Subscribe:

ကျေးပုရပိုက်

တိ မ် မျှ င်ေ တွ ကို တ စ် စ စီ ဆွဲ ထု တ်
စိ တ် ကူး အ ပု ပ်ေ တွ နဲ့
ေ နေ လာ င်ေ န တဲ့ အေ ရ ပြား
မိေ ကျးေ ရ...
ပူ စ ပ် ပူေ လာ င် နဲ့ေ န သား မ ကျ တို င်း
က ဗျာေ တွ ပဲ ထု တ်ေ ရးေ န ရ တ ယ် ။

မြို့ ကြီး ပြ ကြီး
လို င်း ကား တိုး စီး ဖူး တ ယ်
ဒါ လ ည်း ဘ ၀ မ ဟု တ် ပြ န် ဘူး
ငါ တို့...အ မြ င်ေ တွ ၀ါး
သ တ် ပုံေ တွ မှားေ န ကြ တ ယ် ။

ဆို ကြ ပါ စို့...မိေ ကျး ရ ယ်
က မ္ဘာ ကြီး လုံး တ ယ်ေ ပါ့
အ ရှိ တ ရား ကို ခ ဏေ မှာ က် လို့
သိ ချ င် စ မ်း ရဲ့
ဘာေ ကြာ င့် လုံး ရ သ လဲ
ငါ မ သိ ဘူး...မိေ ကျး ။

ဒီ လိုပါ ပဲ လေ...
ငါ က လ ည်း န င့် ကို
က မ္ဘာ ကြီး လုံးေ န သ လို ချ စ် တာ က လွဲ ရ င်
အိ မ်ေ မွး တိ ရိ စ္ဆာ န်ေ တာ င်
ချ က် စား တဲ့ေ ကာ င်ေ ပါ့ ။

လ မ်းေ ဘး လ္ဘ က် ရ ည် ဆို င် ထို င်
ရှိ တဲ့ ပို က် ဆံ ( ၂၀၀ ) တ န် အ နွ မ်းေ လး နဲ့
ညေ န ခ င်း ကို ၀ ယ်
ဒု က္ခ သ ည် ဖြ စ် မှ န်း မ သိ ဖြ စ်
အ ပြ စ်ေ တွ သာ တိုး
" မ ရှိ ခိုး နိုး " ရ ယ် တဲ့ေ လ ။

ဘ ၀ ကို စိ တ် တို င်း ကျ တ ည်ေ ဆာ က် ဖို့
စိ တ် ထဲ မှာ န စ်ေ န တဲ့ အ ရာေ တွ
တ စ် စ စီ ပြ န်ေ ဖာ်ေ န မိ
( ၁ ) ယ င်း မာ တံဆိ ပ် မိ န်း မ စီး ဖိ န ပ် တ စ် ရံ
( ၂ )ေ ခါ င်း စီး ကြိုး နှ စ် ကွ င်း
( ၃ )ေ ရှာ က် ချို သီး တ စ် လုံး
( ၄ ) ငါး ပိ ရ ည် တ စ် ခွ က် နဲ့
( ၅ ) ကြာ ဇံချ က် တ စ် ပွဲ
ပြီး ပြ ည့် စုံ တဲ့ ဘ ၀ ရ ပြီ ။

ငါ့ တာ ယာ ဖိန ပ်ေ လး ပြ တ်
သဲ ကြိုး အ သ စ် တ ပ် တု န်း ကေ ပါ့
ကြ ယ် မေ ကြွ ပဲ...
ေ န ပူ စ ပ် ခါး အ ပြေး အ လွှား နဲ့
သ တိ တ ရ ဆုေ တာ င်းေ ပး တ ယ်
မိေ ကျး....
န င့် နု တ် ခ မ်းေ တွ ထာ ၀ ရ ချို ပါေ စ ။

အ င်္ကျီ တ စ် ထ ည် နဲ့ေ ဆး လိ ပ် မီးေ ပါ က်
က င်း ချ ည် တွ ယ် မဲ့ လ က် တ စ်ေ ချာ င်း
အို...အေ တွးေ တွ
သ ရဲ စီး ကုန် ပြီ ထ င် ပါ ရဲ့
မေ ပြာေ ကာ င်းေ ပြာေ ကာ င်း မိေ ကျး ရ ယ်
တ က် နှို င် ရ င်
အိ မ် မ က် ထဲေ တာ င် ဧ ည့် ၀ တ် မ ပြု ပါ နဲ့ ။

ဒုံးေ ပ က တ် သ တ်
အ တ္တေ တွ ဒ ရွ တ် ဆွဲ
ခ ပ် ထူ ထူ ဘ ၀ ထဲ မှာ
ေ လ ချိုေ သွး ပြီးေ ချာ့ သိ ပ် ဖို့
ေ စာ င် ကြ မ်း တ စ် ထ ည်ေ တာ င် မ ရှိ ဘူး ။

မိေ ကျး....ေ ရ
ပျ င်း ရိေ လး တွဲ့...
တ စ်ေ ယာ က် ထဲ ရှိ တဲ့ အ ခါ
ေ လာ က ဓံ ထိုး နှ က်
က ကြိုးေ တွ ပျ က် လို့
အိ ပ် စ က် အ နား ယူ လို ရ င်
ငါ့ ကိုေ ခါ် ပါ
ညေ ယာ င် ဖ န် ဆ င်း
ငါ့ ကို ယ် ငါ အေ မှာ င် ခ င်း လို့
ခ ပ် ဖွ ဖွေ လး က ဗျာ ရွ တ်
န င် တ စ်ေ ယာ က်..
စိ တ် လွ တ် ကို ယ် လွ တ် အိ ပ် စ က် နှို င်ေ စ ရ ပါ့ မ ယ် ။

ေ ဟာ ... မိေ ကျး
စံ ပါ ယ်ေ တွေ ဖွးေ ဖွး လှု ပ် ပွ င့်
န င့် ရာ သီေ ရာ က် ပြီ
သူ တို့...ပ င် လုံး ကျွ တ်
ပွ င့်ေ ၀ ၊ေ ကြွ ကျ ၊ေ မြ ခ
တ စ် ခါ တ စ် ခါ ကေ လး ဘ ၀ ကို သ တိ ရ သ လိုပဲ
ငါ ရိုး ရိုးေ လး လွ မ်းေ န မ ယ် ။ ။

(တာယာ)

ကိုတာယာရဲ့ ကဗျာတွေထဲက ကျွန်တော် အကြိုက်ဆုံးကဗျာလေးပါ....။

ဆေးဆိုးပန်းရိုက်လမ်းခွဲ

ရာသီပြောင်းသွားပြီ... မျက်ရည်
ကတ္တရာ အနက်ရောင်ပြေးလမ်းပေါ်မှာ
လူသားဆန်တဲ့ အကြည့်တချက်က
ဝေးရော်ရင့်ထေလို့....။

ရှုံးနိမ့်ခြင်းတွေကို စာဖွဲ့နေတာ ကဗျာဆရာမဟုတ်ဘူး
ဒါဏ်ရာတချို့ကတော့
ဆေးထည့်ဖို့ လိုနေပြီ..မိတ်ဆွေ...။

ခိုတစ်ကောင်ရဲ့ သစ္စာရှိမှုထဲမှာ
ညီးတွားသံကို မေ့ထား
တံခါးရွက်ကြားက သံချေးကိုက် ပတ္တာအိုလေးကတော့
သူ့တာဝန်သူကျေတုန်း
ဘယ်သူတွေပြောခဲ့ပါသလဲ
တော်လဲသံအိုတွေကြားက ဗျက်စောင်းသံကို မကြားခဲ့ပါဘူး လို့..။

သွား... အရူးဆန်တဲ့ဒဿနတွေ
အနားကနေ ဝေးရာကို တရွေ့ရွေ့သွား
ထားခဲ့သူလား
ကျန်နေခဲ့သူလား
ဘယ်လို ရှေ့နောက်ညီ တရားသံတွေကိုမှ
နားထဲအ၀င်မခံတော့ဘူး
သွားလိုရာသာ သွားကြစေတော့..။

လူမိုက်ခေတ်ရဲ့အနုပညာမှာ
ကန့်လန့်တိုက်ယဉ်ကျေးမှုတွေက
စိတ်ယားအောင် ဖန်တယ်...။

ဝေးပြီ
ဝေးကြပြီ
လက်တကမ်းနဲ့ မျက်စိတလှမ်း
အလိုရှိရာအလိုတော်အတိုင်း
ဝေးလိုကဝေးစေ....။

ကန့်လန့်ကာနောက်ကွယ်မှာ
လက်တဖက်ဝှက်လို့
ကျန်တဲ့တဖက်နဲ့ လက်ဆွဲနှုတ်ဆက်ဖို့
ဝန်အကြီးကြီးလေးတယ်
ပုတ်ချပြီး ကဲ့ရဲ့ထားခဲ့ကြ
ငါ့ကို သွေးပျက်လို့ ဆုတ်ခွာထားခဲ့ကြ...။

ငွေကြေးစီးဆင်းမှုနိယာမနဲ့
လဲယူလိုက်တဲ့ လက်ပြနှုတ်ဆက်မှု
ကောင်းရာမွန်ရာလမ်းစဉ်အတိုင်း
ဖိနပ်ပါးပါးစီးပြီး ထီးဖြူဖြူလေးဆောင်းထားမယ်
အမြင်သွေဖီမှု မရှိပါစေနဲ့တော့....။

ရင်ဘတ်ထဲမှာ မရှိတော့ဘူးတဲ့လား
" ရှင်က ၀ါသနာရူး တစ်ယောက်ပဲ " တဲ့လား
မမှတ်မိနိုင်တော့လောက်အောင် ဝေးစေ...။

ကမ်းပါးအစွန်းမှာ
ကြိုးတမ်းလမ်းလျှောက်မှုမျိုး နောက်ထပ်မလုပ်တော့ဘူး

ရေကြည်ရာမြက်နုရာမှာ
မျက်ရည်ကြည်တို့ မကျစေတော့ဘူး

ကိုးကွယ်ယုံကြည်မှုတယောက်တခြမ်းနဲ့
တစုံတယောက် ...အဝေး.... တစုံတယောက်...။

နင်က ဆလင်းဘတ်အိတ်ကို
ပုခုံးပေါ်ဆွဲတင်လိုက်ချိန်မှာ
ငါက အယူဝါဒတစ်ခုကို
ရင်ဘတ်ထဲက ပစ်ချလိုက်တယ်....။

ကျွန်တော်တို့မြို့မှာ....

ကျွန်တော်တို့မြို့မှာ လိင်ကူးသန်းရောင်းဝယ်မှု ထွန်းကားတယ်

ကျွန်တော်တို့မြို့မှာ ဦးနှောက်ဖောက်စားသူတွေ ထွန်းကားတယ်

ကျွန်တော်တို့မြို့မှာ ဗုဒ္ဓ၀ါဒ ထွန်းကားတယ်

ကျွန်တော်တို့မြို့မှာ အလုပ်မဲ့လူတန်းစား ထွန်းကားတယ်

ကျွန်တော်တို့မြို့မှာ ဘီးတပ်ယဉ်ကျေးမှု ထွန်းကားတယ်

ကျွန်တော်တို့မြို့မှာ မြစ်ရေကြီးမှု ထွန်းကားတယ်

ကျွန်တော်တို့မြို့မှာ ကိုယ့်ဂုဏ်ကိုယ်ဖော်တဲ့ မသူတော်တွေထွန်းကားတယ်

ကျွန်တော်တို့မြို့မှာ လက်ဖျောက်တီးတတ်တဲ့ လူ့မလိုင်တွေ ထွန်းကားတယ်

ကျွန်တော်တို့မြို့မှာ လက်ဖျံရိုးပါးတဲ့ အနုပညာရှင်တွေ ထွန်းကားတယ်

ကျွန်တော်တို့မြို့မှာ နေမ၀င်ရိုင်းစိုင်းမှု ထွန်းကားတယ်

ကျွန်တော်တို့မြို့မှာ အိမ်ရာမဲ့ခြေတိုင်တွေ ထွန်းကားတယ်

ကျွန်တော်တို့မြို့မှာ စကားကြီးစကားကျယ် ထွန်းကားတယ်

ကျွန်တော်တို့မြို့မှာ ကိန်းဂဏာန်းတွေ ထွန်းကားတယ်

ကျွန်တော်တို့မြို့မှာ ကိုးကွယ်ယုံကြည်မှုတွေ ထွန်းကားတယ်

ကျွန်တော်တို့မြို့မှာ ဒုစရိုက်မှုတွေထွန်းကားတယ်

ကျွန်တော်တို့မြို့မှာ ဈေးကွက်ကဲ့ရဲ့မှု ထွန်းကားတယ်

ကျွန်တော်တို့မြို့မှာ ညရေးညတာအမှောင်ကျမှုတွေ ထွန်းကားတယ်

ကျွန်တော်တို့မြို့မှာ ပုဂ္ဂလိက ပျော်ရွှင်မှုတွေ ထွန်းကားတယ်

ကျွန်တော်တို့မြို့မှာ ခေါင်းရွက်ဗျက်ထိုးလူယဉ်ကျေးတွေ ထွန်းကားတယ်

ကျွန်တော်တို့မြို့မှာ အမြုပ်တစီစီနဲ့ အဟောင်းဆိုင်တွေ ထွန်းကားတယ်

ကျွန်တော်တို့မြို့မှာ အိပ်မက်ငတ်နေတဲ့ လူငယ်တွေ ထွန်းကားတယ်

ကျွန်တော်တို့မြို့မှာ ပေါက်ကွဲလွယ်တဲ့တိုက်တာတွေ ထွန်းကားတယ်

ကျွန်တော်တို့မြို့မှာ ပင်ကျအဆိပ်တွေ ထွန်းကားတယ်

ကျွန်တော်တို့မြို့မှာ ၀င်လွယ်ထွက်လွယ်ဒေါသတွေ ထွန်းကားတယ်

ကျွန်တော်တို့မြို့မှာ ကျီးမနိုးမှီလင်းနေတတ်တဲ့ နေရောင်တွေ ထွန်းကားတယ်

ကျွန်တော်တို့မြို့မှာ လက်ဖက်ရည်ဆိုင်ယဉ်ကျေးမှု ထွန်းကားတယ်

ကျွန်တော်တို့မြို့မှာ မျက်စိပိတ်နားပိတ်နေတတ်တဲ့သေတ္တာအိုကြီးတွေ ထွန်းကားတယ်

ကျွန်တော်တို့မြို့မှာ လောင်စာမဲ့မီးအိမ်တွေ ထွန်းကားတယ်

ကျွန်တော်တို့မြို့မှာ နွေရောက်တိုင်းမီးလန့်တတ်တဲ့ ရေကန်ကြီးတွေ ထွန်းကားတယ်

ကျွန်တော်တို့မြို့မှာ ...............

ကျွန်တော်တို့မြို့မှာ ...............................................။

နောက်ဆုံးညနေက ကျွန်တော်အိမ်ပြန်နောက်ကျတယ် မနှင်းဝေ

မနေ့တုန်းကလိုပဲ .. မနှင်းဝေ
ဘယ်ဘက်ရင်အုံအောက်က
သံစဉ်အပြိုတွေကြားမှာ
ကျွန်တော့စိတ်ဓါတ်တွေ ညိုမွဲနေတုန်းပဲ..။

သံသရာဆိုတာကို လက်ချိုးရေကြည့်ဖို့
သက်လုံမကောင်းတဲ့ လူငယ်
တလမ်းသွားယဉ်ကျေးမှုနဲ့
ကျွန်တော့ဇာတာမှာ နေသာလသာမရှိသေးဘူး.. မနှင်းဝေ...။

ထားခဲ့ပါ
ကျွန်တော့ကို ထားခဲ့ပါ
စက္ကန့်တွေ အများကြီးရဲ့ အဝေးမှာ
ကျွန်တော့ကို ထားခဲ့ပါ
ဆီပျောက်မီးပျောက်ခြေရာတွေကို ပိတ်
ကျွန်တော့ အိပ်မက်တွေကို အလင်းမှိတ်ထားလိုက်မယ်
မနှင်းဝေ.. လင်းမြကြည်ဝေပါစေ...။

မြို့တော်ခန်းမရှေ့မှာ
ဆူးလေက အင်တာနတ်ဆိုင်မှာ
တိရိစ္ဆာန်ရုံထဲက ခုံတန်းလျားလေးတွေပေါ်မှာ
ပြက္ခဒိန်တွေထဲက
မိုးရေစိုရာ တနင်္ဂနွေနေ့များ
အရိပ်ချင်းထပ်ရာ ညနေခင်းတွေတိုင်း
ကျွန်တော့ စိတ်နဲ့ကျွန်တော် ရူးတယ်
ကျွန်တော့လက်တွေကတော့
တယ်လီဖုန်းနံပါတ်လေးတခုကို အသားကျနေတုန်းပဲ မနှင်းဝေ...။

ကဗျာတွေရေးတယ်
သီချင်းတွေရေးတယ်
ကျွန်တော့စိတ်ထဲက အသံတွေကို
မေ့လျော့ဖို့ ကြိုးစားနေပါတယ် မနှင်းဝေ
ကျေးဇူးပြု၍
အိပ်မှုန်စုံမွှား ကျွန်တော့ကမ္ဘာမှာ
သံစဉ်ပျိုတွေနဲ့ လန့် .. လန့် မနိုးပါနဲ့...။

ကဗျာတွေဖတ်တယ်
သီချင်းတွေနားထောင်တယ်
အတိတ်ကိုမေ့လျော့ဖို့
အသိဥာဏ်မရှိတဲ့လူငယ်
လျော့ရဲရဲ လမ်းတွေအထက်မှာ
ကျွန်တော့ရင်ငွေ့ ကျွန်တော်ပြန်ရှာရင်း
လေ လွင့် နေ ပါ ဦး မယ် လေ....။

၂၁ ရာစုရဲ့ သိမ်ငယ်မှုတွေထဲ
ကျွန်တော့လက်တွေကို မတွဲချင်ပါနဲ့ မနှင်းဝေ
လောကဓံဆိုတာ
ကော်ဖီတခွက်... ဂစ်တာတလက်
တိရိစ္ဆာန်ရုံဝင်ခွင့် လက်မှတ်တွေလောက်
မခမ်းနားဘူး.. မသားနားဘူး
ကျွန်တော့ရင်ဘတ်ကို တထစ်ချင်းနင်းတက်ဖို့
မနှင်းဝေ ခြေထောက်တွေကို ကျွန်တော် အားနာမိပါရဲ့
အကြည့်စိမ်းစိမ်းတွေနဲ့သာ
ကျွန်တော့ကမ္ဘာကို ဖျက်ခဲ့ပါလေ
နောက်ဆုံးလရောင်ကို တရှိုက်မက်မက်သောက်ပြီး
ကျွန်တော့ကိုယ်ကျွန်တော် အမှောင်ချပစ်လိုက်မယ်
မနှင်းဝေ... လင်းမြကြည်ဝေနေပါစေသား.....။

မေ့ပစ်လိုက်ပါတော့ .. မနှင်းဝေ
သွေးရိုင်းသားရိုင်းနဲ့ တစ္ဆေတကောင်အကြောင်း
ကော်ဖီခွက်တွေအကြောင်း
သီချင်းသံတွေအကြောင်း
ကဗျာရွတ်သံတွေအကြောင်း
မြို့ပြညများထဲက လမ်းမီးတွေအကြောင်း
အားလုံး မေ့ပစ်လိုက်ပါ
မနက်ဖြန်တွေမှာ မြို့ရိုးအသစ်အထပ်ထပ်နဲ့
မနှင်းဝေ နန်းတော်ထဲမှာ ပန်းအသစ်တွေ ပွင့်ဝေနေမှာပါ...။

ခေါင်းမော့နေပါ မနှင်းဝေ
စံပယ်ရိုင်းတအုပ်နဲ့
ညနေကြမ်းကြမ်းတွေအားလုံး
ကျွန်တော် သယ်ဆောင်သွားပါ့မယ်
ခါတိုင်းလိုပဲ ပြုံးသဲ့သဲ့လေး ခေါင်းမော့နေလှည့်ပါ...။

နောက်ဆုံးအကြိမ်အဖြစ်
နောက်ဆုံးတွေ့ခဲ့တဲ့ ညနေက
ကျွန်တော်အိမ်ပြန်နောက်ကျခဲ့တယ် မနှင်းဝေ
ကျွန်တော့ကို ခွင့်မလွတ်လိုက်ပါနဲ့.....။

ထီးတလက်အလိုရှိသည်....။

ဒီလအတွင်း အစိမ်းရောင်ထီးတလက် အလိုရှိကြောင်း
ကိုယ့်ကိုကိုယ် သံချောင်းခေါက်လိုက်တယ်....

မနေ့က
စူးစူးဝါးဝါးအော်မြည်သံတွေနဲ့ (မိုးက)
ရေစက်တွေကို ငါ့အပေါ် မြှားတွေလို ပစ်ချ
ခေါင်းပေါ်မှာ.....ပုခုံးပေါ်မှာ
ကျောပေါ်မှာ.....ရင်ဘတ်ပေါ်မှာ.....။

မချွတ်တမ်းဝတ်ဆင်ခဲ့တဲ့ အရေခွံက
ငါ့စိတ်ကို မိုးမစိုအောင်ကာကွယ်ပေးနိုင်ရုံမှတပါး
မိုးဖြူရွာရွာ မိုးမဲရွာရွာ (တကိုယ်လုံး)
လွတ်လွတ်ကျွတ်ကျွတ် စိုတယ်....။

မြို့ထဲမှာ ... လိုင်းကားပေါ်မှာ
ပန်းခြံထဲမှာ... လမ်းပေါ်မှာ
ထီးရောင်စုံ ဒီဇိုင်းစုံ
(မဟုတ်ပါဘူး)
ငါ့အတွက်က အစိမ်းရောင် ထီးတလက်ပဲလိုတယ်
ဒါဆို ငါ့အတွက် စိတ်ရောကိုယ်ပါ လုံမယ်
ကောင်းကင်မျက်နှာ အရိပ်တကြည့်ကြည့်
ကြည့်နေရတဲ့ ဘ၀က လွတ်မယ်.......။

မြေချစ်သူက ထီးတလက်အတွက် (အိမ်မှာ)
စကားများစွာ လောင်ကျွမ်းရသတဲ့
သစ္စာနီက
ထီးဖွင့်ထားရင် ထီးအောက်မှာ မိုးရွာစေနိုင်တဲ့
ထီးတလက်ကို လိုချင်သတဲ့

ဆန္ဒတွေ ဘယ်လိုပဲ များများ
(လိုရင်း အဓိပ္ပါယ်က)
ဒီမိုးရာသီမကုန်ခင် ငါ့အတွက်
ထီးတလက် အပိုင်ရဖို့.....။

ပင်လယ်ပျော်

မြင်ကွင်းတိုင်းက
ကမ္ဘာကြီးလုံးကြောင်းသက်သေ
အထီးကျန်အတွေးတွေမှာ
စင်ရော်ငှက်တကောင်တောင် အဖော်မပါဘူး.။

အမြုတ်တစီစီနဲ့
လှိုင်းခေါင်းဖြူဖြူတွေ
သေမင်းတေးကို တလှည့်စီဆိုလို့
ညရေးညတာကို တိုက်စားနေတယ်

" ယနေ့ ရွာရန်ရာခိုင်နှုန်း........
ယနေ့လေတိုက်နှုန်း.........."
အထပ်ထပ်ရွတ်ဖတ်နေရတဲ့ ဂါထာတခုလို
နှုတ်ခမ်းပေါ် မကြာမကြာဆွဲတင်ရင်း
ပင်လယ်မီးစုန်းတွေတောက်တဲ့အချိန်
ကျွန်တော် အိမ်ပြန်နောက်ကျမယ် အမေ....။

စာမျက်နှာ ၂၂

မနေ့ကပြောတဲ့ တရားက
ဒီနေ့ ခါးနေပြီ ကိုစစ်..။
အလုပ်အကိုင်ရှားပါးမှုပြဿနာ
နေမှုထိုင်မှု လိင်မှုရေးရာ
ဘယ်ထောင့်က ကြည့်ကြည့်
ဒီအရပ်မှာ သူတော်ကောင်းမရှိဘူး

ကိုစစ် နေတဲ့ ရန်ကုန်နဲ့
ကျွန်တော်နေတဲ့ရန်ကုန် မိုးရွာပုံချင်းအတူတူပါပဲ
ငယ်ငယ်တုန်းက မိုးရွာရင်မိုးရေချိုးမယ်ဆိုတဲ့သီချင်းက
အခု လေမလုံမိုးမလုံနဲ့ ရုပ်လုံးပေါ်လာပြီ
ကျောရိုးတလျှောက်
အရှိုးရာတွေအထပ်ထပ်နဲ့
ကျွန်တော်က ပြေးလမ်းပေါ်ရောက်မှ
ခြေကျိုးသွားတဲ့ ပြိုင်မြင်းတကောင်ပဲ....ကိုစစ်

ရင်ဘတ်ဝဲယာတဖက်တချက်ဆီမှာ
အကျအပေါက်များတဲ့ မျှော်လင့်ချက်တွေနဲ့
ညရေးညတာ လွမ်းလို့ ငိုစရာမျက်ရည်မရှိဘူး

ဝါယာကြိုးအပေါက်အပြဲတွေနဲ့ ကျွန်တော့ညတွေအတိုင်း
လောကဓံက ဥာဏ်နီဥာဏ်နက်များတယ် ကိုစစ်

ပတ်ဝန်းကျင်က နှလုံးခုန်သံတွေက
သူတို့မျက်နှာဖုံးတွေနဲ့ သူတို့မျက်ရည်ကိုဖုံးကွယ်ထားကြတယ်
ငိုတယ်ဆိုတာ လူသိမခံဝံ့တဲ့ မကောင်းမှုတခုလား
ကျွန်တော်ခုထိနားမလည်နိုင်သေးဘူး ကိုစစ်

ကျွန်တော်က ကမ္ဘာ့သတင်းကိုလိုက်မမှီနိုင်တဲ့ကောင်
လူပြိန်းကြိုက်စကားလုံးအတိုအထွာတွေနဲ့
ကောင်းမှု မကောင်းမှု ဒွန်တွဲနေတဲ့
ခပ်ရိုးရိုး အတ္ထုပ္ပတ္တိ တစ်ခုပါပဲ
အရင်ကလို စီးကရက်လက်ကြားညှပ်ခဲ့တဲ့
ခပ်ပေါ့ပေါ့ မိုးပျံပူဖောင်းတလုံးမဟုတ်တော့တာကလွဲရင်....
ကိုစစ်နဲ့ကျွန်တော်နဲ့အားကျခဲ့တဲ့
ကိုငှက် မရှိတော့တာကလွဲရင်......
အရာရာ အရင်အတိုင်းပါပဲ ကိုစစ်..။

တချိန်ကလို ကတ္တီပါ ဖိနပ်နဲ့ ကျွန်တော်
ရွံ့ထဲဗွက်ထဲ လမ်းမလျှောက်တော့ဘူး
အသားအရောင်ခွဲခြားခံရတဲ့ တာယာဖိနပ်လေးနဲ့ပဲ
ကျွန်တော် အာကာသကို လမ်းလျှောက်ထွက်ခဲ့မယ် ကိုစစ်

ကျွန်တော်က မှောက်ထားတဲ့ဖဲချပ်ကို
ထိတ်လန့်တကြား လှန်ကြည့်တတ်တဲ့သူမဟုတ်ခဲ့ဘူး ကိုစစ်
ပျံကျမိုးတွေ ရွာလာတဲ့တနေ့
ကိုယ့်ကိုကိုယ် သူစိမ်းတယောက်လို တံဆိပ်ရိုက်ပြီး
စာမျက်နှာတွေပေါ်ကို ကူးခတ်လာခဲ့မယ်
ကျွန်တော့နာမည်ကျွန်တော် ခပ်ဖွဖွရွတ်ဆိုရင်းပေါ့......။