနီလေး ဖြစ်သွားတယ် ။
အဲ့ဒီနီတဲ့ဟာကိုပြောတာ ဆိုတော့မှ .. ၊ ကျွန်တော် တဟားဟား အော်ရယ်လိုက်မိတယ် ။
ကွမ်းရွက်စိမ်းစိမ်းရယ် ကွမ်းသီးညိုညိုရယ် ထုံးဖြူဖြူရယ် သုံးမျိုးပေါင်းလိုက်ရင် နီသွားတယ်ဆိုတာ သူမသိရှာဘူးကိုး ။

ဒါနဲ့ပဲ ကျွန်တော်က သူ့ကိုပေးတဲ့ကွမ်းယာကို ကိုယ့်ပါးစပ်ထဲကိုယ်ပြန်ထည့်ပြီး ခင်ဗျား ခဏစောင့်ကြည့်နေ ဆိုပြီး
စောင့်နေခိုင်းလိုက်တယ် ။ တအောင့်ကြာတော့ ကိုရွှေကွမ်းယာက နီလာပါလေရော ။ အဲ့ဒီတော့မှ ငနီ
( နီပေါလူမျိုးကို ကျွန်တော်ခေါ်တဲ့ အခေါ် ) သဘောတွေကျပြီး အတင်းကို နောက်တစ်ယာ ယာခိုင်း ။
အငမ်းမရ စားတော့တာပဲ ။ နှုတ်ခမ်းတွေရော နှာခေါင်းတွေပါ ပေပွလို့ ။ ကျွန်တော်လည်း သဘောတွေကျလို့ပေါ့ ။

မြန်မာပြည်မှာလို ကွမ်းယာဆိုင်မြောက်များစွာနဲ့ နေရာမျိုးကို ငနီ့ ကို ခေါ်သွားချင်မိတာ အမှန်ပဲ ။
ကျုပ်တို့မြန်မာတွေက ခင်ဗျားမျက်စိထဲ လှပါတယ် ဆိုတဲ့ အာနီ လျှာနီ မျိုး တွေဗျ လို့ ကြွားချင်မိတာလည်း ပါတာပေါ့ဗျာ ။    
ဒါပေမဲ့ ကျွန်တော် မြန်မာပြည်ဒေသတစ်ခုမှာ တွေ့ဖူးခဲ့တဲ့ ကွမ်းယာဆိုင်တစ်ဆိုင်ကိုတော့ ငနီ့ ကို မမြင်စေရဘူး ။
အဲ့ဒီဆိုင်နာမည်က အရည်မရ အဖတ်မရ ကွမ်းယာဆိုင် တဲ့ ။ ဆိုင်ထဲမှာလည်း စာလုံးမည်းမည်းကြီး အကြီးကြီးတွေနဲ့
ရေးထားသေးတယ် ။ ဘာရေးထားတာလဲ ဆိုတော့ ...

" ကွမ်းစားခြင်းဖြင့် မြန်မာ့ယဉ်ကျေးမှုကို ထိန်းသိမ်းပါ "    ။      ။



- မင်းလုလင် -

ကျွန်တော် နှင့် ရောက်တတ်ရာရာများ ( ၁ )



လူနှင့် အမြင်တရား

တလောက အီးမေးလ် တစ်ခု တွင် ဖတ်လိုက်ရသည် ။ မြန်မာပိုက်ဆံ နှစ်ရာကျပ်တန်မှာ
စာလုံးပေါင်းမှားနေပါတယ်တဲ့ ။ သူပြောမှ ကျွန်တော်လည်း အပြေးအလွှား ရှိတဲ့နှစ်ရာတန်လေး
ထုတ်ကြည့်မိတယ် ။

သူထောက်ပြထားတာက မြန်မာနိုင်ငံတော်ဗဟိုဘဏ် ဆိုတဲ့နေရာမှာ နိုင်ငံတော် ကို
စာလုံးပေါင်း မှားနေတယ် တဲ့။  ( နိုင် ) ကို စာလုံးပေါင်းတဲ့နေရာမှာ ( နိုင်) လို့ ပေါင်းထားပါတယ်တဲ့ ။
အမှန်က နငယ်အသေးကို တစ်ချောင်းငင်ပြီး ( နိုင် ) လို့ဖြစ်ရမှာပါ ။
အဲဒါအထိ သိပ်ပြီး ထူးဆန်းတာတော့မဟုတ်ပါဘူး ။

ထွေထွေထူးထူး တွေးမိစရာလည်း မလိုပါဘူး ။ ဒါပေမယ့် သူက ဆက်ပြောသွားသေးတယ် ။
အဲဒီအမှားကို သူ့ရဲ့သား သုံးတန်းကျောင်းသားလေးက ရှာတွေ့တာပါ တဲ့ ။

တွေးစရာတွေအများကြီး ဖြစ်လာပါတယ် ။

လူတွေရဲ့ အမြင်ကိုပါ ။ ကျွန်တော်တို့တွေ လောကကြီးထဲ အမှားတွေ ဘယ်လောက်များများကို
မျက်ကွယ်ပြုထားမိသလဲ ဆိုတာကိုရောပေါ့ ။ ကျွန်တော်တို့တွေ ( အထူးသဖြင့် ) ပိုက်ဆံကို ပိုက်ဆံလို
တန်ဖိုးထားရမှန်းသိတဲ့ လူတွေဖြစ်လာရင် ပိုက်ဆံပေါ်က စာလုံးပေါင်းအမှားကို မြင်ဖို့ဆိုတာ
တော်တော်ခဲယဉ်းပါတယ် ။ ကျွန်တော်တို့က ပိုက်ဆံကို ပိုက်ဆံလိုပဲ မြင်ကြပါတယ် ။
ပိုက်ဆံပေါ်က စာလုံးပေါင်းသတ်ပုံ အမှားထက် ပိုက်ဆံရဲ့ တန်ဖိုးကို ပိုပြီး မြင်တတ်ကြပါတယ် ။

ဒီပိုက်ဆံတစ်ရွက်ပေးလိုက်ရင် ဘယ်လောက်အထိ ကိုယ်ပြန်ရနိုင်မလဲ ၊ ဒီပိုက်ဆံတစ်ရွက်က
ဘယ်လောက်တန်သလဲ ၊ ဒီမေးခွန်းတွေပဲ ကြည့်မိ ဖြေမိမှာ မလွဲပါဘူး ။ ဒါပေမယ့်
သုံးတန်းကျောင်းသားလေးနဲ့တော့ မတူနိုင်ဘူး ။ သူက ပိုက်ဆံကို သုံးကောင်းသုံးတတ်မှာဖြစ်ပေမယ့်
ပိုက်ဆံရဲ့တန်ဖိုးကို ကျိမ်းသေပေါက်သိနိုင်မယ်လို့ မပြောနိုင်ဘူး ။ ဒါကြောင့် သူ့ရဲ့ အမြင်ထဲ ပိုက်ဆံပေါ်က
စာလုံးပေါင်းသတ်ပုံအမှားကို လွယ်လွယ်ကူကူ မြင်သွားနိုင်တာလဲ ဖြစ်နိုင်ပါတယ် ။

အမှန်တော့ လောကကြီးထဲ အဲ့လိုအမှားတွေကိုချည်း လိုက်လံရှာဖွေနေမယ်ဆိုရင် ကျွန်တော်တို့တွေ
တအား ကလေးဆန်သွားကြပါလိမ့်မယ် ။ မှန်နေရင်တော့ ပိုကောင်းတာပေါ့ ။ ဒါပေမဲ့ အမှားတွေကို
လိုက်ထောက်ပြနေတာထက် အဲဒီအမှားတွေဖြစ်တည်နေတဲ့နေရာရဲ့ တန်ဖိုးကို သိတာက
ပိုပြီး ကောင်းမယ်ထင်တယ် ။  သုံးတန်းကျောင်းသားလေးတစ်ယောက်ရဲ့ ပိုက်ဆံပေါ်မြင်တဲ့အမြင်နဲ့တော့
ကျွန်တော်တို့ အရာရာကို တန်ဖိုးထားနိုင်ခြင်း ရှိမရှိဆိုတာ ...။

အဲဒီကလေးကိုလည်း ချီးကျူးပါတယ် ။ အရိုးသားဆုံး မြင်တတ်လို့ပါပဲ ။

မှန်တယ် မှားတယ် ဆိုတာထက် သူမြင်တတ်တဲ့ အရာလေးက ကလေးတွေရဲ့ မြင်ကွင်းမှာ
အညှီအဟောက်ကင်းတယ်ဆိုတာ ပေါ်လွင်နေသလိုပဲ ။ ပိုက်ဆံဆိုတာ အင်မတန်ကို ခေါင်းကိုက်စေတဲ့ အရာလို့
ဆိုနေကြတဲ့အထဲ ဒီဖြစ်ရပ်လေးကလဲ ခေါင်းကိုက်စေတဲ့ အကြောင်းလေးအဖြစ် အသစ်တိုးလာတယ် ။
မှန်ပါတယ် ။ ပိုက်ဆံဆိုတာ အင်မတန်ကို ခေါင်းကိုက်စေပါတယ် ။ 
ဒါပေမဲ့ ကျွန်တော်ကတော့ ခေါင်းကိုက်ချင်ပါတယ် ။

ခင်ဗျားတို့ရော .... ခေါင်းမကိုက်ချင်ကြဘူးလား ။




- မင်းလုလင် -

အငွေ့

ထိရှခဲ့ရသမျှတွေဟာ နံရံတွေဆီကနေ ပဲ့တင်ထပ်ပြီး နောက်
တစ်ခါ ပြန်ရောက်လာတယ် သိစိတ်ရဲ့အဝေးမှာ ကိုယ်ဟာ
အိပ်မက်ကိုအရောတ၀င် နေရထိုင်ရတာ သိပ်အဆင်မပြေလှဘူး
အလင်းရောင်တွေက ကိုယ့်အပေါ်ကိုမှ တည့်တည့်ပြိုကျ
လာရသလား နေသားတကျနေမှုထိုင်မှုက ညနေမတိုင်ခင်
မှောင်နေပြီ မမြင်မစမ်းနဲ့ စမ်းသပ်ပုံသဏ္ဍာန်တွေထဲ စိတ်တွေ
ပိတ်မိနေ အဆိပ်မိနေတဲ့ကမ္ဘာပေါ်မှာ ကိုယ်ဟာ တဦးတည်းသော
အနက်ရောင်အနံ့နဲ့ ဘေးထွက်ဆိုးကျိုးခပ်များများဟာ
လူကြိုက်များတဲ့ အရောင်းထိုင်းပစ္စည်းတွေလို ဈေးကြီးလိုက်တာ
ကမ္ဘာဟာ ကိုယ်နဲ့မဆိုင်သလို ဆံသဆရာလက်ထဲကလွတ်ကျလာတဲ့
ကတုံးဆံပင်ပေါက်ဟာ ကိုယ်နဲ့မဆိုင်တော့သလို သောက်နေတဲ့
ဆေးလိပ်ရဲ့ ထွက်သက်တွေဟာ ကိုယ်နဲ့မဆိုင်တော့သလို မိုးရွာထဲမှာ
ရေငတ်နေသလို လိုအပ်ချက်တွေဟာ လက်ဖျံရိုးပေါ်ကို တွားတက်လာနေ
ငြင်းဆန်ခဲ့ရသမျှ ခပ်မှိုင်းမှိုင်းမြင်ထောင့်တွေဟာ အရောင်ယောင်မှားတွေ
ထင်မှတ်နေရပုံ လက်ခံနေရပုံ သိပ်ကိုမှန်နေကြပုံ မှန်ထဲကြည့်လို့
ကိုယ့်အရိပ်ကိုယ် ပြန်မမြင်ရသူတွေဟာ ကိုယ့်ဆီကို တဖြည်းဖြည်းချင်း
တိုးကပ်လာ ဒါဟာ ယဉ်ကျေးမှုပါ ကိုယ်ဟာ လိုက်လို့ကိုမမှီပါ တဖြည်းဖြည်း
ဝေးကွာသွား မမှီမကမ်းဆုပ်ကိုင်လိုက်မိတဲ့ သံသယဟာ အမှတ်မထင်
အမှတ်တရစာရင်းဝင်သွားတယ် လုပ်ရပ်တွေ ဖြစ်ရပ်တွေ အပြောဇာတ်ဟာ
မိုးအလင်းထိ မပြီးသေးဘူး ထိုင်ကြည့်နေပါတယ် ပန်းချီကားထဲ
စုတ်ချက်တွေဟာ လက်ဖမိုးဖြစ်လိုက် လက်ဖ၀ါးဖြစ်လိုက် ဖြစ်ချင်ရာ
ဖြစ်လိုက် ပျက်လိုက်ကမ္ဘာမှာ မောတယ် မောဖြစ်အောင်ကိုမောလိုက်တယ်
နံရံလေးဖက်အပေါ်က မီးလုံးဟာကိုယ့်အရိပ်ကိုဖောက်ထုတ်သွားချိန်
မတိုင်ခင်အထိ အရိပ်ဟာကိုယ့်ကိုနောက်ယောင်ခံလိုက် တစ်ခါတစ်ခါ
ကျော်တက်သွားလိုက် ဒါဟာ မျက်လှည့်ပွဲတစ်ခုပါ ဒါဟာ လက်ဝှေ့ပွဲ
တစ်ခုပါ ဒါဟာ ဘ၀တစ်ခုပါ အဲ့သလိုယူဆပစ်လိုက်ရတဲ့အခါ ထိရှခဲ့
ရသမျှတွေဟာ နံရံဆီကနေပဲ့တင်ထပ်ပြီး ကိုယ်ဆီပြန်ရောက်လာတယ် ။


( မင်းလုလင် )

ညီမလေးအိပ်ပျော်နေတုန်းမှာ အစ်ကိုဟာ ညီမလေးမျက်ခွံလေးတွေဖြစ်တယ်

ပင်လယ်မှာ ကျွန်တော် လျှပ်ပေါ်လောလီ နေခဲ့တာတွေ နောင်တရသလို ဖြစ်မိပါတယ်
တစ်ခါတစ်ခါ ကော်ဖီသောက်တတ်ပေမဲ့ ကိုယ်တိုင် ကော်ဖီ မှောက်ကျတဲ့ ကိုယ်ခန္ဒာ အခိုက်အတန့် မျိုးမှာ
အလေးချိန်က ဒလိမ့်ခေါက်ကွေး ၁ပိဿာ ၂ပိဿာ စသဖြင့် ဘယ်လောက်ပေါ့ပေါ့ ဘယ်လောက်ပါးပါး
ညီမလေး အတွက်တော့ ဟောဒီ ၅ ပေ ၇ လက်မ ပေါင် ၁၁၀ လေးဟာ အမြဲ အသင့်ပါပဲ ပြောမရဆိုမရ
ရန်ကုန်နဲ့ မန္တလေးဟာ ၁ နာရီ မိုင် ၁၀၀ နှုန်း နဲ့  ခုတ်မောင်းဆန့် ထွက်ရင်တောင် သွေးကြောမိုင်ပေါင်း
ခုနှစ်သောင်းကျော် ကြားက ယိုစိမ့်ကျကျလာမယ့် ဖြစ်မှု ပျက်မှု နှလုံးသားအာရုံခံစား စေ့စော်မှု
စိတ်မထင်ရင် မထင်သလို အော်ငိုတတ်မှု ကျွန်တော့်ကိုယ်ကျွန်တော် ပြန်ကျိန်ဆဲရင်း တံတားပေါ်က
ခုန်ချလိုက်ရင် ကောင်းမလား ဘုရားရှေ့ သွားပြီး အပြစ်တွေ ၀န်ခံရမလား တရားမရသေးဘူး
သတင်းစာနေ့ စဉ်မဟုတ်ရင်တောင် တစ်ရက်ခြားစီလာပါ ညီမလေး နေကောင်းပါရဲ့ လား
ကောင်းကောင်းနေပါရဲ့ လား အကိုတို့ ကြုံနေရတာ အချစ်ဇာတ်လမ်း ကောင်းကောင်း တစ်ပုဒ်သာဆို
ညီမလေး မှာ အစာအိမ်ရောဂါ ရှိခဲ့မှာ မဟုတ်ဘူး ကိုင်ထားတဲ့ဖုန်း စကားပြောခွက်ကို မချလိုက်ပါနဲ့ 
သတိရရင် အဲဒီသတိက အကိုပေးလိုက်တဲ့ သတိပါ ညီမလေး ရထားတဲ့ သတိဟာ အကို့ လွယ်အိတ်ထဲက
ကဗျာစာအုပ်လေးဖြစ်တယ် C D လေး တစ်ချပ်ဖြစ်တယ် အကိုဘက်ကစပြောချင်တဲ့ " ဟဲလို " တစ်ခွန်း
ဖြစ်တယ် ကက်ဆက်ဖွင့်လိုက်ရင် ဒီသီချင်းက ရင်သို့ တိုးဝှေ့ နေဆဲပဲ ရထားလက်မှတ်ထဲ ခုန်ဝင်ချင်နေတဲ့
ပဋိပက္ခ မသိစိတ် ယန္တရားက ထိုင်မသိမ်းစလို ထိန်းမရ သိမ်းမရနဲ့ ပါလား ဆေးလိပ်ကို လမ်းမပေါ်
ပစ်ထည့်လိုက်တာ အဲဒီနေ့ က အဲဒီနေ့ က ညီမလေးကို လွမ်းလို့ ပေါ့ကွာ ယနေ့ ကျွန်တော်တို့ ကမ္ဘာဟာ
ခရစ်နှစ် ၂၀၁၀ ဖြစ်ပါတယ် ဧရာဝတီလည်း အရင်လောက် မနုပျို တော့ ကျွန်တော်တို့ လည်း
အရင်လောက် မဖြတ်လတ်တော့ အနာတရ တွေ ဧဒင်မှာပဲ လာလာပွင့်ကြတယ် ဖြန့် ခင်းထားတဲ့
သက်တန့် တစ်ခင်းစာလို ခွေခွေကလေး ရောထွေးနေရင် အကောင်းသား လှုပ်ခတ်လိုက်တော့
ကမ္ဘာကြီး မပြားဘဲ ကောင်းကင် ကြီး ပြားသွားတယ် အပေါ်က သက်တန့် ကြီး ပြုတ်ကျတော့မယ်
အိပ်စက်နေတဲ့ ငါ့ညီမလေး လန့် နိုးတော့မယ် အသံဗလံတွေ ဆူညံပွက်လောရိုက် စံပယ်တွေလည်း
တစ်သိုက်သိုက် တစ်ရှိုက်ရှိုက် ရာသီဥတုက အစစအနန ပွန်းပဲ့ကြွေ ဘာမှ ထွန်ယက်မရတဲ့
ကွင်းပြင်လို မနက်ခင်းမှာ အကို့ ကို မလိုအပ်တော့လို့  ထစ် , အ ပစ်ချလိုက်ခဲ့တာလည်း ညီမလေး
စုတ်ဖြဲလိုက်တော့မေ့လိုက်တော့ အိပ်ရာကနိုးလာရင် ကမ္ဘာကြီး ကို မြင်အောင်ကြည့်လိုက် တစ်ခါတစ်ခါ
ကမ္ဘာက ကြီးလွန်းပြီး မျက်လုံးတွေက သေးငယ်လွန်းတော့ မမြင်ရဘဲ ဖြစ်တတ်တယ်
ဒီအခါမှာ လူအဖြစ် ပီသအောင် အချစ်ကားကောင်းကောင်း တစ်ကားလောက်ကြည့်လိုက်
ပြီးမှ ချစ်သောမျက်စိနဲ့  မျက်စိတစ်ဆုံး ထပ်ကြည့်လိုက် မမြင်ရသေးဘူး ဆိုရင် နှစ်နှစ်ခြိုက်ခြိုက်
အိပ်ရေးဝအောင်ထပ်အိပ်လိုက် အကို က အမြဲရှိနေမယ် အမြဲမှ အမြဲတမ်းကိုရှိနေမယ်
ညီမလေးအိပ်ပျော်နေတုန်းမှာ အကိုဟာ ညီမလေး မျက်ခွံလေးတွေဖြစ်တယ် ။ 



- မောနွေ -




( ကဗျာဆရာ မောနွေ ရဲ့ နောက်ထပ်လက်ရာကောင်းလေးတစ်ခုပါ )