Subscribe:

လိပ်ပြာလွင့်ခြင်း

သွေးပြန်ကြော တလျှောက်
မီးခိုးငွေ့တွေနဲ့
ငါက အမှောင်ကိုကြောက်တဲ့ တစ္ဆေတစ်ကောင်....။

ယဇ်ပူဇော်ခံရတော့မဲ့ ယုန်တစ်ကောင်လို
ကိုယ့်နှလုံးခုန်သံ
ကိုယ်ပြန်ကြောက်နေရတဲ့ အဖြစ်....။

တောအုပ်လို့အခေါ်ခံရဖို့
သစ်ပင်ဖြစ်ခဲ့တာမဟုတ်တော့လဲ
အ၇ိပ်တွေက အကိုင်းအခက်မစုံဘူး

အမှတ်မရှိတဲ့ လက်ဖျံရိုးတွေက
..(ခုထိကို အပိုးမကျိုးသေး)..
ဒါဏ်ရာတွေကို ညှစ်ချနေတုန်း
သူရဲကောင်းတံဆိပ်နဲ့တော့
အသတ်မခံချင်ဘူး......။

ကြိုးပြတ်တော့မှ
စွန်ဖြစ်မှန်းသိရတာ
အသည်းနာတယ်..။

မပြောပါဘူး
မ...ပြော...တော့...ပါ...ဘူး
အသံတွေတခါပြန်မျိုချ...။

ကစားမိတဲ့ပွဲက
ဒုက္ခချင်းလောင်းကြေးထပ်ထားသတဲ့
ဖြစ်နိုင်မယ်ဆိုရင်ဗျာ
ကျွန်တော့အလှည့်ကို ခဏလောက်ကျော်ပေးထားပါ...။

ချိန်ကိုက်ဗုံးတလုံးကို မျိုချထားရသူလို
နာရီသံကြားရတာ စိတ်မလုံတော့
ကိုယ့်နာမည်ကိုယ်ခေါ်ပြီး
လင်းလင်းချင်းချင်းတနေရာမှာ
မှတ်တိုင်စိုက်ထားလိုက်တယ်
ငါက အမှောင်ကိုကြောက်တဲ့ တစ္ဆေတစ်ကောင်
ထင်းရှူးပင်တစ်ပင်တောင် လာမစိုက်ကြပါနဲ့......။

ဖြေရှင်းချက်တွေ
ဖွင့်ဆိုချက်တွေ ခဏမေ့ပြီး
ကိုယ့်ကိုခုတ်မဲ့ ဓါးကို
ကိုယ်တိုင်သွေးနေရတဲ့ ဘ၀မှာ
မေမေရေ....ကျွန်တော်အဝေးကြီးမှာ မဟုတ်ပါဘူး
အမဲရောင်လက်ဝါးကပ်တိုင်လေးနဲ့
ကျောချင်းကပ်ရပ်နေခဲ့တာပါ
လေချွန်သံတွေတောင် လှိုဏ်သံပါလာတယ်လေ....။

မွန်းတည့်ချိန်ရောက်တာတောင်မသိ
အမှောင်တွေ ထစ်ထစ်ချုန်းချုန်းရွာတဲ့အချိန်မှာမှ
တယောက်ထဲ
မိုးမိနေခဲ့တော့...တကိုယ်စာအလင်းဆိုတာ.....။

ငါက
အမှောင်ထဲမှာနေရတဲ့
အမှောင်ကိုကြောက်တဲ့ တစ္ဆေတစ်ကောင်........။

ခံစားချက်ကုန်ခမ်းသည့်ရောဂါဖြင့်ကွယ်လွန်သည်


..............(၁)................

ငါ့ခြေထောက်တို့ ကန်းခဲ့ပြီ......။

အလင်းမသိ

အမှောင်မသိ

..............(၂)................

လှေကားဆိုတာ

တက်ဖို့ ဆင်းဖို့ပဲမဟုတ်ဘူး

ထိုင်နေလို့လဲ ရတယ်ဆိုတာ

အသိနောက်ကျလေခြင်း...။

...............(၃)...................

ကန္တာရထဲမှာ ရေငတ်နေသလိုမျိုး

ကိုယ့်ကိုကိုယ် ပြန်ငတ်တယ်.....။

................(၄)..................

အထိတ်တလန့်အော်လိုက်တဲ့ ငါ့အသံမှာတောင်

ထုံဆေးနံ့တွေနဲ့ မွှန်လို့............။

................(၅)................

သေလို့သေမှန်းမသိ..။

...............(၀).................

ဘာ

ဆို

ဘာ

မှ



သိ

...............(၀)...............

ဘာဆို...ဘာ....မှ.....မ....သိ...။

................(၅)................

သေလို့သေမှန်းမသိ.....။

................(၄)...............

အသံတွေမသိ..။

...............(၃).............

ဆန္ဒတွေမသိ.....။

...............(၂)...............

အတွေးတွေမသိ....။

...............(၁)..............

ငါ့ခြေထောက်တို့ ကန်းခဲ့ပြီ...။

အတိတ်မေ့ခြင်း

အတ္တနဲ့ အနတ္တ

ဘူတာနှစ်ခုကြား

ရထားစီးမှားခဲ့တဲ့ကောင်

ခေါင်းထဲက မြစ်က

ပင်လယ်ရောက်မှ ပြာတယ်....။

အလွမ်းနာ

ဆေးထိုးမှားခဲ့ခြင်းပါ

ဝဋ်နာကံနာတစ်ခုကို

အရိုးမှာ ဆေးမင်ထိုးလိုက်သလို

စိတ်တွေက မှောင်တလှည့် လင်းတလှည့်နဲ့

လည်ပင်းကြောတွေ ထောင်းထောင်းထသည်အထိ

ကျွန်တော်နဲ့ ( ကျွန်တော် )

တစတစ ဝေးကွာသွား.............။

သက်တန့်

လှလွန်းလို့ထင်ပါ့

ညနေကတောင် မျက်လွှာချတယ်

ကောက်ကြောင်းတွေက တခမ်းတနားနဲ့

ဘာသာပြန်ဆိုစရာ စကားလုံးမရှိတော့ဘူး

လှလွန်းလို့ထင်ပါ့

သူကလေးသို့.....

အနမ်းတွေအကြောင်းပြောရင်

နင်းထားတဲ့မြေကြီး ကျွံဝင်သွားသလို

စိတ်တွေ တလှပ်လှပ်တုန်တယ်

သူကလေးပေါ့

တံပိုးခရာမပါပဲ ခြေရာလက်ရာ မပျက်မယွန်းနဲ့

ရင်တစ်ခုလုံးသိမ်းပိုက်သွားတယ်

ကျွန်တော်တောင်မသိလိုက်ပါပဲကွယ်

အသက်ရှူသံတိုင်းမှာ

သူ့နာမည်လေး ကပ်ပါနေတော့

ကျွန်တော် မသေချင်တော့ဘူး

သူ့မျက်လုံးလေးတွေနဲ့ဆုံတိုင်း

ကျွန်တော့တကိုယ်လုံး ပေါ့ပေါ့ပါးပါးလင်းတယ်

နေအိပ်ချိန်တိုင်း

သူကလေးအကြောင်းတွေး

ကိုယ့်ရင်ဘတ်ကို အလံဖြူလွှင့်ပြီး

အုံ့အုံ့သည်းသည်းလွမ်းတယ်

သူကလေးပေါ့

ကျွန်တော့ အိပ်မက်တွေကို အကျဉ်းချထား

သူ့အကြောင်းမပါရင်

ကျွန်တော် အိပ်လို့ကို မပျော်ဘူး

သူကလေးပြုံးလိုက်တိုင်း

ပန်းတွေကြွေတယ်

လိပ်ပြာတွေသေတယ်

သူတို့အလှကိုသူတို့ သိမ်ငယ်လို့သတဲ့

မထူးဆန်းဘူးလားကွယ်

တစ်ခါတစ်ခါ

နှုတ်ခမ်းလေးကို စူထား

စိတ်ကောက်တတ်တဲ့ နတ်သမီး

သူ့နှုတ်ခမ်းလေးတွေပေါ်

ကျွန်တော့ နှုတ်ခမ်းတွေ ထွန်ယက်စိုက်ပျိုးချင်တယ်

နည်းနည်းများ ရိုင်းသွားမလား

သူကလေးနဲ့ပတ်သတ်ရင်

(ကျွန်တော်ဆိုတာ)

ကမ္ဘာ့အယဉ်ကျေးဆုံး သွေးနွေးသတ္တ၀ါ

သူကလေးအမိန့်နဲ့

ကျွန်တော့သွေးတွေစီးတယ်

သူ့ဆံပင်မွမွကလေးတွေပေါ်

ကျွန်တော့မာနတွေဖြန့်ကျက်ထား

သူ့သွေးကြောစိမ်းလေးတွေ

ကျွန်တော်ချစ်တယ်

နည်းနည်းများ ရိုင်းသွားလေမလားကွယ်

အပူဒီဂရီလွန်နေတဲ့ ကျွန်တော့ရင်ဘတ်အတွက်

သူကလေးက ...ချွေးသိပ်မိုး

ကပိုကရိုလေးနဲ့ ပြိုတဲ့တိမ်

သူ့စကားသံလေးတွေနဲ့တင်

ကျွန်တော့နွေရာသီလှတယ်..။

...........................(မင်းလုလင်)