Subscribe:

ပိုးကောင်ဟာ ကျုပ်ကို မှတ်မိပါ့မလား တွေး



အကျီ င်္လည်ပင်းပေါက်က၀င်လာတဲ့ ပိုးကောင်ဟာရုတ်တရက် သိမှုကိုနိုးကြားသွားစေတယ်
အထီးမှန်းအစ်မမှန်းမသိတဲ့ အဲ့ဒီပိုးကောင်က ကျွန်တော်နဲ့
အနီးဆုံးမှာရှိနေတယ် အဝေးဆုံးကလာတယ် သူ့နာမည်
ကျွန်တော်မသိဘူး အကျီ င်္ဝတ်ထားခြင်းမရှိတဲ့ပိုးကောင်နဲ့
ကျွန်တော့ရဲ့အပေါ်ယံအရေပြားယားယံမှု ခြေများတဲ့ပိုးကောင်ဟာ
ကျွန်တော်မကြားနိုင်တဲ့စကားတွေပြောနေမယ် ထင်တယ် နားလည်ဖို့
လိုက်မမှီခြင်းအပေါ် အားနာမိသလိုလို ကိုယ့်ကိုခင်တွယ်နေပုံရတဲ့ ပိုးကောင်ဟာ
ဟိုမှ သည်မှ နောက်ပြီး သည်မှ ဟိုမှ ပိုးကောင်ဟာကူးလူးတွားသွား
သူ့ခြေချောင်းတွေအပေါ်မှာ သူ့ကိုသူသယ်ဆောင်ပြီး ခရီးသွားနေတယ် ကျွန်တော့
အကျီ င်္အောက်မှာ ကျွန်တော့ အရေပြားပေါ်မှာ ပိုးကောင်ဟာ
အနေအထိုင်မတတ်သလို အနည်ထိုင်နေသလို ထိုင်နေသလား မတ်တပ်ရပ်နေသလား
ကျွန်တော်မသိပြန်ဘူး အချိန်အတော်ကြာ လေ့လာရေးခရီးမှာ ပိုးကောင်ဟာ နယ်မြေအသစ်လို့
သတ်မှတ်လိုက်လေမလား ကျွန်တော့အရေပြားအဟောင်းကြီးပေါ်မှာ ထွက်ပေါက်ကိုသူရှာတွေ့
ပါ့မလား ကျွန်တော့ရဲ့သွေးကြောတွေထဲသူဝင်ရောက် သွေးမွှန်းပြီး သေဆုံးသွားလေမလား စိုးရိမ်
လာတယ် ပိုးကောင်သိပါ့မလား ဟိုမှ သည်မှ သူ သွား နေ တုန်း
အကျီ င်္လည်ပင်းပေါက်က ၀င်လာတဲ့ပိုးကောင်ဟာ ကျွန်တော့ကို နှုတ်မဆက်ပဲ
အကျီ င်္လည်ပင်းပေါက်ကနေ ပြန်ထွက်သွားတယ် ။

- မင်းလုလင် -

မစ္စတာသင်ကာနဲ့အတူ ဒူးထောင်လက်တင် တွေးမိတဲ့ နေ့



အတွေးတွေကို လိုက်ကောက်ရင် အတွေးဟာ အကောက်ကြီး
ဖြစ်သွားမှာပေါ့ အတွေးတွေ ဖြောင့်ပေးပါ စပယ်ရှယ်ဒစ္စကောင့်နဲ့
အတွေးကို ဖယောင်းပါ သွင်းပေးမယ့်ဆိုင်ရှိရင် လမ်းညွှန်ပါ အတွေး
ဟာ ကောက်ကွေးနေတယ် ကြမ်းတမ်းနေတယ် ထိပ်ပိုင်းနှစ်ခွ
ဖြစ်နေတယ် အတွေးကို ပေါင်းတင်ဖို့လိုမယ် ပေါင်းသင်ဖို့လိုမယ်
ပိုးသတ်ဆေးဖြန်းဖို့လိုမယ် အတွေးဟာ တစ်ခါတစ်လေ မတော်မတည့်
လျော့ရဲရဲ ပျော့ပြဲပြဲ အတွေးတစ်ချို့ အလကားနီးပါးဈေးနဲ့ ရောင်းရန်စဉ်းစား
မိတဲ့ အတွေး ပျော့ပြဲပြီး ပြားနေပါတယ် လျော့ရဲပြီး ထွားနေပါတယ် သွားနေတယ်
ဘယ်နေ့ ဘယ်ခရီး ဘယ်လမ်း ဘယ်စခန်း ဘယ်မှ ညာ ဘာမှညာမနေနဲ့
အတွေးဟာ ဖွာ ထွက် ဟာကွက် အနာစက်တွေနဲ့ ယားယံနေတဲ့နေ့
အတွေးဟာ တွေတွေလေး ခွေ အခါလေးကြုံတုန်း အကာအရံမဲ့ လေ
တနေတယ် တေနေတယ် တွေနေတယ် တွေ့နေတယ် တွေးနေတယ်
အတွေးကို မလွှတ်လိုက်နဲ့ အတွေးလွတ်ထွက်သွားရင် အတွေးတွေ လွတ်ကုန်မှာပဲ
လွှတ် ကုန်မှာပဲ ဦးနှောက်ကြီးကို ဦးနှောက်ဝိုင်လဲပစ်လိုက်ရမလား ဖြုတ်ထုတ်ဆေး
ကြောပစ်လိုက်ရမလား မေးခွန်းတွေကို ဖြေနိုင်ပါ့မလား အတွေးက နှိုက်တိုင်းထွက်တဲ့
လိုတရတွင်းထဲ ရောက်နေတဲ့ အတွေး *မြစ်တွေရဲ့အမှားကို မြိုချရင်း
ပင်လယ်ဟာ ဒဏ်ရာတွေနဲ့ အုံကြွလာခဲ့* အတွေးတွေ အုံကြွလာတယ် ဖုန်ထလာတယ်
ရွှံ့လူးနေတဲ့ အတွေးတွေနဲ့ တိမ်ခူးနေတဲ့ အတွေးတွေ တွေး တွေးရင်း တွေးရင်း အတွေးဟာ
ပျင်းရိလာတယ် ဖန်ခွက်ချင်းတိုက်လိုက်သလို လေးတိလေးကန် အသံနဲ့ အတွေးဟာ တွေးဖို့
နှေးလာတယ် အတွေးတွေ ဝေးလာတယ် ဝေလာတယ် ဝေပြီးရင် ဝေးရတော့မှာပေါ့ ကြွေပြီးရင်
ကြွေးရတော့မှာပေါ့ ဆုံးပြီလို့မှတ်ထားတဲ့ ကျောက်ခဲ ရေပေါ် ကန်တက်လာသလိုမျိုးပေါ့
လန်ထွက်လာသလို အိုး .. ဂေါ့ဒ် လန့်သွားသလို လန်သွားသလို လန်းသွားသလို အတွေးက
အိုး . . . ဂေါ့ဒ် ယောင်ယမ်းတမ်းတ မြူတွေဆိုင်းနေတာ တွေးရင်း မြူတွေဟာ မြူးလာရတဲ့ အတွေး
ဆူး မလာရ တဲ့ ... ဆွေး ကြေကွဲခြင်းဟာ အဖော်နဲ့ အပေါင်းနဲ့ ဝီစကီခွက်နဲ့ မြရာပင်ရိပ်နဲ့ အတွေး
မြရာပင်ကြီးခါးကိုင်းနေတဲ့ကဗျာဆီသို့ အတွေး သွေးထွက်မှ ဆူးစူးမှန်းသိတဲ့အတွေး
အတွေးဟာ အတွေးမဟုတ်တော့ပဲ အတွေးဟာ အတွေးဖြစ်လာ နေရောင်ခြည်မမြင်ရတဲ့ အတွေး
ဗေပေါင်ထီ အသံတွေ ကြားလာရတဲ့ထိ အတွေးဟာ အတွေးချင်း စိန်ခေါ်ထိုးသတ် အတွေးဟာ
မျက်နှာတွေ ဖူးရောင်လာ ဒူး ပေါင်မှာ ထိုးထားတဲ့ တက်တူးတွေဟာ အတွေးသက်သက် ။

*မောင်ချောနွယ်၏ ကဗျာစာသား

- ဆူးခက်မင်း - မင်းလုလင် -

နှင်းဆီဝိုင် ၊ တိမ်ပြိုမိုး ၊ ပြီးတော့ မနက်ဖြန် ခင်ဗျား ဘာကားဆက်ရိုက်မလဲ



နှင်းဆီပန်းလေးတစ်ပွင့်ရဲ့ ကောက်ကြောင်းမှာ
ကောင်းကင်တစ်ခြမ်း အနာတရ ၊
မိုးတွေ တစက်စက် စီးကျ ၊
ဒါ ကောင်းကင်ရဲ့ သွေးစက်တွေ ၊
ကိုယ့်အသံကို ပလာစတာကပ်ပေးပါ ။
အနာတရတွေ ။ အမှတ်တရတွေ
တယုတယထွေးပိုက်ထားတော့လည်း နာ နာ နာကျင်မှုတွေ ။
တွေဝေနေ လက်ဖျံတွေထဲ ။
ကျစ်ဆံမြီးကလေးထဲ နှင်းဆီပန်းကလေး
သူမ မသိအောင် ထိုးစိုက် ၊ ကမ္ဘာကြီးက ရယ်ပွဲဖွဲ့နေရဲ့
ကိုယ့်ချစ်ခြင်းမေတ္တာအကြောင်း ။
သွေးထွက်သံယိုတွေအကြောင်း ။
မိုးတွေသည်းလာပြီ ။
အမှောင်ဟာ နေသားတကျ ။
သနပ်ခါးပန်းပွင့်လေး မနက်ဖြန်မနက်ကို
မျှော်နေမလားပဲ ။ မွှေးမွှေးမြမြ ။
စာရေးစားပွဲအံဆွဲကလေးထဲမှာ ၊ ကွန်ပါဘူးကလေးထဲမှာ ၊
ပြီးတော့ ကားတံခါးလက်ကိုင်ကြားမှာ ၊ နှင်းဆီပန်းကလေးတွေဟာ
သိပ်ကိုစူးရဲမွှေးမြလွန်းရဲ့ ။
သူမရယ်တယ် ကျွန်တော်ရူးတယ်
ပုံမှန်ဖြစ်စဉ်မှာ အိပ်မက်တွေပြိုကျလာသလို
မဖြစ်မနေမို့ပါ ဆက်သွယ်မှုဧရိယာဟာ သိမှုရဲ့မနီးမဝေးမှာ
စက္ကူလေယာဉ်ပျံကလေးရဲ့ ခေါက်ရိုးရာတွေအတိုင်း ကျွန်တော် တွန့်ကြေလို့ ။
ဒီ့ထက်ပိုဝေးလည်း ဒီ့ထက်ပိုမဝေးတော့ပါဘူး ကဗျာနဲ့ ၊
အိပ်ထောင်ထဲက ခုန်ထွက်လာတဲ့ ငါးမူးစေ့ကလေးနဲ့ ၊
ဘယ်လိုတရားမျိုးနဲ့မှလည်း ဖြေလို့မရမှန်း သိသိကြီးနဲ့ ။
ရူး . . . ။
လျော့ရဲလာမှုဟာ အသံတိတ် ။
ခရမ်းရောင်ပန်းပွင့်လေးတွေ ပြာတွေ ကြွေကျလာပေါ့
စကားမစပ် .. တိမ်တွေပြိုကျလာတဲ့ မြင်ကွင်းကို
ဝိုင်တစ်ခွက်သောက်ရင်း ကြည့်ဖူးသလား ။
သူမနဲ့ ကျွန်တော် အရေပြားချင်း စကားတွတ်ထိုးခဲ့ကြ ၊
နှုတ်ခမ်းချင်း ကူးလူးဆက်ဆံခဲ့ကြ ၊
တိမ်တွေသာ ပြိုကျမလာရင် သိပ်ကောင်းမှာပဲ ။
လက်တွေမှာ ချွေးစေးတွေ အပြည့် ။
စိတ်မှာ အတိတ်တွေအပြည့်နဲ့ မျက်စိတဆုံး ။
လက်အဆန့်မှာ မိုးတွေ အဆက်မပြတ်ရွာတယ် ။
သူမ ပျော်ပါလေစ ။ မနက်ဖြန်တွေဆီ ။
ဟော .. တိမ်ပြိုမိုးတွေ ရွာချလိုက်ပြီ ။
ကိုယ့်လက်ဖဝါးကို ကိုင်ထားစမ်းပါ အချစ် ..
မနက်ဖြန်ဆိုရင် စက္ကူလေယာဉ်ပျံကလေးစီးပြီး
ရုပ်ဝတ္ထုမြို့တော်ရဲ့ အဝေးကို ထွက်သွားကြမယ့်
ခရီး ။

- ဆူးခက်မင်း - မင်းလုလင် -

တန်ဖိုးနည်းအိမ်ယာ




အရေပြားအနှံတက်တူးထိုးပြီးကာစ အခြေအနေလို
နေရာပေါင်းစုံမှာ နာကျင်မှုတွေ တွယ်ကပ်နေ
သွေးလွှတ်ကြော ၊ သွေးပြန်ကြော အားလုံး
လားရာဆန့်ကျင်လျှက် စီးဆင်း
အသက်ရှူမ၀သလို အလုအယက်
ကိုယ့်နာမည်ကိုဖွဖွလေး လက်ခုပ်ထဲ ထည့်လို့
ပတ်သက်သမျှဟာ အလဂျစ်ထနေတယ်
အိမ်ကလေး ။

ပြတ်ရာ ရှရာတွေ တစ်ခုပေါ်တစ်ခု ထပ်
အော့အန်ပစ်လိုက် ဖို့တောင်
အစာအိမ်ထဲမှာ အစာမရှိ
ခေတ်ပညာတတ်တစ်ယောက်ရဲ့ အိပ်တန်းပြန်ချိန်ဟာ
အမှိုက်အဟောင်းတွေလို ထိုးသိပ်ထည့်ခံရ
မာကျူရီ မီးရောင်အောက်မှာ
နေလောင်ခံ အရေပြားစတွေ ဖွေးကနဲ လက်ကနဲ
အိမ်ကလေး။

အိမ်ကလေးတစ်လုံးအတွက်
ကိုယ်ဟာ အသက်ကို ခပ်ကြမ်းကြမ်း
မွေးမြူနေခဲ့ရ၊ ၀မ်းနည်းနေခဲ့ရ၊ ပျှော်ရွှင်နေခဲ့ရ

“ခင်ဗျားသားရဲ့ အဖေဟာ ခင်ဗျားမဟုတ်ပဲ
ခင်ဗျားရဲ့ ဘွဲ့လက်မှတ်ပဲ ဖြစ်ရလိမ့်မယ်”
လိုအပ်ခြင်းနဲ့ မလိုအပ်ခြင်း ကြားမှာ
အလွှာပါးပါးလေး ခြားနေတယ်
လူ့အဖွဲ့အစည်းဟာ ကွန်ပျူတာတစ်လုံးပဲ
ဝမ်းခေါင်းသံပါတဲ့ ရှက်ရွံ့မှုတွေရဲု့အဆုံးမှာ
အိမ်ကလေး ။

ကြမ်းရှပူနွေးတဲ့ လက်အစုံပေါ်မှာ
နုညံ့ပြီး ပွင့်ဖတ်လေးနဲ့ တူတဲ့ အသက်ရှူသံတွေရှိတယ်
ကိုယ်ဝန်ပျက်ကျခြင်း ဖြစ်စဉ်ဟာ
ပစ္စုပ္ပန်ကို မြေပေါ်မှာ ဒရွတ်ဆွဲသွား
သွေးရိုးသားရိုး အမှားမျိုးဆိုတာ
ဘယ်လိုအရောင် ဘယ်လိုအရသာလဲ
သုံးဆင့်ချိုင့် ချောင်ချောင်ကလေးလိုပါပဲ
အသင်ရှင်နေထိုင်မှုက
လျော့ရဲပြီး တွဲကျနေတယ် ။

လက်သန်းတစ်ချောင်းလုံး ဒဏ်ရာတွေ အပြည့်ပဲ
သွေးစတွေ ပြည်ဝတ်တွေ နံစော်မှု့တွေနဲ့
ဘာကိုမှ ဆုပ်ကိုင်မထားချင်လောက်အောင်
မင်းရဲ့အဖျားက ကူးစက်လာပြီ
ရှင်သန်မှုတွေက အမြစ်ကစပြီး ပေါက်ထွက် ကုန်ကြ
ခြေဖ၀ါးကြားက တိမ်စတွေ
ဒီအတိုင်းပဲ ထားလိုက်ကြတာပေါ့
မအားလပ်တဲ့ ကြားကပဲ
သက်ပြင်းကို အချိန်လုပြီး မှုတ်ထုတ်ရ
စကားလက်စ် ဂျိုဟန်ဆန်(မ်)ရဲ့ အလှကို ဆိုင်ကယ်ပေါ်တင်ပြီး
တောင်ကြီး မြို့အနှံ့ လျှောက်လည်ဖြစ်ဦးမယ်ထင်မိ
ရုတ်တရက် မိုးရွာလိုက်သလား
စကားသံတွေဟာ ထက်မြလွန်းနေခဲ့
ငှက်ပျောပင်ရဲ့ အစည်းတွေလိုပဲ
ကိုယ်ဟာ မျက်ရည် အရမ်းလွယ်တယ် ။
နောက်ပြီး မလိုအပ်တာတွေကိုပါ
တနင့်တပိုးလွယ်လွယ် ထားတတ်သေးတယ်
ဘ၀သေးသေးလေးနဲ့ပါ
အိမ်ကလေး  ။

လူလေးငါး ယောက်ကိုပဲ မြိုထားမဲ့
အမိုးအကာနဲ့ သွေးနွေး သတ္တ၀ါ
အများသုံး အိမ်သာလောက်မှ သန့်ရှင်းမှု မရှိတဲ့
လုပ်ရပ်နဲ့ စိတ်ကူးစိတ်သန်း တစ်ချို့
ကိုယ့်မှာ ရှိနှင့်နေခဲ့တယ်
အနာတရတွေကို ထွေးထုတ်ရင်း
အော် ညည်းဖို့ကို မေ့နေသလိုပါပဲ
မောပမ်းရင်းနဲ့ ပြေးနေခဲ့ရ
လူ့အဖွဲ့စည်းနဲ့ ယဉ်းကျေးမှုတန်ဖိုးဟာ
လိုက်မမှီအောင် တရိတ်ရိတ် မြင့်တက်လာခဲ့
ရာတန် ခပ်လတ်လတ် တစ်ရွက်လောက် များရှိရင်
လန်ဒန်စီးကရက်တစ်လိပ်လောက်
အားပါးတရ ၀ယ်သောက်ပစ်လိုက်ဦးမယ်
လင်းထက်အောင်နဲ့လည်း သိပ်မတွေ့ဖြစ်တော့ဘူး
အာရုံတွေကို အံသွားနဲ့ ဖိကြိတ်ဝါးနေရင်း
အိမ်ကလေး ။

အမေရယ်၊ မမသဲရယ်၊ ဒဏ်ရာရ မီးသီးတွေရယ်
ဆောင်းတွင်းအတွက် အိပ်ယာကလေး ပြင်ဆင်ထားမယ်
မျက်လုံးတွေလဲ ကျိန်းစပ်ပူလောင်လို့
မနက်ဖြန်ဟာဘယ်လို ရပ်နေလဲဆိုတာတောင်
ကြည့်ဖို့ အဆင်မပြေဘူး
ငွေကြေး ၊ဘွဲ့လက်မှတ် ၊ အနာဂတ်အာမခံချက်
ကိုယ့်ကို လက်မထပ်ပါနဲ့တော့ အချစ်ရယ်
ဒါတွေကိုပဲ သေချာလေး သယ်ယူသွားလိုက်ပါ
လိင်လိုအပ်ချက်က လွဲလို့ပေါ့
ဒါဆို မင်းအိမ်ထောင်ကျသွားပြီလေ
ဒါဟာမင်းရဲ့ လက်ထပ်ပြီးစီးခြင်း လက္ခဏာပဲ
ခံစားမှုဝါဒီတစ်ယောက်ရဲ့ ကျဆုံးခြင်းဟာ
သူ့ကိုယ်သူ ပိုင်ဆိုင်နေခြင်းပဲ ဖြစ်နေလိမ့်မယ် ။

ပင်လယ်ကဗွီးပင်၊ မိန်းမတစ်ယောက်ရဲ့ပြင်းထန်လှတဲ့ စွပ်စွဲချက်
ပညာတတ်အန်ဖတ်  ၊အပေါင်လက်မှတ်
ချစ်သူရဲ့ လျော့ရဲလုနီးပါး အသားစိုင်များ
ဘွဲ့လက်မှတ် ၊အကျင့်စာရိတ္တကောင်းကြောင်းထောက်ခံစာ
အားလုံးကို ထားခဲ့လိုက်တော့မယ်
အိမ်ကလေး
၂၀၀၂ ခုနှစ် ၁၉၉၅ ခုနှစ် ၊ ၂၀၁၂ ခှနှစ် ။
မသေခင်မှာ ရောက်ခဲ့ချင်တယ်
အလင်းရောင် ကောင်းကောင်းနဲ့ မြင်ခဲ့ချင်တယ်
အသက်မျှင်းမျှင်း ရှူနေရတဲ့
ကိုယ် အရေပြားရောဂါသည်လို
အနိုင်နိုင် ရပ်တည်နေရ ၊ ဖွင့်ထုတ်နေရ
ဝမ်းခေါင်းထဲက ထွက်လာတဲ့ အံဖတ်တွေနဲ့
ဆောက်လုပ်ထားတယ်
အကြော အပြိုင်းပြိုင်းထနေတဲ့ လက်အစုံနဲ့
အုပ်မိုး ကာကွယ်ထားတယ်
ဘာသာတရားရဲ့ လှစ်လျုရူမှုကို ခံနေရတယ်
အိမ်ကလေး  ။   ။
                           -    မောင်မိုးမြင့်
                                 ၄.၅.၂၀၁၂


( ဒီကဗျာကို ဖတ်အပြီးမှာ ကျွန်တော် ရွတ်ကြည့်ချင်စိတ်ဖြစ်လာတယ် ။ ဒါကြောင့် ရွတ်ဆိုဖြစ်ခဲ့ပါတယ်
တန်ဖိုးနည်းအိမ်ယာ ရွတ်ဆိုမှု အသံဖိုင်အား အောက်ပါလင့်ခ်တွင် ဒေါင်းလုပ်ရယူခံစားနိုင်ပါတယ် ။
မောင်မိုးမြင့် ၏ ကဗျာအား မင်းလုလင်မှ ပြန်လည်ရွတ်ဆိုခြင်းပါ )

တန်ဖိုးနည်းအိမ်ယာ ( အသံဖိုင် )

- မင်းလုလင် -