Subscribe:

ကိုယ်ရေးကိုယ်တာ ဒီမိုကရေစီ

မီးခိုးတွေ တိတ်တိတ်ဆိတ်ဆိတ် ၀င်လာတယ်  အခန်းထဲ
အမှောင်က ထုထည်အပြည့် ငါ့ကိုယ်ထဲ  တိုးဝင်နေ အတွေးနဲ့
မနက်ဖြန်ဆီကို အလျားလိုက်တွားသွားဖို့  စိတ်ဓါတ်
ချို့တဲ့မှု့က ခပ်ကြပ်ကြပ်မျက်လုံးခတ်သံတွေလို အသိ
အကျွမ်းတစုံတရာမှ မရှိတော့ဘူးဆိုရင် ငါ  ပြီးတော့ ငါ
နောက်တစ်ယောက်ကို မှန်ရှေ့မှာ ပြန်မမြင်ချင်တော့ဘူး ။
" ငါမှားသွားလို့ပါ " သိပ်မှန်တဲ့ စကားပဲ သွေးရူးသွေးတန်း
လက်သီးလက်မောင်းတန်းမနေတော့ဘူး  သွားရပါတော့မယ်
အဝေး  တနေရာကနေ တနေရာဆီကို ငြိတွယ်လိုစိတ်က
အရှိန်အဟုန်နဲ့ စိတ်ဆီကို ပြေးဝင်လာ  ပြန်ပြေးထွက်သွား
အရေးပေါ်လိုအပ်ချက်အတွက် သွေးဖြူဖြူတွေ
ရွာကျလာပြီ   ရွာကျသွားပြီ  ကိုယ့်ကိုကိုယ် တွန်းလှန်လိုမှု
တွေ  ဆုံးစမဲ့နေ   အဲ့ဒီနေ့က တိမ်တွေ ရေသောက်မဆင်းဘူး
တွေဝေနေတုန်းပဲ  ပျောက်နေတဲ့အရိပ်က ဖိနပ်သံတဖက် ပြု
နားကို တထစ်ချင်းတထစ်ချင်း ရစ်တွယ်နေ  ရစ်တွယ်နေ
သိပ်လေးလံလာတဲ့ အ၀ိဇ္ဇာထဲမှာ ဒီနေရာကနေ
ငါ  လွှင့်  စင်  ပျောက်  ဆုံး  သွား  တော့  မှာ  ပါ
စက်ခလုတ်တွေပေါ်မှာ ဘ၀ကိုခဏတဖြုတ်  ဖြုတ်
တပ် ပြင်ဆင်လုပ်ဖို့ အဆက်အသွယ်တစ်ချို့  ပြတ်
တောက်နေတဲ့ ဦးနှောက်အခွံသက်သက်  သေဆုံး
သတင်းက ငါ့ ဆီရောက်မလာဘူး  တစ်ကိုယ်ရည်
စိတ်ကျရောဂါနဲ့ ကင်းလွတ်ခွင့်ရနယ်မြေဒေသထဲ
စွတ်တရွတ် ကြီးပြင်းခဲ့တဲ့ အလေအလွင့် ပစ္စုပ္ပန်ဟာ
ငါနဲ့ ဝေးရာကို ဝေးသထက်ဝေးရာကို ဝေး ဝေး ပြေး
ဝေးရင်းဝေးရင်း  ငါ့ဆီကို တခေါက်ပြန်ရောက်လာ
နေပြီ  ထိတ်ထိတ်လန့်လန့်  ငြီးငွေ့မှုကို မှတ်တမ်းမှတ်ရာ
ဖွယ်ဖွယ်ရာရာ မရှိတဲ့ သံတိုသံစတွေနဲ့ ရေး မှတ်
နေပုံက  စိတ္တဇဆီ စိတ်ကို စိတ်လိုက်မာန်ပါ ထိုးသွင်းနေ ။  ။


 - မင်းလုလင် -

သွေးလွန်ဗိုင်းရပ်စ်တွေခင်ဗျားဦးနှောက်ထဲဝင်နေပြီ ဂျွန်

စိတ်ပျက်စရာပါလား  ဂျွန်
ခင်ဗျားဟာ ပျင်းစရာလူ့အဖွဲ့အစည်းရဲ့ လေဖိအားနည်းရပ်ဝန်းတစ်ခုပဲ
မက်ဆေ့တွေ မကြာခင်အဆုံးသတ်သွားတော့မှာပါ *
သိမှုက ခင်ဗျားဦးနှောက်ထဲမှာ တောခိုနေတယ်  ရှာရဖွေရ ဖမ်းရဆုပ်ရ
ခက်ခဲနေ ခင်ဗျားကိုယ်ခင်ဗျား အမှန်တရားအကြောင်း သံလွန်စတစ်စုံတရာ
ချပြထားလိုက်  ဝေးလိုက်တာ ဂျွန်  ခင်ဗျားရဲ့ ကျိုးကြောင်းဆက်စပ်မှုက
နေရာလွတ်အပြည့် အုတ်ရောရော ကျောက်ရောရောပဲ
အပ်ပေါက်ရာတွေအတိုင်း သွေးကြောထဲ Art တွေ အပြည့်ထိုးသွင်းထားလိုက်
ကဗျာဆိုတာ ကျန်းမာသန်စွမ်းတဲ့ ရှေ့မှီနောက်မှီ ယဉ်ကျေးမှု တစ်ခု
ခင်ဗျားလက်ဖျားမှာ စကားလုံးခေါင်းပါးမှုကအပျိုရည်ပျက်နေတဲ့ ခေတ်လို
သိပ်သနားစရာကောင်းပါလား ဂျွန်
ကဗျာဆရာဆိုတာ ဘုရားသခင်မဟုတ်ကြောင်း လူယဉ်ကျေးတို့ရဲ့
အဘိဓါန်ကို ဖွင့်ကြည့်  ဖွင့်ထားတဲ့ ပြတင်းပေါက်တွေကနေကြည့်
ကမ္ဘာဦးလူရိုင်းတွေထဲ ကဗျာဆရာ မရှိဘူး ဆိုတာ ခင်ဗျား
သတိထားမိရဲ့လား   မန်မိုရီအပြည့် ဗိုင်းရပ်တွေ ကပ်ညှိနေ
တုန်းပဲ   ငတုံးပဲ ကျုပ်ကလဲ ခင်ဗျားကို အရောဝင်နေမိတယ်
ဆေးလိပ်တစ်လိပ်ကို နှစ်ဆယ့်သုံးကြိမ်တိတိရှိုက်သွင်း
လိုက်ရုံနဲ့ ဆေးလိပ်သောက်တဲ့အမှုပြီးမြောက်နိုင် မနိုင်
ဆေးလိပ်တစ်လိပ်ရဲ့ ခံနိုင်ရည်က နှစ်ဆယ့်သုံးခါ ရှိုက်ဖွာမှုဖြစ်ကြောင်း
စောက်ရေးမပါတဲ့ ဖြေရှင်းချက်တွေက မှိုတက်ချစား  ရေပေါ်တက်နေတဲ့
ဆီကျန်ရေကျန် ဟင်းတခွက်ရဲ့ဘ၀ကို ခင်ဗျားနားလည်ဖို့ ( သိပ် )
လွယ်ကူဖို့ ခက်ခဲတယ် မဆိုသလောက် စဉ်းစားကြည့်တတ်ရုံအပြင်
ခင်ဗျား လုပ်နိုင်တာက သွေးတိုးစမ်းတဲ့ နားကြပ်တွေလို  ဒိန်း  တပ်  တပ်
စိတ်ပျက်စရာ လူနေမှုအသိုင်းအ၀ိုင်းထဲကို ခင်ဗျား ဒလိမ့်ခေါက်ကွေး
တိုးဝင်နေ  ခွေးလေခွေးလွင့်တွေကြားထဲ ယုန်ဖြူတစ်ကောင်အယောင်
ဆောင်ဖို့ စောက်မှတ်မရှိတဲ့ အသိဥာဏ်အကျိုးအပဲ့တွေနဲ့
ခင်ဗျားကိုယ် ခင်ဗျား ချောက်ထဲ တွန်းချနေတာ ပျော်စရာပဲ
ဖြတ်ပြောစရာတစ်ခုတလေလောက်ဖြစ်ဖြစ် ခင်ဗျား
မျက်စိတွေထဲက ပြုတ်ကျလာလေမလားရယ်လို့ မျှော်နေရတာ
မော  ပျင်းနေပြီလား ဂျွန်
ခင်ဗျားနားမလည်တဲ့ နှလုံးခုန်သံတွေက ခင်ဗျားလက်ထဲက ခင်ဗျား
တီးနေတဲ့ ဂစ်တာသံတွေ ဆိတ်ဆိတ်နေခြင်းသည် ၀န်ခံခြင်း ဘာညာ
ဂစ်တာကြိုးတွေကတော့ ကိုယ့်ကိုကိုယ် သတ်သေဖို့ အကောင်းဆုံး
အနုပညာ ကမ္ဘာဟာ အရှေ့ကို တည့်တည့်လျှောက်တယ် အနောက်ကို
ပြန်မျှော် မမျှော်  အီဖယ်မျှော်စင် ပြန်လည်တည့်မတ်ဖို့ ကြိုးစားမှုဟာ
စိတ်ကို တည့်တည့်ပြန်မြင်ရစေဖို့ ယတြာကောင်းတစ်ခုလို
ခင်ဗျားထိုင်နေတဲ့ အလင်းထဲ မီးခိုးငွေ့တွေ ကူးချည်သန်းချည်
ရူးတာပဲ ဂျွန်   ခင်ဗျား စောက်ရမ်းရူးတာပဲ ။




 - မင်းလုလင် -




* အေးချမ်း၏ စာသားအား မြန်မာမှုပြုသည်