Subscribe:

ကျွန်တော်နှင့်အနီးတ၀ိုက်တွင်




အလိုမတူပဲ တံဆိပ်တပ်ခံလိုက်ရသောအကြောင်းအရာများ နှင့်
ခိုးယူသုံးစွဲခြင်းခံရသော အနာဂတ်များ ...
သူမ သူမ တို့၏ ခြေဖမိုး လှလှများ နှင့်
တဆင့်ချင်း နစ်ဝင်သွားသော မေတ္တာတရားအမည်တပ် မေတ္တာတရားများ ...
ခွေးဟုခေါ်ရန်ပင် အဆင့်မှီခြင်းမရှိသော ဒေါင်းတံဆိပ်ခွေးများနှင့်
အရပ်ပျက်ယဉ်ကျေးမှုတစွန်းတစများ ...
မကြာခဏငိုယိုတတ်သော ကဗျာဆရာများနှင့်
ပန်းချီကားထဲသို့ ပိုက်ဆံ ထည့်ဆွဲသော ဓါတ်ပုံဆရာများ ...
ဝင်စို့ထွက်စို့များသော အသင်းအဖွဲ့များနှင့်
စည်းလွတ်ဝါးလွတ် တေးဂီတများ ....
ခလုတ်ထိမှ အမိတသည်ဟုစွတ်စွဲခံရသော မိဘမဲ့ကလေးများ ...
လျှပ်စစ်ယဉ်ကျေးမှုမှသည် ဖယောင်းတိုင်ယဉ်ကျေးမှု ကူးပြောင်းခြင်းကာလများ...
စိတ်ကြောရှုံ့ အတတ်ပညာဆိုင်ရာ သင်ခန်းစာများ ...
ဈေးဝယ်ထွက်ခြင်းသည်ကျန်းမာရေးကိုဆိုးရွားစွာထိခိုက်စေသည် .. ဆိုင်းဘုတ်များ
ဝတ်ကောင်းစားလှဝတ်ဆင်ထားသော ကာဗွန်ဒိုင်အောက်ဆိုဒ်များ ....
မနက်ဖြန်ဟု လိမ်လည်ပြောဆိုခြင်းခံရသော ဒီနေ့များ ...
ရေသန့်ဗူးခေတ်ကြီးဆန်းသစ်ပြီဟုရေးသားထားခြင်းခံရသော သောက်ရေအိုးစင်များ...
မော်ဒန် အယ်လ်ပီ သီအိုရီ အရှုပ်အထွေးများနှင့် ပဲပင်ပေါက်ဈေးကွက်များ ...
ငွေကုန်ကြေးကျများလာသော အကောင်းစားမိန်းမပျက်များ ....
မျက်ကန်းမကြောက်သော တစ္ဆေများနှင့်
တစ္ဆေမကြောက်သော မျက်ကန်းများ ...
ဘောလုံးပွဲအစီအစဉ်များရှေ့မှ ရဟန်းသံဃာများ နှင့်
အသံမစဲ မဟာ ပဌာန်းပွဲကြီးများ ....
ကုန်ကြမ်းမပါသော ကုန်ချောထုတ် ပွဲစားစက်ရုံများနှင့်
ကျွန်ုပ်တို့၏ ချစ်လှစွာသော ကမ္ဘာမြေထိန်းသိမ်းပြုပြင်ရေးများ ..
စသည် .. စသည်ဖြင့် ကျင်လည်လျှက်ရှိသော အကြောင်းအရာများ ......။


- မင်းလုလင် -

အဆိပ်မိခြင်း




အလေအလွင့်များတဲ့ နေ့ရက်အရိုင်းအစိုင်းတွေပဲ ညီလေးရေ ...။

၁၉၉၇ ခုနှစ်က အိပ်ရေးပျက်တဲ့ညတွေထဲက

တယောက်တခြမ်း ခိုးလွမ်းခဲ့ဖူးတဲ့

လရောင်တွေဆိုတာ ကြာခဲ့ပါပြီ ညီလေးရေ..။



ဘ၀ကို အားတက်သရော တိုက်ခိုက်ချင်တဲ့ မင်း

စိတ်အင်နားရှားနိယာမတွေကြားမှာ

မကြာမကြာ မီးပွိုင့် မိတတ်နေပြီလား

ဘ၀ကိုဖြတ်ကူးတယ်ဆိုတာ

လမ်းဖြတ်ကူးသလို ဘယ်ညာကြည့်ရုံနဲ့

မလုံလောက်ဘူးဆိုတာကို မင်းသိနေလောက်ပါပြီကွယ်...။



ညီလေးရေ..

အချိန်ဆိုတာ တည်ငြိမ်မနေဘူးကွဲ့

ဖောက်လွဲဖောက်ပြန်သဘာဝတွေထဲမှာ

ကိုယ့်ကိုကိုယ် ပြန်လိမ်တတ်အောင် မင်းမကြိုးစားမိပါစေနဲ့

စိတ်တူကိုယ်တူ တူးဆွစိုက်ပျိုးခဲ့တဲ့ ဥယျာဉ်က

အနုပညာဆန်ခဲ့တာကလွဲရင်

လူတန်းမစေ့ခဲ့ပါဘူးကွယ်....။



မောနေပြီလား ညီလေး

တံတွေးခွက်တွေထဲမှာ ခြေကုန်လက်ပန်းကျနေပြီလား

အားမလျှော့လိုက်ပါနဲ့ကွယ်

နေ၀င်တာကို မြင်လိုက်ရရုံနဲ့

မင်းဘ၀ ညဉ့်နက်မသွားပါဘူး ညီလေးရယ်

တို့တွေ ခိုးလွမ်းခဲ့ဖူးတဲ့ လရောင်တွေကြား

မင်းအရိပ်တွေ သွက်သွက်ခါအောင် ရူးသွပ်ပြလိုက်စမ်းပါ

ကဲ့၇ဲ့သံဆိုတာ အောင်မြင်မှုဆီသွားတဲ့ လမ်းပြမြေပုံတွေပါကွယ်...။



လူငယ်တွေပဲ ညီလေးရေ

အမှားနဲ့ဘယ်ကင်းနိုင်ပါ့မလဲ

အမှန်နဲ့ကင်းနေတဲ့သူတွေကြားမှာ

ပြုံးပြုံးလေး မှားနေပါ ညီ

ပြုံးပြုံးလေးသာ မှားလို့နေပါ....။



လောကကြီးဆိုတာ

ကလေးကစားဝိုင်းလိုပဲ ညီလေး

တယောက်ဆီက တယောက်လုယူနေကြတာပဲ

ငိုပြီးပြန်သွားတဲ့သူက အမြဲတမ်း အနိုင်ကျင့်ခံရမယ် ညီလေးရေ

မင်းမျက်ရည်တွေကို မင်းမော့သောက်ပစ်လိုက်

လျှင်သူစားစတမ်း လောကဓံမှာ

တို့တွေ ၀ိနည်းလွတ်အောင် ပြုံးကြတာပေါ့ကွယ်....။



လူကြိုက်များတိုင်း ပစ္စည်းကောင်းမဟုတ်ပါဘူး ညီလေးရေ

မောင်ချောနွယ်ကဗျာထဲကလို

တို့တွေ လူကြိုက်နည်းတဲ့ ဘ၀မှာပဲ

အရေအတွက်တွေကို မေ့ထားကြတာပေါ့

ဖြစ်နိုင်မယ်ဆိုရင်

ဖြစ်လေရာဘ၀ လူကြိုက်နည်းတဲ့ကောင်သာဖြစ်ရပါလို၏ လို့

ညီညီညာညာ ဆုတောင်းကြပါစို့ကွယ်...။



ကမ္ဘာအကျယ်ကြီးထဲက

ပတ်ဝန်းကျင် ကျဉ်းကျဉ်းလေးထဲကနေ

ကမ္ဘာကြီးအကြောင်း အဆမတန်ပြောတတ်ကြတဲ့လူတွေအလယ်မှာ

လူသွားလူလာ မပြတ်စေနဲ့ ညီလေးရေ..

ဖြေဆေးကိုလိုချင်ရင် အဆိပ်အရင်သောက်မှရတယ်ဆိုတာ

ငါ့ညီ .... ရာသီတွေရင်းပြီး သိနေလောက်ပါပြီကွယ်.....။

- မင်းလုလင် -